Ngalásia 2:14 - O Mikanda Ikola

¹⁴ Eme-phe ki nga mono kuma kala kuenda kia iuka kala kia fuama mu kidi kia Njimbu Iambote, ngʼambelele Phetele bhu pholo ia ene oso, ngixi: Eie uala u Judé, se ua tambulula kiá kikexilu kia umatumbu, o kia ujudé kana dingi, phala-hi u bhinjika dingi o matumbu kukuata ujudé?

Ngalásia 2:14 ပူးပေါင်းရင်းမြစ်များ

Jisálamu 141:5

Uoso uaiukʼó, kia ngi beta, ngʼila kuma ua ngi bhange mbote; o kia ngi bazela, ki kala kala maji ma ngi uaie, ma ngi tula muene kiambote mu mútue; ió né a jijila uthu uengi, eme ngi kolokota ni kusamba.

Jisálamu 15:2

U kala muthu ua tenena mu kuenda kuê, mukua kukalakala ima iaiuka, u tanga kidi ni ku muẋima.

Jisálamu 58:1

Kífua mua zuela, kidi, enu mu afundixi? Muala kufundisa kiambote anʼathu mu ngongo?

Jisálamu 84:11

Kuma Jihova Nzambi muene dikumbi dietu, ngubu ietu; Jihova u tu bhana kiadi ni ujitu; kana kima kiemina, athu enda ni muẋima uazele.

Jisabhu 10:9

Uoso uenda ni muẋima uazele, ió ua di-fikidila mu kuenda kuê; uoso-phe uselula o uendelu uê, ua-nda ku di monekena.

Jisabhu 2:7

O unjimu ua kidi muene ua u lundila oso emana mixima nzanza; Nzambi iene o ngubu i xitila oso enda mu kuiuka.

Ijila 19:17

Mukuenu ku mu bhakele unguma ku muxima; inda ku fule ku mu bazela, se ua mu mono kutondala; kima kiaiibha ki ua mono kua mukuenu ku di xibhe na-kiu.

Jipoxolo 10:28

Anga ua ambela, uixi: Enu mua kʼ ijiia kuma muthu uala Judé, a mu kidika o kukuata ukamba ni mukua ʼxi iengi, mba kubokona ngó mʼ onzo iê ni kubhongoloka-nê kumoxi. Maji eme-phe Nzambi ua ngʼ idikiza kuma ki ngâmbe dingi muthu kuiibha mba kuxila.

Jipoxolo 15:1

Ku kala athu ku Judeia a kulumuka kuenioko, ku Andiioka, hé a kala mu longa jiphange, exi: Se mu kamba ku mi saia, uila kia-xi Mozé o kijila, mu Kitumu, ki mu tena kubhuluka.

Jipoxolo 15:24

Mukonda tua kʼ ivu kuma athu a tundu mu dietu a mi tatesa o miẋima ni jiphata mu ioso ia mi tangela, sumbala etu ki tua a tumu phala kuia mu kubhanga kieniókio.

Jipoxolo 15:5

Kieniokio-phe, kuimana athu amoxi, akua kisoko kia jifalizeu, a xikana kiá, exi: Athu oso ki Jijudé, kikale tu a saiesa, ni tu a tendelela kukuata o Kitumu kia Mozé.

Loma 14:14

Eme ngejiia, kuma kia ngi tetulukila mua Ngana Jezú, kuila kana-ku kima kia di xidila ngó kiene. Maji se bhu kala muthu uoso u kita kima o kuxila, phala muène kia xidi muène.

Ngalásia 1:18

Kia bhiti-phe o mivu itatu, kiene ki nga bandele ku Jeluzaleme mu ku di mona ni Phetele, anga ngi bhanga-nê kuinhi dia izuua ni itanu.

Ngalásia 1:6

Nga mi diuana kiavulu, enu kindalʼ iki mua mu ambudisa kiá uoso ua mʼ ixana mu kiadi kia Kristu, enu mua tambulula kiá njimbu iengi.

Ngalásia 2:3

Maji-phe né Tito, mukuetu nga kexi-nê, sumbala Ngeleku, ka mu bhinjikile ku mu saia.

Ngalásia 2:5

Enʼió-phe ki tua ẋikinine ku a enzela, mba ku a tolokela, né bhofele ngó, mbebhu o kidi kia Njimbu Iambote ki xale mu ʼaxaxe kenu.

Ngalásia 2:7

Maji a bhangele kiengi, kioso kia zubha o ku ngi mona kuma eme a ngi thelekala o Njimbu Iambote ku i bheka ku athu a kambe o ku a saia; mukuá, ni Phetele kia mu bhana o ku i bheka ku akua kusaia, o Jijudé.

Ngalásia 2:9

Mukonda dia kiki, kia zubha o kutongolola kiadi kioso kia ngi bhana Nzambi, ni Tiiaku, ni Phetele, ni Nzuá, ene a fumana kuma jingunji, a ngi bhele, ni eme ni Barnabé, lukuaku lua dilu mu usoko, phala etu tu di tele ku ió ki Jijudé, ene a di tele ku Jijudé akua kusaia.

Ngalásia 6:12

Oso andala o ku dʼidikiza ni ku di ximana (ku di ta nzabala), mu xitu, ene a mu mi bhinjika ni ku mi saia. A ki bhangela-phe ngó o kuiengesa ku a zukutisa, mukonda dia dikulusu dia Kristu.

Kolose 1:5

Kioso o ngolokela ia kidi, ia Njimbu Iambote, ki ia bhixila lua dianga kokuenu, kienhokio kiene ki muevua ue ku mi zuelela o kudielelʼ oko kuijiia ku Ngimbu Iambote. Kala kiki, o henda ni kuxikana ku muala na-ku kua tundu mu kidielelu kiokio ki muala na-kiu, kia kudielela ima ioio ia mi lundila mu diulu.

I Timote 5:20

Oso a ta ituxi, a bazele bhu pholo ia ene oso, phala akuâ a kale ni uôma.

Jihebeleu 12:13

Endenu mu jinjila ja kuiuka, phala o kinama kia haxi ki ki sokomoke, inda-xi, kʼiluke.

Jihebeleu 9:10

Iene ioso íii ia tange ngó makudia, ni makunua, ni nzungule ia jifesa ja ku di zelesa. Ilekelelu ia xitu i sedivila ngó kathangana katé Nzambi kia kà bhangulula o ima ioso.