Ngalásia 2:2 - O Mikanda Ikola

² Ngele-phe mukonda dia Ngana ku ngi longesa kuila kia ngi fuama kuia-ku. Kuenhoko anga ngi di bhongoluela mu Kionge ni adiakime a Ngeleja, anga ngi kala mu ku a jimbuila o Njimbu ioso i ngene kuboka mu ʼaxaxe ka akua jixi jengi. Maji nga a jimbuila bhu mbandu, ene ngó a fumana ku uadiakime, ngixi sumba ngedi kala eme-muene ngó nga di tumu, eme nga mu tala ngó hadi.

Ngalásia 2:2 ပူးပေါင်းရင်းမြစ်များ

Ndongixi 10:1

Mukuâ ni luhamue lua-fu, ki lu bhangesa o kutukumuka dizumba dia ibha, hé lu zanga unguendu ua mukua kuiudika ima ia mazumba ma mbote, kiene ue ki di bhanga o uôua uòfele ku muthu ua fumana ni unjimu.

Matesu 10:16

Talenu, nga mi tundisa kala mu jimbudi mua di lungu ni jimbinji. Muila-phe ni kudimuka kala mu jinhoka, ni kutobha kala mu mêmbe.

Jipoxolo 15:12

Kieniokio Mundu uoso anga a dixibha, evidila Barnabé ni Phaulu a mu jimbulula o isumua ni madiuanau ia kalakala Nzambi ni ene mu ʼaxaxe ka matumbu.

Jipoxolo 15:2

Anga ki bhekela Phaulu ni Barnabé kukuata jiphata ni mala enʼió, hé ku kala kufunda kuavulu. Bhenhobho, o jiphange anga a sola Phaulu ni Barnabé, ni akuâ dingi, phala a bande ku Jeluzaleme ku Jipoxolo ni adiakime, phala a tetulule o makʼ ama.

Jipoxolo 15:4

O kia zubha kutula mu Jeluzaleme, a a tambulula kuala o Ngeleja, ni Jipoxolo, ni adiakime. Ene anga a a kunda ima ioso ia bhange Nzambi mua ene.

Jipoxolo 18:9

Ngana anga u ambela Phaulu ku nzoji mʼ usuku, uixi: Ku kale ni uôma, enda ni kutanga, kana ku di xibha.

Jipoxolo 23:11

Usuku uenʼió Ngana anga u tukulukila Phaulu, hé a mu imanena bhu mbandu iê, uixi: Kolokota! Kala ki ua bhana o umbangi uami mumu mu Jeluzaleme, kiene ue ki ua kà bhana umbangi mu Roma.

Jipoxolo 5:34

Bhenhobho-phe, mu jitata mu imana muthu, falizeu, dijina diê Ngamadiiele. Muenʼiú mesene ia Kitumu, muthu a mu ximana kuala o mundu uoso. Anga u tuma kutundisa hanji mala iá bhu kanga, mu kakithangana ngó.

Loma 9:16

Kieniiki kima ki ki tundu ku muthu ua solo, mba ku muthu ua tena o kukibhanga, maji kua Nzambi mukua kulenduka.

I Kolindo 1:23

Maji etu-phe tuala mù kola Kristu, muthu ua fuila ku dikulusu, kia bhingi o Njimbu iê phala Jijudé kima kia a xitisa mu thulu phala ió ki Jijudé exi uoua.

I Kolindo 2:2

Kuma kioso ki nga kexile kumoxi ni enu, ki ngi solele dingi kuijiia kima kiengi mudienu, kikale ngó Jezú Kristu, kota-kota dingi o kufua kuê kua fuile ku dikulusu.

I Kolindo 9:24

Enuʼ enu mua kʼ ijiia kuma bhu dikanga bhua di kuata o makuenze mu kulenga, ene oso a lenga muene, maji muthu umoxi ngó u tambula o kijimbuete kia kikoue. Kiene ue, enu uenu lengenu, phala mu tambule o kikoue.

I Kolindo 9:26

Kala kiki, kiene ue ki ngi lenga katé bhu mbambe, phala ki ngiie ni kubelajaka. Ngi di bhanga ue kala ngi mutonoki a bokisi, home jê ki ji lueza.

II Kolindo 12:1

Kua ngi bhingi ku di hanza, sumbala ki kua ngi fuama. Kindala ngi kuata ku maka ma isumua ni majingunuinu ma ngi bhana Ngana.

Ngalásia 1:12

Ki ngi i tambula ue ku muthu, ka ngi longo-iu kuala muthu, maji nga i tambula mu kisumua kia Jezú Kristu muene.

Ngalásia 1:16

O bhu kithangana kia ngi tukuluila Monʼ ê moxi diami, phala ngi kale ngi muthu ua ku mu kola muène mu Njimbu iê Iambote, ku akua jixi jengi, bhenhobho ki ngʼibhula dingi kima ku muthu uoso-uoso.

Ngalásia 1:6

Nga mi diuana kiavulu, enu kindalʼ iki mua mu ambudisa kiá uoso ua mʼ ixana mu kiadi kia Kristu, enu mua tambulula kiá njimbu iengi.

Ngalásia 2:6

O ió-phe oso a fumana ku uadiakime, (hé a dianga, eme ki kia ngi kuatela kima kuma Nzambi kene ni katungu ka athu)—enʼió a fumana, ka ngi bandekezele kima kiengi kia ubhe.

Ngalásia 2:9

Mukonda dia kiki, kia zubha o kutongolola kiadi kioso kia ngi bhana Nzambi, ni Tiiaku, ni Phetele, ni Nzuá, ene a fumana kuma jingunji, a ngi bhele, ni eme ni Barnabé, lukuaku lua dilu mu usoko, phala etu tu di tele ku ió ki Jijudé, ene a di tele ku Jijudé akua kusaia.

Ngalásia 5:7

Enu mua kexi mù kuenda kiambote! Nanhi ua mi fudisa, phala o kidi mu kambe ku di tuma na-kiu?

Filipe 2:16

Mu ku a tela o Maka ma muenhu, muenda ni kumoneka mu ʼaxaxe kâ kala mu mikengeji ia jithethe-mbua ku diulu. Se kiene ki mu bhanga, eme ue ngi kala ni kia kutela thathe bhu kizuua kiná kia Kristu. Phala ki ngà kèle kala nga huha dikanga dioso, maji nga tale ngó hadi ia hatu.

Filipe 2:29

Mu tanesienu-phe mua Ngana ni ngalasa ioso. Mukonda athu oso a kala kiki, mu enda ni ku a xila.

I Tesalonika 3:5

Mukonda dia kiki, eme uami kia ngi kumu o kukala ni héle ia kuxala ubheka, eme nga tumine Timote kuijiia kioso ki mua mu kuenda mu kuxikana kuenu. Sumbala o Diabhu ue ka tena ku mi diangula kinéne, o kukalakala kuetu kuoso ni ku-iê ngó!

II Timote 4:7

Ngalu ita iambote, dikanga dia ngi xindile nga di zubha, o kuxikana ki nga ku eha.

Jihebeleu 12:1

Mukonda dia kiki, etu a tu bhake bhu ʼaxaxe kuala kifuẋi kionéne kia jimbangi javulu. Tu tudienu ioso i tu lalamesa, ni kituxi kioso kia tu naminina, tu lengienu ni kukolokota o dikanga dioso dia tu kala ku pholo.