Nehemiia 9:4 - O Mikanda Ikola

⁴ Anga Jesuua, Baní, Kadimiiele, Sebaniia, Buni, Selebiia, Baní ni Kenani, anga emena ku kitalamu bhu kididi kia akua Levi bhua tulama, anga a kala kudikola ni dízui dia suína kua Ngana dia Nzambi iâ.

Nehemiia 9:4 ပူးပေါင်းရင်းမြစ်များ

II Malunda 20:19

Jilevita, ku anʼa Kohate ni ku anʼa Kola, anga a balumuka phala kuximana Jihova Nzambi ia Izalaiele ni dízui dia suina kinène.

Nehemiia 12:8

Akua Leví ue, akexile: Jesuua, Binui, Kadimiiele, Selebiia, Juda, Mataniia, enhá ene ni jiphange jâ a kexi mu tuamena o mimbu ia akua kuximana ni kuimba.

Nehemiia 3:17

Muene kia zubha kutunga, akua Levi a mu kaiela enhá: Lehume, monʼa Baní; ua iudika bhu mbándu iê Hasabiia, dikota dia kaxaxi ka akua Keila, mu sengu iê.

Nehemiia 8:4

Anga o Ejidala, dia musoneki, uimana ku thandu dia kitala kia miẋi, kia tungile-bhu; anga a mu imanena bhu mbandu iê, ku lukualu luê lua kúdia, kuala Matitiia, ni Sema, ni Anaia, ni Udiia, ni Hilikiia, ni Mahaseia; ku lukuaku luê lua kiasu, Pedaia, ni Mizaiele, ni Melekiia, ni Hasume, ni Haxibadana, Zakadiia, ni Mezulame.

Nehemiia 8:7

Ni Jesuua, ni Bani, ni Selebiia, ni Jamine, Akube, Sabetai, Hodiia, Mahaseia, Kelita, Azadiia, Jozabade, Hanane. Pelaia, ni akua Levi, a kuata kulonga o kifuxi kia mundu kuijiia o kitumu; anga kifuxi kioso emana muene, kana muthu u tunda-bhu.

Nehemiia 9:5

Kuala akua Levi: Jesuua, ni Kadimiiele, Baní, Hasabeneia, Selebiia, Hodiia, Sebaniia, Petakiia; exi: Fundumukenu, tanesenu Ngana dia Nzambi ienu katé ku hádia ni hádia; ndokuenu mu tanese o dijina dia fuma iê, dia tundu o dibesá dioso ni diximanu.

Jisálamu 130:1

Tunde mua zongo mu nga kuzuka, nga dikola ko kué, u Jihova.

Jisálamu 3:4

Nga suína dízui ni ku dikola kua Jihova, muene-phe ua ngʼitaia ku mulundu uê ukôla. (Selah.)

Jisálamu 77:1

Meia! u Nzambi, nga dikola! Nga suína o dízui diami, Nzambi phala a ngʼivue.

Kuditenda 3:8

Bhu suske dia ku dikola, hé ngi ta mutendu, maji muene musambu uami u ngi xitila-u dibhitu.

Nzuá 11:43

Kia zubha o kuzuela kiki, ua di kola ni dízui dia suina, uixi: Lázalu, tunda ku kanga!

Jipoxolo 7:60

Anga u fukama, u di kola di dizui dia suina, uixi: Ngana, kana kuta kituxi kiki mu konda iâ! O kia zubha ku ki zuela, u batula muenhu.