Ngalásia 1:7 - O Mikanda Ikola

⁷ Njimbu iengi, maji ki Njimbu Iambote. Kiene ki nga ki ambela kuila athu ngó a mu mi vunza, andala o Njimbu Iambote ia Kristu a i lungulula.

Ngalásia 1:7 ပူးပေါင်းရင်းမြစ်များ

Jelemiia 23:26

Kia kà suka bhebhi ni kubhita kienhiki ku miẋima ia jipolofeta ji zambula makutu, kuma ala ngó jipolofeta ja ku di nganala kua miẋima iâ ene?

Jelemiia 23:36

Maji nuka dingi mua-ndu xinganeka kunema kua Jihova; mukonda muthu ni muthu, kia-ndu mu nemena o kizuelu kié-muène-muene; mbata maka ma Nzambi ia muenhu muala ku a bhengeleka, ma Jihova dia Ifuẋi, o Nzambi ietu.

Matesu 24:24

Mbata kua ká tukuluka Jikristu javulu ja makutu, ni jipolofeta ja makutu. Ene à kedikiza isuma ni madiuanu mavulu, katé se kuila ki xikina, ni athu a Nzambi ene ósole, eji ku a jimbidisa.

Jipoxolo 13:10

uixi: Monʼ a Diabhu! Eie uezala mangonha ni uloji! U nguma ia ima ioso iambote ni kidi! Eie kifua nuka dingi u fula kubhengeleka o jinjila ja kidi ja Ngana?

Jipoxolo 15:24

Mukonda tua kʼ ivu kuma athu a tundu mu dietu a mi tatesa o miẋima ni jiphata mu ioso ia mi tangela, sumbala etu ki tua a tumu phala kuia mu kubhanga kieniókio.

Jipoxolo 20:30

Ni mudienu muene, hinu mu moneka athu a tanga ima ia makutu, ia kutondalesa, hé a sunga jixibulu ku mbandu iâ.

II Kolindo 11:13

Kuma athu a kala kiki, Jipoxolo ja makutu, akalakadi a mangonha. A tange a makutu bhu kaxi ni kikalakalu kiâ, hé a di bhangesa kala Jipoxolo ja Kristu.

II Kolindo 2:17

Kuma etu ki tua sokela ni athu avulu, a bhinga kuila kia tanga o Maka ma Nzambi ela kala ala ngo mu kuta uenji uâ uosouoso. Maji etu-phe Nzambi muene ua tu katula, kiene kia tu bhekela kuila mù tanga o Maka mê, ki tu zuela ni mangonha bhu mesu mê, kuma tu akalakadi a Kristu.

II Kolindo 4:2

Imbamba ioso-phe ia kubhanga ni kusueka ni ioio ia jisonhi, tua i dila hunji. Ki tu bhange kudimuka, o maka ma Nzambi ki tu a lungulule mu mangonha. Inda tu bhanga jinga ima ia fuama o kidi, kiene kia bhekela o ku tu tumbula kuala enhoso, bhu pholo ia Nzambi.

Ngalásia 1:6

Nga mi diuana kiavulu, enu kindalʼ iki mua mu ambudisa kiá uoso ua mʼ ixana mu kiadi kia Kristu, enu mua tambulula kiá njimbu iengi.

Ngalásia 2:4

Inda o phata iejilile ku jiphange ja makutu, ja bokuene ni kuzonza ni ku di dinga, anga a mesena ku mu saia. Mukonda ene a bokuene mu kulonda o ufolo uetu u tuene na-u mua Kristu Jezú, phala nʼ a tu bheke dingi ku ubhika.

Ngalásia 4:17

Athu enʼió leluʼidi a suina ni ku mi bhomba, maji kala ni muẋima uambote. Mukonda a mesena a mi sandula ko-kuami phala mu di tambulule ni ene, muie ni ku a xinganeka mukuâ ni ki muene ku ngi xinganeka eme.

Ngalásia 5:10

Maji eme-phe hanji nga mi dielela mua Ngana. Kuma o kuongama kuetu mua Ngana, kua ngi dielelesa kuila, ki nga mu xinganeka emʼiki, enu uenu ki muandù kala dingi ni ilunji iengi. Maji nga ki dielela ue kuila, ió uoso ua mi tatesa, a kuliê, a toliê, hadia Nzambi ua kà mu bhana kaxtiku kê.

Ngalásia 5:12

Eme ngʼ inda kuila enʼ ió ala ku mi vunza a di nongona ene mu lumoxi ʼté ku hádia!

Ngalásia 6:17

Kala kiki, ku pholo ku tuia, ki bhu kale dingi muthu u ngi tela ima i ngi tatesa. Kuma o itote i ngʼ ambata ku mukutu uami, iene idimbu ia mu kuidikisa kuila ngi selevende iangene ia Jezú.

II Timote 2:18

Athu o kidi a ki lueza, exi difukunukinu dia bhiti kiá, hé a diangula o kuxikana kuala na-ku akuá amoxi-mu.

I Nzuá 2:26

Imʼiii nga mi sonekena-iu, mukonda dia enhó a mu mesena ku mi jimbidisa.

I Nzuá 4:1

Enu akuetu, nga mi zola, kana kuxikana jinga ku athu oso a tanga kuila ala ni Nzumbi ia Nzambi. Athu kala iá mu a lola jinga phala ku a mona se ni kidi kiene ala ni Nzumbi ia Nzambi, mba kana. Mukonda Jipolofeta ja makutu javulu ja tubhuka mu ngongo.

II Nzuá 1:10

Muthu uoso-uoso u mi sanga, hé u mi bhekela ulongelu uengi, o ua Kristu ki uene, muthu ió kana ku mu tambulula mʼ onzo jenu, kana ue ku mu menekena, muixi: O paze i kale ni eie.

II Nzuá 1:7

Kuma mu ngongo mua tukuluka axombi avulu. Athu a kamba kufisala kuila Jezú Kristu uejile ni mukutu ua xitu. Muthu u bhanga kiki, muxombi, muenʼió Nguma ia Kristu.

Juda 1:4

Kuma sai-ku athu a kambe o kuxikana, a mi zombela mudienu ni ku dʼimbikisa, ene tunde ukulu a a xindi o kuêla, athu abhumu, o kiadi kia Nzambi ietu a ki kitula uhabhu, o Mesene ietu imoxi, ni Ngana Jezú Kristu, a ditunu-nê.

Dijingunuinu 12:9

Kimudikixi kia dikota anga a mu takuila ku kanga! A mu kaia, na Kinhoka Kiokulu, a mu ila Diabhu, a mu ila Satana, mukua kunganala o mundu uoso. A mu lundumuina mu ngongo, ni ji-anju jê a ji lundumuina-nê kumoxi.

Dijingunuinu 13:14

Anga u nganala ene oso a tungu mu ngongo, mukonda dia iphata iê ia mu bhana kubhanga bhu pholo ia kiama kia dianga. Muène hé u ambela athu oso a tungu mu ngongo, kuila a bhange kitèka kia kiama kia dianga, mbé ende ni kufumanesa o kiamʼokio a mu tele o xibhata ia kùfua anga u iluka.

Dijingunuinu 19:20

O kiama anga a mu bhanga pelezu, ni polofeta ia makutu kumoxi, ió ua bhanga jinga iphata bhu mesu mê. (Kuma o iphata ienhoio iene ia bhombele na-iu oso a tambuile o kidimbu kia kiama, ni ió a bhezele o kitèka kiê). O kiama ni polofeta ia makutu, ene kiiadi kiâ, anga a a takula ni muenhu uâ mu kizanga kia túbhia kia uama ni xofidi.

Dijingunuinu 2:2

Nga ku ijiia ima i uene kubhanga. Nga ku ijiia ue o kukalakala kué ni kukolokota kué ku uene na-ku. Ngejiia ue kuma akua phulu kutena ku a ehela, o ió a dʼixana jipoxolo, manhi ene ki jipoxolo, eie ua a lola, ua a mono makutu.

Dijingunuinu 2:20

Nga ku êlesa-phe kima kimoxi. Kuma ua xididikila o muhatu ió Jezabele, ua mu dʼixana kuila polofeta ia Nzambi. Eie ua mu ehela kubhomba ni kulonga selevende jami kubhanga undumbu, ni kudia jisata ja makudia ma satela o itèka.

Dijingunuinu 2:6

Maji sai-phe ki uala na-kiu, kia kuzemba ima i bhanga akua Nikolau, eme-muène ue nga di zemba na-iu.

Dijingunuinu 20:3

Anga u mu takula mu dikungu ki di moneka hole, hé u di jika, anga u mu tela-ku kidimbu, phala ka bhombe dingi akua jixi, katé ki-bhua kubhita o midi ia mivu. O midi ia mivu ki i zubha kubhita, ki bhinga a mu jituna hanji kathangana.