Nehemiia 9:25 - O Mikanda Ikola

²⁵ Anga a tolola o jisanzala ja suína ni ixi ia nete ibhana idima kiambote, anga a bokona jinzo jezala ni jimbote joso, ni ixima iòkande kiá, ni mivide, ni midiva, ni miẋi ia ibundu ia kúdia, iandumba. Anga a dia, ekuta, a neta ni ene, hé a kala mu nanga mu jimbote, mukonda dia kulenduka kué kuavulu.

Nehemiia 9:25 ပူးပေါင်းရင်းမြစ်များ

I Jisobha 14:9

inda eie kua kuiza kubhanga kia beta kuiibha, akuenu oso a ku diangela ndenge, mbata uai, eie ua bhange jinzambi jengi ni iteka ia kuiẋika, phala ku ngi lokalala o njinda iami, eie ua ngi bhana dikunda.

I Jisobha 8:66

Anga mu kizuua kia kanake a sulula kifuxi, ene anga a benzela sobha; aia kiua ku jifundu jâ, a sanguluka ni mixima ia tana, mukonda dia mbote ioso ia bhangele Ngana kua ngunza iê Davidi, ni ku kifuxi kiê kia Izalaiele.

Nehemiia 9:35

Mbata ene mu ixi ia ungana uâ, sumbala ni jimbote janzungule ji ua a bhana, ni ixi iadixala íi ia nete i ua a tudila ku pholo, nguaʼuâ ku ku bheza, mba a ta dikunda ku ibhangelu iâ iaiibha.

Jisálamu 105:44

Jixi ja matumbu anga u a bhana-ju ene; athu engi a kalakala, ene a a bhingana;

Jisálamu 65:11

Muvu ua u te kitundu kia jimbote jé, mu njila mu ua bhitila u sonona ima ianete.

Jisabhu 30:9

Nga lengesa kuila o ki ngizala, ni jimbote ja ndumba, nga vula ku ku dituna kiá eie, hé ngiia, ngixi: O Jihova muene nanhi? O ki ngi kala ngi ngadiama ia ngadiádia, ngavula kunhana, kifua nga lebhukisa o dijina dia Nzambi.

Izaía 6:10

Mbata o muẋima ua mundu iú, uakolokota, mátui mâ, ma kokoloka kuívua; mesu mâ a ma jika; kuiengesa o kumona ni mesu, kuívua ni mátui, kuijiia ni muẋima, nʼalunguluke dingi, Eme ni ngʼa sake.

Izaía 63:7

Ngi tumbula kulenduka kua Jihova, ngi tanga ue diximanu dia nzungule dia Jihova, dia soko ni ima ioso ia tu bhange Jihova; ni jimbote javulu joso jene kubhanga ku diembu dia Izalaiele, ja a bhange muene mu jihenda jê, kala kia soko o nzungule ja kulenduka kuê.

Jelemiia 2:7

Emiʼeme nga mi bokuesa mu ixi ia idima nda mudie o kibundu kiê ni mbote iê: maji enu-phe ki mua zubha kubokona-mu, oxi iami mua i kasanesa, o undundu uami mua u bhange kima kia ufusa.

Jelemiia 31:14

Anga ngà kʼekutisa muenhu ua jinganga ni ima ia nete, o mundu uami, mbote jami ja-nda kua kà a kuma muene, Jihova ua ki tange.

Jelemiia 32:23

Iá a bokona-mu muene, í ia kituka iâ-ene, maji a kambe kutumaka dízui dié, iá a fulu kuenda mu kitumu kié; iene ioso i ua a tumu kubhanga, ene ka i bhange; kiene-phe ki ua tumina, phala kua eze divuua dioso dienhidi.

Izekiiele 20:6

Mu kizuua kienhokio, nga a zanguila o lukuaku luami, hé nga a lokela ngixi: nga-nda ku mi katula mʼoxi ia Ijitu ni ngi mi bheka mu ixi i nga dianga ku mi muena, ixi i zunzumuka lete ni uiki, i ia di-bhange iene o makembu a jixi joso.

Daniiele 11:24

Ua kʼèza ue ni kuzomba, mu ididi ioso ia ixi, muala o jimboteʼ omo, anga u bhanga ima adiʼê kiluua a i bhanga, né ue o jikuku jê nuka a i bhangele. Ima ia bhûndu, u bhita ni ku i uanena ku athuʼê ni mbole ni jimbongo, ubhanga jindunge joso ja kulúa o jimbonge, maji mu kakithangana ngó ka tokala.

Hozeia 13:6

O kiala mu nzungule ia sabhelela, a di, ekuta; o kia zubha kudia ni kuikuta, muẋima uâ ua zangalala, kiene kia a bhekesa o ku ngi jimba eme.

Hozeia 3:5

O ku hádia-phe anʼa Izalaiele hinu a kà vutuka dingi, anga a kà sota Jihova Nzambi iâ, ni Davidi, sobha iâ; anga ni kuteketa a kà sota ku xila jinga Jihova ni mbote iê, mu izuua i sukidilaku.

Loma 2:4

Inga eie ua mu tobhesa o jinzungule ja kulenduka, ni kudixibha, ni kuxididika kua Nzambi? Eie ua kʼ ijiia kiambote kuma o Nzambi ua lenduka, ni kuila muène ua mesena ku ku sunga mu kudiela.

Matendelelu 3:5

Jisanzala jene joso jiji ja kondoloka mu imbaka ia di leka, ni imabhitu ni jiphapha ja felu; kua di tele ni jisanzala ja mukuá, janzungule muene, ja kambe kukala mu imbaka.

Matendelelu 32:13

Muene ua mu endesa ku thanduʼa jixi, kala ku kabalu kuala; ua mu dikila ni jimbote jaʼxi, ua mu xibhisa uiki u tunda mu ditadi, ni maji ma tundu ku ditadi dia kolo.

Matendelelu 32:14

Ni matheka ma jivaka ni lete ia ilunga ia jimbudi. Ni banha ia jiseseme, ni ia ilumbe ia jimbudi, jene kudila mu makèla ma Basane, ni ia isutu ia jihombo; ni tiliko ia nete kiambote. Eie ua zuuela jinga o manhinga ma ji-uva, o vinhu ia kambe ku thuthuma kifulu.

Matendelelu 32:15

Maji Kazola kami kia zubha kiá o kuneta, kua mu iza kiá kubhana isènde: Ua nete, ua hangula! Ua di dikila ni ima ianete! Iu uaxʼiê kiá Nzambi iê, ua mu bhanga. Uate dikunda ku Tadi dia Muenhu uê, di mu bhana o kubhuluka!