Nehemiia 9:2 - O Mikanda Ikola

² Anga muiji ua anʼa Izalaiele u di sandula mu matumbu oso a kexe muʼaxaxi kâ, hé a dʼimanena, anga mu kudifisala a kuata kuditanga o ituxi iâ, ni ikuma ia jitata jâ.

Nehemiia 9:2 ပူးပေါင်းရင်းမြစ်များ

I Jisobha 8:47

ene anga ku ixi kua ambata ku ubhika a sunga kilunji, anga a diela, hé mu ixi ia ubhika uâ a ku dionda, exi: Tua te kituxi, tu akua kikuma, tua bhange ufusa;

Ejidala 10:11

Kiki-phe, di fisadienu kua Jihova Nzambi ia jitata jenu, mu bhange kioso kia mu uabhela muene; ki mu di bunde ni athu akua jixi jengi, ahatu a jixi jengi di muangununienu-nâ.

Ejidala 6:21

Kienhiki, anʼa Izalaiele a tundile mu ubhika, hé a dia phasu, kumoxi ni ió a di bundile ni ene, mu ku di katula ku imbamba ia xidi, ia akuaʼxi, phala kusota Jihova, Nzambi ia Izalaiele.

Ejidala 9:1

Kiabhu-phe ima iii, kua ngi sange adiakimi, exi: O kifuxi kia Izalaiele, ni jinganga ni jilevita ka di tungula bhuma ni akua jixi jengi mu ku kasana kua akua Kanana, ni akua Hiti, ni Jipelezé ni Jijebuzé, ni akua Amone ni akua Mouabhi ni akua Ijitu ni Mamole.

Ejidala 9:15

Ahá! Jihova, tata! Nzambi ia Izalaiele! Eie u mukua kidi! Kuma etu tua bhulaka, tu tumbalumbalu ngó, kala ki kia di monekena leluʼidi. Kiki-phe, tuala bhu pholo ié mu kuêla kuetu, kuma ki kuala dingi muthu uengi u tena kukala bhu pholo ié mukonda dia kikuma kiki.

Ejidala 9:2

Mbata a tambula ku anʼa akuaʼxi, ahatu phala ene kusakana ni kusakanesa anʼâ a mala. O mu kubhanga kienhiki, o muiji ukôla iú, ua di fungisa ni akua jixi jenʼiji, katé o lukuaku lua adiakimi mudietu ni atumini luene lua dianga mu kutondala kuenhuku.

Nehemiia 1:6

jikula-phe, Ngana, o mátui mé, ni mesu mé ma jikuke, mu kuívua o musambu ua mubhikʼé, u nga mu samba lelu bhu pholo ié, mʼusuku ni mu muanha, mu diondela abhikê, o anʼa Izalaiele; ni ku diẋikina kutukulula kokué o ituxi ia anʼa Izalaiele, i tua ku tela eie; mukonda eme uami ni dibhata dia tatʼetu ituxi tua i te.

Nehemiia 10:28

Ni kifuxi kia xala-ku, ni jinganga, ni akua Leví, ni alangidi a mielu, ni jingimba, ni ateki a menha ni aẋangi a jihuinhi, ni oso kiá a di sanduile ku ifuẋi ia akua jixi mu kutumaka o kitumu kia Nzambi, ni akajʼâ, ni anʼâ a mala, ni anʼâ ahatu, ni jinjimu joso a kexe ni kuijiia iá a tongoloka a kexe ni kilunji,

Nehemiia 10:29

o a beta o uthu mudiʼâ, a di bande ue ku jiphange jâ ni kujiza kuoso, anga a diẋikina mu kubela ku mázui ni ku mulôko, kuila endela mu kitumu kia Nzambi, kia bhele mu ukunji ua Mozé, ngunza ia Nzambi; ni kuila a kuata anga a tumaka o ijila ioso ia Jihova Nzambi ietu, ni mabatuilu mê ni jingonge jê.

Nehemiia 13:3

Kia bhiti-phe kuma, mu kuívua o kituimu kiki, a tungula athu oso a di fungile mua Izalaiele.

Nehemiia 13:30

Kienhiki kiene ki nga zelesa o mundu ku akua matumbu oso, anga ngi uana o jinganga mu ibuka, ngi londekeza o ima ia fuama o jinganga kubhanga ni ia akua Leví, kala muthu ku kikalakalu kiê;

Jisálamu 144:11

Ngi kudile, u ngi tambule bhu maku a mbutu ia athu engi; a bhingi o dikanu diâ di zuela izala ioso, o kia leka lukuaku, lu kala lua makutu.

Jisálamu 144:7

Sunununa o lukuaku lué tunde bhulu bhu uala, u ngi kuate, u ngi zaule mu menha masuina, u ngi tambule, bhu maku ma athu a mbutu iengi;

Jisabhu 28:13

Muthu uoso u vunga o ikuma iê, katena kubhanduluka; maji muthu uoso-phe ikuma iê u i fisala, anga u i ambula, ió hinu a mu kuatela henda.

Izaía 2:6

Maji eie uehelela o mundu ué, o diembu dia Jakobo mukonda a dʼizalesa ni ífua ia akua thunda; ala azambuidi kala akua Fidíxia; ia a di-fungisa kumoxi ni akua jixi jengi.

Jelemiia 14:20

Uaué, Jihova, tata! Tua di xikina usuéia uetu, ni kubhuma kua jitata jetu; kuma tua te ituxi kokué.

Jelemiia 3:13

Hé kima diẋikine ngó kikuma kié: ki ua tondalela Jihova Nzambi ié, eie ua lebhesa o jinjila jé katé kua akua jixi jengi, bhu makota a mixi ioso ia uisu; eie ua kambe ku bhana matui ku dizui diami, kiene kiambe Jihova.

Daniiele 9:20

O ki nga kuata kuzuela kiki, ni kusamba, ni kufisala kituxi kiami, ni kituxi kia mundu uami ua Izalaiele, ni ku lundulula o musambu uami ua kutoloka bhu pholo ia Jihova, Nzambi iami, nga-lu diondela o mulundu uangene ua Nzambi iami.

Hozeia 5:7

Kuma Jihova a mu bhange mangonha, mbata a vuala anʼa jiphànda; mu kindalʼu-mu, ki moneka mbeji, a kà buika ni ima ioso iala na-iu.