Ngalásia 1:10 - O Mikanda Ikola

¹⁰ Manhi ki ngalʼ iki, ngalù sota ngó kukala mu ujitu ua athu? Lémbua! Kuma o ki nga solo eme, o ujitu ua Nzambi! Mbé kifua ngalù sota ngó kuuabhela athu? Se nga kexile mù uabhela ngó athu, ki ngejù kala dingi ngi selevende ia Kristu.

Ngalásia 1:10 ပူးပေါင်းရင်းမြစ်များ

Matesu 22:16

Anga a tumikisa kua muène jixibulu jâ, ni akua Helode, exi: Mesene, etu tuejiia kuma Eie u mukua kidi, u longa njila ia Nzambi sé makutu, sé uôma; ku tena kulenga pholo ia muthu.

Matesu 28:14

Se nguvulu u kʼivua, tu mu bhomba, enu ki mu kale ngó ni hele.

Matesu 6:24

Kana muthu u tena kubhikila ngana jiiadi. Mukonda bhu kala ni iú u mu zemba, o iú u mu zola; mba iú a di tuma, o iú a di bhonza. Enu ue ki mu tena kubhikila Nzambi ni Mamunu (kilundu kia jimbongo).

Jipoxolo 12:20

Helode muene-phe ua luualela kiavulu akua Tilu ni Sidonha. Ene anga a di kasa, eza kumoxi kibuka kia muvimba phala ku mu hindula. A dianga-phe ku kuata ukamba ni Balaxtu dikota dia mukalakadi ua sobha, ua tambula konda ia hâma iê. Anga aia kiua katé kua soba Helode, hé a mu dionda kuditambulula-nâ ku paze, mukonda o ku makudia, oxi iâ ia bhindumukina ku oxi ia sobha.

Jipoxolo 5:29

Phetele-phe ni Jipoxolo a vutula exi: Tua bhingi tu tumaka Nzambi, kana athu.

Loma 1:1

Eme Phaulu, nga soneka o mukanda iú—eme ngi selevende ia jezú Kristu, a ngʼ ixana kuala Nzambi kukala Poxolo, ià a ngi lumbila kutula o Njimbu Iambote.

Loma 2:29

Inda o Judé ia kidi, ió uala Judé moxi, iú uala ni muẋima uòsaie. O kikiphe kima ki bhanga o Nzumbi ia Nzambi; o Kitumu kiòsoneke ki ki tena ku ki bhanga. O muthu-phe u kala kiki, diximanu diê di tunda kua Nzambi, ki di tundu ku athu.

Loma 2:8

Maji ua kà lunduluila o njinda iê ni kaxtiku kê ku thandu dia oso-phe akua luimbi, o kubhanga o mbote a ku tokoka, anga enda ni kukaiela ioso iaiibha.

I Kolindo 10:33

Bhangenu uila ki ngene mù bhanga eme-muène. Athu oso ngi sota ku a uabhesa miẋima mu ima ioso i ngi bhanga, kuma ki ngi bhindamena eme-muène ngó kubhanduluka, maji nginda ue ene oso a bhanduluke, phala nʼ a bhuluke.

II Kolindo 12:19

Enu mua mu fika kuma etu tua mu di lungisa bhu pholo ienu. Ki ki xikina! Tua zuela kala kia tu tumu Kristu, bhu pholo ia Nzambi. Ima ioso-phe i tu bhanga, enu akuetu, ia ku mi kuatekesa.

Efezo 6:6

Kana kukumbidila ngó kioso ene kia kala ku mi tala mesu, kala mualù sota ku di uabhesa ku athu. Maji muila kala mu abhika a Kristu, mualù bhanga o vondadi ia Nzambi ni muẋima.

Filipe 1:1

Eme Phaulu, ni Timote, abhika a Kristu Jezú, tua tumikisa o mukanda iú ku mundu uoso ua Nzambi mua Kristu Jezú, a tungu mu mbanza ia Filipe. Mukanda uia ue ku adiakime a Ngeleja, ni kua ió a mu kalakala-mu, o Jibispo ni Madiiakono.

Kolose 3:22

Enu abhika, tumakenu oso jingana jenu mu xitu. Kana kukumbidila ngó ku mesu mu ku di uabhesa ku athu, kioso ene ki a kala mu ku mi talesa, mbé a tene ku mi uabhela, maji kota kukumbidila ni ufiiele ua muẋima ku uôma ua Ngana.

I Tesalonika 2:4

Inda tua mu tanga o Maka kala kia mesena Ngana. O Nzambi-phe, kia tu mono ni ufiiele, ua tu lundisa o Njimbu Iambote, phala tu i tange kuoso, kala ki tuene kiá mù zuela; kana mu kuuabhela athu, maji mu kuuabhela Nzambi u tena kulola miẋima ietu.

Tiiaku 4:4

Mu akua jiphànda! Kifua ki mua kʼijiia kuma o ukamba ua mundu unguma kua Nzambi? Uila kiki, uoso ua mesena kukala kamba dia mundu, ua di bhange nguma ia Nzambi.

I Nzuá 3:9

Muthu uoso a mu vuala kua Nzambi, u fula kuta ituxi, mukonda o Nzumbi ia Nzambi ia mu tungu moxi iene i kalakala momuʼê. Kienhiki, ka tena-phe kuta ituxi, mukonda o Nzambi muene Tatʼâ.

I Samuuele 21:7

Sai-phe muthu ku mbèle ia Saúlo u kala-bhu ue kizuua kienʼokio, a mu kingisa bhu pholo ia Jihova; dijina diê Doueki mukua Edomo, muene dikota ku abidi a Saúlo ene mu kuinga ibhaku iê.