Ngalásia 1:16 - O Mikanda Ikola

¹⁶ O bhu kithangana kia ngi tukuluila Monʼ ê moxi diami, phala ngi kale ngi muthu ua ku mu kola muène mu Njimbu iê Iambote, ku akua jixi jengi, bhenhobho ki ngʼibhula dingi kima ku muthu uoso-uoso.

Ngalásia 1:16 ပူးပေါင်းရင်းမြစ်များ

Matesu 16:17

Jezú u kumbulula, uixi: Eie ua zediua, Ximá dia Jona! Mukonda o kidi kienhiki eie kua kʼijidila ku xitu ni manhinga, maji a ku bhana-kiu kuala Tata iami uene mu diulu.

Matesu 26:41

Langidilenu, mu sambe, phala ki mu di bhale mu mubhetu ua Nguma. Nzumbi ia xikina kidi o kùlua ni jitendasá, maji o xitu-phe ia bhuila.

Jipoxolo 22:21

Bheniobho Ngana uixi-phe: Katuka! Eme ngi ku tuma ku makanga, ku matumbu, ió oso ki Jijudé.

Jipoxolo 5:42

Izuua ioso, ni mu Tembulu, ni ku bhata, ka fulu dingi o kulonga ni kutanga o Njimbu Iambotʼ iii, kuma Jezú, muène Kristu.

Jipoxolo 9:15

Maji Ngana u ambela Ananiia, uixi: Katuka ngó! Kuma muène mukua sedivisu iami, Eme nga mu solo phala kubheka o dijina diami ku akua jixi jengi, ni ku jisobha, ni ku anʼ a Izalaiele.

Jipoxolo 9:20

Muene kithanganʼ okio, mu malombe ma Jijudé, u kuata kulonga o Njimbu ia Jezú, kuma: Muène Monʼ a Nzambi!

Loma 1:5

O kua Muène kuene Nzambi kua ngi bhela o ujitu ua kukala Poxolo mu kikalakalu kia Kristu mbé kutumakesa o kixikanu ku mundu ua akua jixi joso, mukonda dia dijina diê.

Loma 11:13

Maji kindala ngala ku mi zuelesa enu mu akua jixi jengi, ki mu Jijudé. Kuma eme-muene ki ngedi ngi Poxolo ia akua jixi jengi, oso ki Jijudé, nga zangalala ni kikalakalu kiami.

I Kolindo 15:50

Ngambe-phe kiki, enu jiphange jami, kuma: O kima kiobhange ni xitu ni manhinga ki ki tena kubhingana mu Utuminu ua Nzambi; o kiokio ki-fua, ki ki tena kukala ni muenhu ki uene dingi kufua.

II Kolindo 4:6

Mbata o Nzambi ió, uoso ua ki ambe kuila: O mukengeji u muikine muʼavundu, muène ua bhangesa mukengeji ku tu muikina ku miẋima ietu. Mbe o ku tu bhekela mukengeji ua kuijiiʼoko kua fuma ia Nzambi, ia mu benha mu pholo ia Jezú Kristu.

II Kolindo 5:16

Uila kiki, ku pholo ku tuia, kana muthu tu mu fika dingi mu imbamba ia xitu. Né-mbe Kristu muène tua mu fika jinga mu xitu, kiki ki kiene dingi ki tu bhanga.

Ngalásia 2:1

Kia zubha o kubhita kuinhi dia mivu ni iuana-phe, nga bandele dingi ku Jeluzaleme kumoxi ni Barnabé, ni Tito ue ngele-nê.

Efezo 3:1

Mukonda dia kiki, eme Phaulu, ngi Pelezu ia Kristu Jezú, mu mulonga uenu mu akua matumbu.

Efezo 6:12

Kuma o kulua kuetu ki kua ku di lua ni athu mu xitu, maji tu lua ni ifuẋi ia jinzumbi ja phulu ku ididi ia diulu, tu lua ni atumini, tu lua ni akutende, tu lua ni enexi a kithangana kia kitombeʼ ʼiki mu ngongo.

Matendelelu 33:9

Muene o muthu kejiia tatâ mba mamâ; utanga uixi, kiluua ngʼa mona; kejiia jiphange, né mbé utongolola ana; ene-phe o maka mé a ma lundu, o kikutu kié a ki aiuka.

I Tesalonika 2:16

Etu tuandala tu zuela ni akua jixi jengi, phala a bhuluke, maji ene a tu kidika. Mu kubhanga kiki-phe, hanji a kuata kutenesa o konda ia ituxi iâ iene mù ta. Maji-phe kindala kua a tulukila o njinda ia Nzambi, katé bhu mbambe ku thandu diâ!

I Timote 2:7

Kiene kia bhangesa ku ngi katula eme mu kukala Poxolo, ni kukala mesene ia oso ka tokala mu muiji ua Jijudé. Mbé ku a tudila o njimbu ia kuxikana ni ia kidi. O ki nga mu zuelʼiki-phe ki makutu, nga tange kidi.

II Timote 1:11

Iene o Njimbu ia ngi katuila Nzambi mu kala ngi mukodi, ngi mukunji, ngi mulongi.

Jihebeleu 2:14

O ana-phe, kala kia exana muène, a kala athu a nomona ku xitu ni manhinga. Uila kiki, Jezú muène ua di bhange kala ene, mu kutambula o kidifuanganu kia muthu, phala mu kubhita ni kalunga a tene kutolola ió uoso ua kuata o nguzu ia kalunga, muène Diabhu.