Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Nehemiia 9:8 - O Mikanda Ikola

8 Anga u mu mona ni muẋima ua iuka bhu pholo ié, hé u ta-nê kikutu, kuila ua-nda ku mu bhana o ixi ia akua Kanana, ia akua Hiti, ia akua Amolé, ia akua Peleze, ia akua Jebuzé, ia akua Jidingazé, nda u i bhana o mbutu iê; eie anga u tenesa ki ua zuela, kuambe eie Ngana ua iuka.

အခန်းကိုကြည့်ပါ။ ကော်ပီ




Nehemiia 9:8
39 ပူးပေါင်းရင်းမြစ်များ  

Jihova anga u tukulukila Mbalamu, u mu ambela, uixi: O mbutu ié-eie hinu nga kà a bhana o ixi ienhiʼii. Muene anga u tunga-bhu kalatódio, phala Jihova ua mu tukulukila.


Muene anga u xikana kua Jihova; o kuxikana kuê a mu mona-ku kulûnga.


Uixi: Mona kana ku mu tula lukuaku, kana ku mu bhanga kima kiaiibha; kuma kiki ngʼejiia kuila u mukua uoma ua Nzambi, katé ni monʼé umoxiʼèlele, kua ngʼimina-nê.


Njila ia Nzambi ia iuka, ki iene kulueza; kizuelu kia Jihova kia kidi, ki kiene mangonha; Jihova muene ngubu i xitila oso a lengela kua muene.


O kikutu kia-ta ni Mbalahamu, ni mulôko ue ua-te mu kulokela Izake.


Ahá! Jihova, tata! Nzambi ia Izalaiele! Eie u mukua kidi! Kuma etu tua bhulaka, tu tumbalumbalu ngó, kala ki kia di monekena leluʼidi. Kiki-phe, tuala bhu pholo ié mu kuêla kuetu, kuma ki kuala dingi muthu uengi u tena kukala bhu pholo ié mukonda dia kikuma kiki.


Maji, Eie-phe Ngana, mu ima ioso iala kuiza ku thandu dietu, ua lunguʼê; mukonda o kuiuka kué kuene kua ku bhangesa-kiu, etu o kubhuma kuetu kuoso kuene kua tu bhangesa o ima iii.


Jihova ua lenduka, u idikiza ujitu ni uthu; Nzambi ietu mukua henda.


Kala kiki, nga ki ambe muene kuma ngi mi tundisa mu jiphaxi ni jingongo ja Ijitu, ngi mi bandesa katé mʼoxi ia Makanana, ni Mahiti, ni Mamodi, ni Mapelezi, ni Mahivi, ni Majebusi, ixi i kunguluka lete ni uiki.


Kala kiki, nga tuluka-phe mu ku a kudila bhu maku a akua Ijitu, ni ku a katula mʼoxi momo muala, ni ku a bheka mʼoxi iengi iauabha ia kulu, ixi i kunguluka lete ni uiki; ixi ia tungu Makanana, ni Mahiti, ni Mamodi, ni Mapelezi, ni Mahivi, ni Majebusi.


Monʼa diiala, enhá a tungu mu ididi iii iala o jingùndu mua Izaliele, a mu zuela, exi: Mbalahamu ua kexidiê ngó muthu umoxi, o ixi iosuʼiii ia mu tokalele muene, maji-phe etu tua vulu; o ixi ienhiʼii ia a tu bhié-iu kiá ku i vua.


Akua-Maleke a tungu ku Sulu; Mahiti, ni Majebuzé, ni akua Amone, a tungu mu milundu; akua Kanana a tungu ku mbanduʼa kalunga, ni mu honga ia Njolodá.


Nzambi ki muthu, kuila u ta makutu. Ki monʼa muthu, kuila u zuela luiadi. Kima kiambe, u kamba ku ki bhanga? Kia mu bhiti bhu dimi, u aluluka?


Kia mu katula-ku, Nzambi ua zangeleka Davidi kukala sobha iâ. Anga u mu kalela mbangi, uixi: Nga bongo Davidi, mona Jese, muthu ua ngi zelela ku muẋima, u bhanga ima iami ioso i ngandala.


Anga uiza kua nganga uoso uala-ku mu izuuʼomo, hé u mu ambela, uixi: Ngi ki tanga lelu bhu pholo ia Jihova Nzambi ietu, kuila, eme lelu nga bokona kiua mʼoxi ia lokela jihova ku i bhana ku jitata jetu.


Muene Tadi dia Muenhu! Kima kioso kia bhanga kitenena! O uendelu uê uoso uatetuluka; Nzambi muene o Kidi, o mua muene ki muene mangonha; izuua ioso muene ngó uaiuka, o kutetuluka ue muene ngó.


Kia kà zubha Jihova Nzambi ié ku ku bokuesa mʼoxi i ua-nda kúvua, anga u ku toluela miji iavulu ia matumbu hé u a kaiesa bhu pholo ié, o sambuadi dia ifuẋi diosoʼidi, akua Mahiti, akua Jijidingaze, akua Mamodi, akua Kanana, akua Mapelezi, akua Mahivi, ni Majebusi, athu a ku tundu mu nguzu ia a ku tundu mu kuvula.


Ka ki bhangela mukonda dia kuuabha kuenu, mba mukonda ua mi mono ni muxima ualùngu kua muene; kana. Maji o ituxi ia ifuẋi iii, iene-ku iabhangesa Jihova Nzambi ienu ku mi kaiela-u; mbé o kuxikika o kikutu kia lokela Jihova Nzambi ienu ku jitata jenu, a Mbalahamu, ni Izake ni Jakobo.


Ubhezelu ua xamenena mu kudielela o muenhu ki uàbhua. Nzambi ka moneka makutu, muène ua tu kanena-nâ tunde xahulu ku dimatekenu dia ithangana ioso.


Kiejila mu kuxikana, Mbalahamu kia mu lola, anga u bhakula Izake kala sata. Muène Mbalahamu a mu bhele o polomesa kuala Nzambi, ia ku di sokolola ndumba ia miji, sumbala kiene, muène ua bhakuile monʼê umoxi-eléle mu ku mu vuala.


Phala bhu kale ima iiadi iakolo, ia bhingi Nzambi mu ku i tanga ka tena ku kala ni makutu, phala ku tu suinisa kiavulu o miẋima, etu oso tua lengela kua Muène, tueza, tua kuata o kudielela kueniʼuku kua tu bhana.


Kienhiki-phe, Josuué oxi ioso iii ua i tambula; kia bhiti muene kala kioso kia tangele Jihova kua Mozé; Josuué iu ua i bhana anʼa Izalaiele mu ubhinganu, ku jimbambe-jimbambe, ni ku miji-miji. Oxi hé i zumbuka kiua o ku dílua ita.


ni ku Makanana a thunda ni a luiji; ni ku Mamodi, ni Mahiti, ni Mapelezi, ni Majebuzi ku milundu; ni ku Mahivi mu betekete ia Helemone, mʼoxi ia Mispa.


Mua mono-phe kuila, lelu eme nga lungu kiá muʼalunga muene ku di tutila oxi ioso; enu-phe mua kʼijiia ni muẋima uenu uoso, ni muenhu uenu uoso, kuila ima ioso ia mi dielelesele Jihova Nzambi ienu, ki kua sonoka kima; iene ioso ia mi bhiti muene, ki bhuala kizuelu kia sukamena.


Anga kibhita kiki, jisobha joso ja kexi ku sámbua kunu dia Njolodá, ku mulundu, ni mu jingânga, ni ku kibumu kioso kia musanza uónene ua kalunga bhu dilulamenu dia Libano, ni Mahiti, ni Mamodi, ni Makanana ni Mapelezi, ni Mahivi, ni Majebuzi, kia zubha ku kʼivua,


Maji se tu fisala o ituxi ietu kua Nzambi, muène fiiele, u kumbidila o kizuelu kiê hé u tu bhanga kioso kia fuama: U tu loloka o ituxi ietu, hé u tu ixika o mangonha moso.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ