Ngalásia 2:12 - O Mikanda Ikola

¹² Kuma ki tua kexile kuila enʼió kiluua eza a tundile kua Tiiaku, akua ʼxi kuenhoko, ki Jijudé, u kala mu kudia-nâ. Maji enʼió-phe kia zubha kuiza, ua lunguluka, ua di abhula mu kisangela kia ió ki Jijudé, mukonda dia uôma ua Jijudé, akua kusaia, anga u mesena kiá kusaiesa ió ki Jijudé.

Ngalásia 2:12 ပူးပေါင်းရင်းမြစ်များ

Jisabhu 29:25

O kukala ni uoma ua muthu, ki di bhanga mubhetu u fuisa muthu; maji uoso u dielela kua Jihova, uala ditala dia di leka, ka mu tena.

Izaía 57:11

Mukuahi ua ku kuatele uôma mba hele? Kia ku bhekela ku-ta o makutu, nʼukambe ku ngi lembalala, né ngó ku ngi ta mu muẋima ué? O kudixibha kuami tundé okulu, kiene-ze ki ua kambela ku ngi xila, ki kiene?

Izaía 65:5

aia ni ku di ambela mudiâ, exi-phe: Suetuka koko, ku ngi zukame, mukonda eme nga beta kuzela moxi eie ndenge. Enhá a di-bhange dixi mu mazulu mami, edi kala túbhia tua uama kumbi dioso dia kambàmba.

Luka 15:2

Jifalizeu ni akua kulonga o Kitumu a kala mù ngonga, exi: Muthu iú u tambulula akua ituxi, hé u dia-nâ.

Luka 5:38

Vinhu iòbhe-phe kikale a i ta mu isudi iòbhe.

Jipoxolo 10:28

Anga ua ambela, uixi: Enu mua kʼ ijiia kuma muthu uala Judé, a mu kidika o kukuata ukamba ni mukua ʼxi iengi, mba kubokona ngó mʼ onzo iê ni kubhongoloka-nê kumoxi. Maji eme-phe Nzambi ua ngʼ idikiza kuma ki ngâmbe dingi muthu kuiibha mba kuxila.

Jipoxolo 12:17

Muène ua a batela ni lúkuaku phala a di xibhe, anga u a kundila kioso Ngana kia mu katula mu ʼaleia. Uixi: Imʼ iii kundilenu-iu Tiiaku ni jiphange. Anga u katuka, uia kididi kiengi.

Ngalásia 2:14

Eme-phe ki nga mono kuma kala kuenda kia iuka kala kia fuama mu kidi kia Njimbu Iambote, ngʼambelele Phetele bhu pholo ia ene oso, ngixi: Eie uala u Judé, se ua tambulula kiá kikexilu kia umatumbu, o kia ujudé kana dingi, phala-hi u bhinjika dingi o matumbu kukuata ujudé?

Ngalásia 2:9

Mukonda dia kiki, kia zubha o kutongolola kiadi kioso kia ngi bhana Nzambi, ni Tiiaku, ni Phetele, ni Nzuá, ene a fumana kuma jingunji, a ngi bhele, ni eme ni Barnabé, lukuaku lua dilu mu usoko, phala etu tu di tele ku ió ki Jijudé, ene a di tele ku Jijudé akua kusaia.

Efezo 2:15

Iú ua bhuisa-ku o Kitumu kia Jijudé ni ijila iâ, ni malunda mâ, o ifuẋi iiadʼ iii, iú ua i bhange kimoxi ngó, kia ubhe, kia di umbu kua muène. O mu kubhanga kiki, ene oso ua a bheka ku paze.

Efezo 3:6

O kikutu kieniiki: Mukonda dia Njimbu Iambote, o akua jixi jengi, ala uâ mu kisangela kumoxi ni Jijudé mu mabesá moso ma Nzambi. Kuma ala idiandu ku mukutu uene umoxi; akua kisangela mu polomesa ia bhana Nzambi mua Kristu Jezú.

I Tesalonika 5:22

mu lenge jinge ioso i mua mono iaiibha.