Ngalásia 2:4 - O Mikanda Ikola

⁴ Inda o phata iejilile ku jiphange ja makutu, ja bokuene ni kuzonza ni ku di dinga, anga a mesena ku mu saia. Mukonda ene a bokuene mu kulonda o ufolo uetu u tuene na-u mua Kristu Jezú, phala nʼ a tu bheke dingi ku ubhika.

Ngalásia 2:4 ပူးပေါင်းရင်းမြစ်များ

Jisálamu 119:45

Ngenda jinga muene mu ikoka iatu, kuma o ijila ié iene i nga bhindamena.

Jisálamu 51:12

Tona dingi ku ngi bhana o ngalasa ia ubhulukilu ué; u ngi fikidile ni vondadi ia ku ku tumaka.

Izaía 51:23

Inda nga kà di tula bhu maku ma ió a ku tatesele, ambelele o muenhu ué, xi: Bhetama, tua-nda kubhita ku kunda dié; anga eie u ta dikunda dié kala mavu ma kudiata, kifua mbambe ni njila phala jingenji.

Luka 5:38

Vinhu iòbhe-phe kikale a i ta mu isudi iòbhe.

Jipoxolo 15:1

Ku kala athu ku Judeia a kulumuka kuenioko, ku Andiioka, hé a kala mu longa jiphange, exi: Se mu kamba ku mi saia, uila kia-xi Mozé o kijila, mu Kitumu, ki mu tena kubhuluka.

Jipoxolo 15:24

Mukonda tua kʼ ivu kuma athu a tundu mu dietu a mi tatesa o miẋima ni jiphata mu ioso ia mi tangela, sumbala etu ki tua a tumu phala kuia mu kubhanga kieniókio.

Jipoxolo 20:30

Ni mudienu muene, hinu mu moneka athu a tanga ima ia makutu, ia kutondalesa, hé a sunga jixibulu ku mbandu iâ.

Loma 8:15

Mbata enu ki mu tambula Nzumbi ia ubhika, kuila mu kala dingi ni uôma. Maji mua tambula Nzumbi ia uana i mi bhangesa kukala mu anʼ a Nzambi, o mu nguzu ia tu bhana o Nzumbi, ki tu bhana kudikola kua Nzambi: Abha, Tata!

II Kolindo 11:13

Kuma athu a kala kiki, Jipoxolo ja makutu, akalakadi a mangonha. A tange a makutu bhu kaxi ni kikalakalu kiâ, hé a di bhangesa kala Jipoxolo ja Kristu.

II Kolindo 11:17

Ki nga mu zuelʼiki, ki nga mu ki zuela kala kia Ngana. Ku maka iâ a ku di hanza, nga mu a zuela muene kala ngi semenhi.

II Kolindo 11:20

Mu lendukila oso ene ku mi tumina ni ku mi dia mangonha, oso a mi nganala, oso a mi bhikisa, ni iá a mi bhana o jihuxi.

II Kolindo 11:26

Mu kuenda jinjila javulu, ngene mù bhita mu iluezu ia jihonga, ni mu ileuzu ia mii; mu iluezu ku akuaʼxi ietu, o jijudé, ni mu iluezu ku matumbu. Ngene ku bhita ni iluezu iavulu mu jimbonge, ni mu iluezu ku matutu; ni ku musanza ua kalunga, ni mu iluezu mukonda dia makamba a makutu.

II Kolindo 3:17

Mu kibatuʼiki kia Mikanda Ikôla, o bhuambe exi Ngana, a tange o Nzumbi ia Nzambi. O bhuoso-phe bhu kala o Nzumbi ia Ngana, bhu kala ufolo.

Ngalásia 1:7

Njimbu iengi, maji ki Njimbu Iambote. Kiene ki nga ki ambela kuila athu ngó a mu mi vunza, andala o Njimbu Iambote ia Kristu a i lungulula.

Ngalásia 4:25

Kuma Hangale muenʼ iú, uala bhu kididi kia mulundu ua Sinai ku Alábia, o Hangale-phe muene o kijimbuete kia Jeluzaleme ia lelu iala-ku, kuma iala mu ubhika ni anʼ ê oso.

Ngalásia 4:3

Kiene kimoxi ue ni etu kioso ki tua kexile tu anandenge mu nzumbi, tua kexile mu ubhika ua imbamba iala ni nguzu ia kutumina mu ngongʼ umu.

Ngalásia 5:1

Jezú Kristu ua tu jituna, phala tu kale mu kidi tu jifôlo. Uila kiki, Emanenu-phe mu ufolo uenʼ iú, kana kusukamena dingi mu ophe ia ubhika.

Ngalásia 5:10

Maji eme-phe hanji nga mi dielela mua Ngana. Kuma o kuongama kuetu mua Ngana, kua ngi dielelesa kuila, ki nga mu xinganeka emʼiki, enu uenu ki muandù kala dingi ni ilunji iengi. Maji nga ki dielela ue kuila, ió uoso ua mi tatesa, a kuliê, a toliê, hadia Nzambi ua kà mu bhana kaxtiku kê.

II Timote 3:6

Kuma enhá ene akua kubokona jinzu ni kuzomba, ambata-mu jisemenhi ja ahatu, jezala ni ituxi, ja senduka ni jihânhi javulu jaiibha.

Tiiaku 1:25

Maji uoso-phe u bhana o matui ku kitumu kia tenena, o kitumu kía ufuôlo, anga u ki jijila, ka kala mukua kuivua nʼa jimbe-ku, maji u kala mukua kubhanga nʼa kumbidile, muenhú Nzambi u mu zediuisa mu ioso ia bhanga.

I Phetele 2:16

Kia di kalela mu jifôlo, ufolo uenu ki u kale divunga dia kusueka usueia, maji mu kala-phe mu abhika angene a Nzambi.

II Phetele 2:19

A dielelesa ufolo ku akuá, manhi ene ala abhika a ifua iabolo. Kuma muthu kioso ki mu lenda, kiene kima ki mu bhikisa.

I Nzuá 4:1

Enu akuetu, nga mi zola, kana kuxikana jinga ku athu oso a tanga kuila ala ni Nzumbi ia Nzambi. Athu kala iá mu a lola jinga phala ku a mona se ni kidi kiene ala ni Nzumbi ia Nzambi, mba kana. Mukonda Jipolofeta ja makutu javulu ja tubhuka mu ngongo.

Juda 1:4

Kuma sai-ku athu a kambe o kuxikana, a mi zombela mudienu ni ku dʼimbikisa, ene tunde ukulu a a xindi o kuêla, athu abhumu, o kiadi kia Nzambi ietu a ki kitula uhabhu, o Mesene ietu imoxi, ni Ngana Jezú Kristu, a ditunu-nê.