Nehemiia 9:26 - O Mikanda Ikola

²⁶ Kua eza-phe kubhukumuka anga a ku balukila eie, a texi o kitumu kié ku dima diâ, anga a jibha o jipolofeta jé, a kexi mu fuila o ku a bazela, sembele ene a diele nʼa vutuke kokué. Kienhiki anga a kala mu bhanga isunji ia makota.

Nehemiia 9:26 ပူးပေါင်းရင်းမြစ်များ

I Jisobha 14:9

inda eie kua kuiza kubhanga kia beta kuiibha, akuenu oso a ku diangela ndenge, mbata uai, eie ua bhange jinzambi jengi ni iteka ia kuiẋika, phala ku ngi lokalala o njinda iami, eie ua ngi bhana dikunda.

I Jisobha 18:13

Eie muadiami, manhi ka ku tangela-kiu kioso ki nga bhangele, kia kuata Jezabele ni kujibha o jipolofeta ja Ngana, kioso ki nga suekele hamʼa polofeta mu mabánda, hé ngiia dikungu makuinhʼatanu, dikungu makuinhʼatanu, anga nga a dikila ni mbolo ni menha?

I Jisobha 18:4

Mukonda kia bhitile kiki kuma, kioso Jezabele kia kuata kujibha jipolofeta ja ngene ja Ngana, Obadiia-phe ua sueka-ku hamʼa jipolofeta; anga u a bhaka mu dibànda ku ibuka ia makuinhʼatanu-makuinhʼatanu, anga u kala mu ku a dikila ni mbolo ni menha.

I Jisobha 19:10

Muene uixi: Eme, Ngana Nzambi ia Ifuẋi, nga mu dielela kiavulu, ngala ni muanu ua imbamba iê, mukonda anʼa Izalaiele kikutu kiê a ki xi, kalatódio jê a ji bulu, ni jipolofeta jê a ji jibha-jibha ku xibhata; eme ngó nga xala-ku ubheka umai, ia a mu sota dingi ku ngi katula muenhu uami.

II Jisobha 21:10

Kienhokio o Jihova iú ua zuelela mu ukunji ua abhikʼê, o misesedi, uixi:

II Jisobha 21:11

Mukonda o Manasa, sobha ia Juda, ua bhange maufusa mosuʼama, iú ua beta o kubhanga kia ibha o jimamodi ndenge, a mu diangelelè-ku, katé ni Juda ua mu bhangesa, ni mahamba mê, ku-ta ituxi;

II Malunda 36:16

Maji ene-phe, o jiphunga ja Nzambi a ji bhange kasekelu, a kambe kusuua o maka mê, o jipolofeta jê aia ni ku ji sebulula, katé o njinda ia Jihova ki ia bande kinéne ku mundu uê, ni milôngo dingi ia kubhanga ki i moneka.

Nehemiia 9:18

Sumbala hanji ene a bhange o ngombe iâ ia kuzunza, exi: Iii iene o Nzambi ié, ia ku katula mu Ijito; anga a bhanga isunji ionéne mu kuiibha kuâ;

Nehemiia 9:29

Anga u kala mu ku a bazela, mbé ene a lungulukile ku kitumu kié; maji ene-phe a bhanga ima ia ukumbu uoso, anga a dituna kuívua o ijila ié, a bhukumukina-phe o jiphangu jé, ja bhingi muthu se u ji kuata, ji mu bhana muenhu; anga a thuthujula o isuxi iâ, a kolokotesa xingu jâ, ni kudituna kuívua.

Nehemiia 9:30

Eie-phe ua a vungina ni kilendu kié mu mivu iavulu, anga u kuata ku a bazela ni Nzumbi ié, mu ukunji ua jipolofeta jé; maji ene-phe nguaʼuâ ku ku bhana mátui; kia ku bhangesa ku a bhana bhu lukuaku lua ifuẋi ia akua jixi.

Jisálamu 50:17

Eʼmuene kua xikina ku ku longa, maka mami ua ma takuila kuema dié.

Jelemiia 16:11

Eie-phe ua kà a tangela uixi: Mukonda jitata jenu a ngi xisa, eme ngi Jihova, ia a kaiela jinzambi jengi, ia a ji bheza, ia a ji diundila, eme ia a ngixi, o kitumu kiami ku kiaiuka, nguâ.

Jelemiia 2:30

Anʼenu nga tale ngó hadi ia ku a beta; ene ka xikina ku a bazela: o xibhata ienu ia jikinisa jipolofeta jenu mukua ni hoji i sanujuna.

Jelemiia 2:7

Emiʼeme nga mi bokuesa mu ixi ia idima nda mudie o kibundu kiê ni mbote iê: maji enu-phe ki mua zubha kubokona-mu, oxi iami mua i kasanesa, o undundu uami mua u bhange kima kia ufusa.

Jelemiia 32:23

Iá a bokona-mu muene, í ia kituka iâ-ene, maji a kambe kutumaka dízui dié, iá a fulu kuenda mu kitumu kié; iene ioso i ua a tumu kubhanga, ene ka i bhange; kiene-phe ki ua tumina, phala kua eze divuua dioso dienhidi.

Jelemiia 42:19

Jihova ua zuela ku mbandu ienu, eie u masubhu a Juda! Kana kubokona mu Ijitu; ijiienu-kiu mu kidi, kuila lelu nga mi bhela umbangi u mi bhanga kia ibha.

Kuditenda 3:42

Tua tondala, tua bhange ima ia kubaluka; kiene ki ua kambela ku tu loloka.

Izekiiele 20:21

Maji, o ana ue, a ngi balukila, a fulu kuenda mu jingonge jami, a di tunu kualuka o mabatuilu mami, a bhingi kuila se o muthu u aiuka ni ku a tumaka, muene mua muena o muenhu; ene-phe o jisabhalu jami a ji sebulula; kiene-phe ki ngʼedila ngixi: o kutema kuami nga-nda ku ku lunduluila ku thandu diâ, phala o njinda iami i di kumbidile kokuʼê mu kikangalakata.

Matesu 21:35

Idimakaji anga i katula jiselevende jê, o iú a mu bhana kibetu, o iú a mu jibha, o iú a mu bûba ni matadi.

Jipoxolo 7:52

Polofeta kuẋi jitata jenu ja kambele ku mu zukutisa? Ene a jibha jinga o akunji a Nzambi, ió oso a tuamene kuidikiza mʼ ukulu kianda kuiza o Muthu Uaiuka. O Muène kiki enu mua mu bhakula, enu mua mu jibha; mu ijibhanganga iê.

Matendelelu 32:14

Ni matheka ma jivaka ni lete ia ilunga ia jimbudi. Ni banha ia jiseseme, ni ia ilumbe ia jimbudi, jene kudila mu makèla ma Basane, ni ia isutu ia jihombo; ni tiliko ia nete kiambote. Eie ua zuuela jinga o manhinga ma ji-uva, o vinhu ia kambe ku thuthuma kifulu.

Matendelelu 32:15

Maji Kazola kami kia zubha kiá o kuneta, kua mu iza kiá kubhana isènde: Ua nete, ua hangula! Ua di dikila ni ima ianete! Iu uaxʼiê kiá Nzambi iê, ua mu bhanga. Uate dikunda ku Tadi dia Muenhu uê, di mu bhana o kubhuluka!

Afundixi 10:6

Anʼa Izalaiele anga a tona dingi kubhanga kiaiibha mu mesu a Jihova, a kala mu bhikila Jibaale, ni Jitalote, o iteka, ni jinzambi ja Sídia, ni jinzambi ja Sidone, ni jinzambi ja Mouabhe, ni jinzambi ja anʼa Amone, ni jinzambi ja akua Fidíxia, Jihova anga a mu baluka, a mu xa, ngua-uâ ku mu bheza.