Nehemiia 9:32 - O Mikanda Ikola

³² O kiki-phe, eie u Nzambi ietu, eie u Nzambi Ionéne, Nzambi ia kutena, u kuatesa uoma, u bhaka o kikutu ni ufiiele uoso, hé ujiza ni kubhanga o mbote, kumone kutola o dilamba dioso lelu dia tu kuata etu, ni jisobha jetu, ni ilamba ietu, ni jinganga jetu, ni misesedi, ni jitata jetu, ni kifuxi kié kioso, tunde mu izuua ia jisobha ja Asídia, katé mu kizuua kia lelu.

Nehemiia 9:32 ပူးပေါင်းရင်းမြစ်များ

I Jisobha 8:23

Uixi: Eie u Ngana, Nzambi ia Izalaiele, kana-ku Nzambi kala eie, né bhulu ku maúlu mba mu ngongo bhoxi, eie u bhakela abhikʼé o kikutu ni mbote, oso enda ni muẋima ua kidi bhu pholo ié.

II Jisobha 15:19

Kiene kieza Phulu, sobha ia Asídia, mu kúlua o ixi; Menaheme anga u bhana kua sobha Phulu, midi ia jitalendu ja phalata phala o lukuaku luê lu mu kuatekese o kutulama kiambote ku ungana uaʼxi.

II Jisobha 15:29

O mu izuua ia Peka, sobha ia Izalaiele, muene mueza Tiglate-Philesele, sobha ia Asídia, iú ua tolola jimbanza ja Inzone ni Abele-Bete-Mahaka, ni Jenoua, ni Kadexi, ni Hazole ni Ngiliiade, ni Ngalileia kumoxi ni ixi ioso ia Nafitali, oso a tungiuie-ma ua ambata iú uai-nâ ku Asídia.

II Jisobha 17:23

katé Jihova kia sondolola Izalaiele bhu pholo iê, kala kia ki tangele ku ukunji ua abhikʼê oso, o misesedi; kienʼiki Izalaiele kia mu balakala ni ku mu katula mʼoxi iê phala ku mu tumikisa ku Asídia katé mu kizuua kia lelu.

II Jisobha 17:3

O Salamanazale, sobha ia Asídia, hé u banda mu kulua-nê; Ozeia hé a mu kitula mubhika ua Salamanazale anga uenda ni ku mu bhana lubhaku.

II Jisobha 17:6

Kubhiẋila mu muvu ua kavua ua utuminu ua Ozeia, sobha ia Asídia kiene kia tolola Samádia, iú ua zangula Izalaiele ioso iú ua a balakala ku Asídia; iú ua a bhangesa kutunga bhu Hala ni bhu Habolo bhua zukama ni ngiji ia Ngozane ni mu jimbonge ja akua Mediia.

II Jisobha 23:29

Mu izuua ia Joziia, kiene kia bande Falaó dia Neku, sobha ia Ijitu, mu kúlua ni sobha ia Asídia, mu honga ia Ufalate; o sobha Joziia kioso kia tundila Neku mu kúlua-nê bhu Mejido, bhenhobho bhene bhua mu jibhila kuala Neku, kioso ngoho kia di-mon-nê.

II Jisobha 25:7

o ana a Zedekiia a a batuila o mítue bhu mesuê muene; o Zedekiia muene a mu tufula o mesu, hé a mu kuta ni malubhambu aiadi a ngòndo, anga a muʼambata aianê ku Babilónia.

Ejidala 4:10

Ni ifuẋi dingi ia mukuá, iejile na-iu sobha ia dikota ua fumanene kiavulu, Azenaphale, anga ua bhana kutunga mu mbonge ia Samádia, ni amukuá ku sámbua kunu dia honga ia Ufalate, mu thembu ieneʼio.

Ejidala 4:2

A bhixila kua Zolobabele ni ku jitata ja mabhata, anga a a tangela, exi: Kala enu, etu ue tua mesena kusota Nzambi ienu; uila kiki, tuehedienu ku di bunda kumoxi ni enu mu kú tunga, mbata muene ue, Johova, Nzambi ienu, etu tua mu bhakuila kiá jisata, tundé mu izuua ia Asale-Hadone, sobha ia Asídia, ua tu bheka kunu.

Ejidala 9:13

O kiki-phe, kia tu bhiti ima iosuʼiii mukonda dia ibhangelu ietu ia ibha, ni kuêla kuetu kua dikota, etu tua mono hanji, kuila, eie u Nzambi ietu, ua fudisa kuila a tu jikinisa muene loló, mukonda dia ikuma ietu, eie ua tu bhané hanji dingi o ubhulukilu kala iú!

Nehemiia 1:5

Ngixi; Ngana tata, u Nzambi ia diulu, Nzambi ia dikota, u kuatesa uoma! Uene mu bhaka o kikutu ni kulendukila ió oso a kuzola anga a bhaka o ijila ié;

Jisálamu 47:2

Kuma Jihova, Sukè-ku, u kôla; muene Sobha ia Dikota, u tumina ixi ioso.

Jisálamu 66:3

Ambelenu Nzambi: Eie Ngana u kindanda mu kukalakala kué! mukonda dia nguzu ié iavulu, jinguma jé ja-nda kuiza ku ku belesela.

Jisálamu 66:5

Zenu, mu tale o ikalakalu ia Nzambi; muene kilamba mu kutumina anʼathu!

Makatukilu 18:8

Mozé anga u kunda ukouʼê kioso kia bhange Jihova kua Falaó ni kua akua Ijitu, mukonda dia jihenda ja kuatela Izalaiele, ni jihadi joso ja tale mu njila, ni kia a kuatekesa jinga Jihova, mu ku a kudila.

Izaía 9:6

Kuma a tu vualela mona, a tu bhana mona ua diiala; o kutumina a mu tuika-ku bhu isuxi iê, o dijina diê a kà mu luka: Kidiuanau, Ndongixi, Nzambi ia Nguzu, Tata Inangenena, Kilamba kia Paze.

Daniiele 9:4

Anga ngi dionda Jihova Nzambi iami, nga di fisala, ngixi: U Nzambi ionéne, u kuatesa uoma! Eie uene mu kukumbidila o kikutu, u mukua ku kuatela henda kua ió oso a ku zola, hé aiuka o ijila ié;

Daniiele 9:6

tuedi ni jipolofeta jé, o jiselevende jé, ene ku tu tudila kioso ki ua-mbe eie, ki tuala ku a bhana dingi mátui kia tangela jisobha jetu mu dijina dié, ni ilamba ietu, ni adiʼetu, ni mundu uoso mʼoxi.

Daniiele 9:8

Jihova, tata, pholo ia tu sonoka ni jisonhi, maji kia tu fuama, nʼetu ni jisobha jetu, ni ilamba ietu, ni jitata jetu, mukonda tua ku te kituxi.

Ijila 26:18

O ki mu bhita ni ima kala iii, se hanji mua ẋinuka, nguenu ku nʼgivua, kuabhu-phe, Eme uami ngi mi oseka kiá muene ni ku mi bhana kibetu, o kibetuʼiki ngi ki bandekeza lusambuadi, mukonda dia ituxi ienu.

Ijila 26:21

O ki muila-phe mua jijila muene o ku di thathamesa nʼEme, o ku ngʼivua nguenu, ngi mi solomuena kiá mabhebhu makala lusambuadi dingi mu kubhinjika, kala kioso kiafuama mu ituxi ienu.

Ijila 26:24

eme uami ngi di ta-mu dingi, hé ngi mi bhana sambuadi dia kibetu kia tundu akuâ, mbebhu o ituxi ienu.

Ijila 26:28

Eme uami ngi ẋinukina-ku kiá muene, mu ku mi bhanga kiaiibha; anga ngi mi beta dingi mu lusambuadi lua tundu akuâ, kingumba o ituxi ienu.

Matendelelu 7:12

Kià kala-phe kuila, enu o ki mu ivua o mabatuiluʼama, se mu ma bhaka kididi, anga mu ma kumbidila, ni Jihova Nzambi iénu ua-nda kusuina dingi kiengi mu ku kumbidila o kikutu ni kuenda ni ku mi bindumuna kiambote kala kia lokela jitata jenu.

Matendelelu 7:13

Muene ua-nda ku ku zola, ua-nda ku ku zediuisa, anga u ku sokolola, katé ni mbutu i tunda mu divumu dié u i bhana ue kuzediua, katé ni mbutu mʼóbhia dié u i ta ue dibesá; ni masa mé ni muvide ni máji mé ni ibhaku ié ia jingombe, ni ilunga ié ia hombo ni mbudi i u kala na-iu mʼoxi ia lokela Jihova kubhana ku jitata jenu.

Matendelelu 7:21

Ku kale-phe ni u ô ma, anga u teketa mukonda dia ene, mbata o Jihova Nzambi ié uala muʼaxaxi ké, muene Nzambi ia dikota, u kuata uoma!

Matendelelu 7:9

Tuma-phe ku kʼijiia, kuila o Jihova Nzambi ié muene Nzambi, Nzambi ia Fiiele; muene o mukua ku kumbidila o kikutu kiê kumoxi ni kukuata jihenda ji bhiẋila katé ku midi ia miji ia ió oso a mu zola, ene kualuka ijiia iê.