Nehemiia 9:30 - O Mikanda Ikola

³⁰ Eie-phe ua a vungina ni kilendu kié mu mivu iavulu, anga u kuata ku a bazela ni Nzumbi ié, mu ukunji ua jipolofeta jé; maji ene-phe nguaʼuâ ku ku bhana mátui; kia ku bhangesa ku a bhana bhu lukuaku lua ifuẋi ia akua jixi.

Nehemiia 9:30 ပူးပေါင်းရင်းမြစ်များ

II Jisobha 18:11

Anga akua Izalaiele a a balakala ku Asídia kuala sobha ia Asídia; iú ua a tumikisa ku Hala ni ku Habolo, kua zukama ni ngiji ia Ngozane ni mu jisanzala ja akua Mediia phala a tunge momo.

II Jisobha 21:10

Kienhokio o Jihova iú ua zuelela mu ukunji ua abhikʼê, o misesedi, uixi:

II Malunda 24:19

Maji-phe, mu kaẋi kâ ua tumikisa-mu ni jipolofeta, phala kuenda ni ku a vutuila kua Jihova; ene anga aia ni ku a dimuna, maji ene nguâ-uâ kubhana mátui.

Ejidala 9:10

Kindala-phe, Nzambi ietu tuanda kuzuela kiebhi ima iala kiki! Kuma tua xisa ijila ié, i ua tu tendelela ku abhikʼé, o jinganga, uexi:

Nehemiia 9:20

Anga u a bhana o Nzumbi ié iambote, mbé i a longe; o maná ié, ku a katula-iu mu kanu diâ; anga u a bhana menha mu dinhota diâ.

Nehemiia 9:26

Kua eza-phe kubhukumuka anga a ku balukila eie, a texi o kitumu kié ku dima diâ, anga a jibha o jipolofeta jé, a kexi mu fuila o ku a bazela, sembele ene a diele nʼa vutuke kokué. Kienhiki anga a kala mu bhanga isunji ia makota.

Nehemiia 9:29

Anga u kala mu ku a bazela, mbé ene a lungulukile ku kitumu kié; maji ene-phe a bhanga ima ia ukumbu uoso, anga a dituna kuívua o ijila ié, a bhukumukina-phe o jiphangu jé, ja bhingi muthu se u ji kuata, ji mu bhana muenhu; anga a thuthujula o isuxi iâ, a kolokotesa xingu jâ, ni kudituna kuívua.

Jisálamu 86:15

Maji Eie-phe, Ngana, u Nzambi ia jihenda, uezala ni kiadi, ua kokoloka o kutema, eie ua vula o kulenduka ni kidi.

Jisálamu 95:10

Muiji uenhú anga a ngi kuma mu makuinhi auana a mivu, ngixi: O iá athu ala ni mixima ia kudianguka! o jinjila jami a lémbua ku jʼijiia!

Izaía 28:10

Kuma ngonge ku ngonge, ngonge ku thandu dia ngonge; phangu ku phangu, phangu ku thandu dia phangu; kama bhabha, kama bhobho!

Izaía 42:24

O Jakobo nanhi muene ua mu bhakula mu madibongela? Izalaiele mukuahi ua mu bhakula ku ingumba? Abha ki Jihova muene, ió a mu tele ene o ituxi, anga a dituna kuenda mu jinila jê, hé a di tuna kuívua o ngonge iê?

Izaía 48:9

Mukonda-phe dia dijina diami, o njinda iami nga-nda ku i kokolokesa, mukonda dia diximanu diami, nga-nda ku ku lendukila, phala ki ngize mu ku ku katula.

Izaía 63:10

Maji ene a baluka, a luualesa o Nzumbi iê Ikôla; kia mu bhangesa ku kituka nguma iâ, anga muene-muène u zoka-nâ.

Jelemiia 25:4

Jihova ue ua mi tumikisa abhikʼé oso, jipolofeta, u di meneka mu ku a tumikisa, (maji enu nguenu kuívua, ni ngó ku bheteka mátui menu phala kuívia).

Jelemiia 44:22

Kí kia bhekela kuila Jihova ue ka tenene dingi kulendukila mu kithangana kia vulu o kuiibha kua ibhangelu ienu ni ima ia isunji i mua bhanga jinga, ixi ienu iú ua i bilula kikangalakata, ia di bhange kima ki kuatesa uoma, ia kituka ixi ia mázui, ki i moneka athu a tungamu, kala ki muala ku i mona leluʼidi.

Jelemiia 44:4

Eme-phe, abhikʼami oso, o jipolofeta, nga mi tumikisa-nâ, ngi di meneka mu ku a tumikisa ku mi tangela, kuila: Tatʼenu! Kana kubhanga kiki kia bolo ki nga ibhila eme.

Jelemiia 44:5

Maji ene nguâ kubhana mátui; mba a bheteka dítui diâ nʼa diele ima iâ ia ibha, nʼehe kuia ni kuoha uasu ua dizumba ku jinzambi jengi.

Jelemiia 7:25

Tundé mu kizuua kia tundile jitata jenu kʼoxi ia Ijitu, katé leluʼidi, nga kuata ku mi tumikisa jiselevende jami joso, o jipolofeta, izuua ioso kukia ngó, nga a katula, ngixi ndenu.

Kuditenda 2:17

Jihova ua bhange kioso kia kanene, kizuelu ua ki tenesa, kia xindile tunde mu izuua ia xahulu; ua sengululʼê muene, kulenduka nguê; uenzela o nguma ku di thatha ku thandu dié eie; o kusuína kua isuéia kuene ku a bhanʼê o kidifikidilu kiasoko.

Daniiele 9:6

tuedi ni jipolofeta jé, o jiselevende jé, ene ku tu tudila kioso ki ua-mbe eie, ki tuala ku a bhana dingi mátui kia tangela jisobha jetu mu dijina dié, ni ilamba ietu, ni adiʼetu, ni mundu uoso mʼoxi.

Zakadiia 7:12

Kiene muene, a bhangesa miẋima iâ ku kola kala utadi ua diiamande, phala a lémbue kuívua o kitumu, mba o maka a tumikisa Jihova dia Ilombo Ieta ku Nzumbi iê ku jipolofeta ja tu diangelelè-ku; bhenhobho bhene bhua tundu o njinda ia dikota ia Jihova dia Ilombo Ieta.

Zakadiia 7:13

Ki kiedi kuma eme ki nga a kolela, ene ka ngʼivu; ene uâ hádia a kà dikola kokuami, eme ue ngi kamba kua evua; kiene kia tange Jihova dia Ilombo Ieta.

Dialuilu 11:26

Bhu kilômbo-phe bhua xala kiiadi, iú dijina dié Eledade, iú dijina diê Medade; Nzumbi anga ia tula ku thandu; ene-phe a a soneka, maji a kambe kubhiẋila ni akuâ bhu balaka; anga a kala mu zuela ue ni uanji ua upolofeta, bhene bhu kilômbo bhuala.

Jipoxolo 13:18

Anga u tenesa makuinhi a uana a mivu ni kulendukila o kubhuma kuâ mu kikangalakata.

Jipoxolo 28:25

O kia kuata kuzuela imʼ iii, iá a lémbua ku dʼivisa mudiâ, ene oso a muangana. Maji kuila kiluua a zubha o kumuangana, Phaulu uzuela ngó kiki, uixi: Kidi kia Nzumbi Ikôla, kia tange polofeta Izaia ku jitata jetu,

Jipoxolo 7:51

Mu kuzumbuka Xitevá, uixi: Enu mua thathamena-hi kiosuʼiki, tata! Mua kolela-hi kinéne o muẋima, matui a mi xiluka, mua lémbua kuivua o maka ma Nzambi! Enu izuua ioso mua di bhange kala o jitata jenu, nuka mu kamba kuẋinukina o Nzumbi Ikôla!

Loma 2:4

Inga eie ua mu tobhesa o jinzungule ja kulenduka, ni kudixibha, ni kuxididika kua Nzambi? Eie ua kʼ ijiia kiambote kuma o Nzambi ua lenduka, ni kuila muène ua mesena ku ku sunga mu kudiela.

I Phetele 1:11

Ene a bhindamenene kuijiia mba thembuʼ oio i bhixila kithangana kuẋi, ni kuiza kuê mba kubhita kiebhi. O Nzumbi ia Kristu ia kexile moxi diâ, ia edikisa jinga o thembuʼiii, ki ia tuamene ku a ejidisa o jiphaxi janda kubhita na-ju Kristu, ni jimbote joso janda kukaiela-ku.

II Phetele 1:21

Mbata nuka kukala muzambu ua polofeta uijiia ku vondadi ia muthu. Maji athu a zuela jinga mu kutula o Njimbu i tunda kua Nzambi kala kioso kia a tuma jinga kuzuela kuala o Nzumbi Ikôla.

II Phetele 3:9

Ngana kala ni kaxixi mu kubhitisa kizuelu kiê, uila amoxi ki a mu fika kaxixi. Oko ki kiene, kuma enu-phe a mi xididikila, mukonda muène ka mesena kuila ku kala muthu u texika, mbata ua mesena ene oso eza mu kudiela.