Nehemiia 9:19 - O Mikanda Ikola

¹⁹ eie mu nzungule ia jihenda jé, ku a ehelela mu kikangalakata. Mu muanha dituta dia kilembeketa ki dia a kambele, né o dituta dia túbhia mʼusuku, phala kuia ni ku a muikina, ni ku a edikiza jinga o njila mu endela.

Nehemiia 9:19 ပူးပေါင်းရင်းမြစ်များ

Nehemiia 9:12

Mu muanha anga u a songuela ni dituta dia kilembeketa, o mʼusuku u a endesa ni dituta dia túbhia, nda u a muikine mu njila mu a kexi mu kuendela.

Nehemiia 9:27

Kia ku bhangesa eie Ngana kua a bhana bhu lukuaku lua jinguma jâ, anga a kala mu ku a tatesa; maji mu kithangana-phe kia kutata kuâ, ene ki a dikola ko kué, eie ua evua tunde mu diulu; anga mukonda dia kuvula o henda ié, u a bhana athu a a bhulula nʼa kala mu ku a kula bhu maku ma ió, o jinguma jâ a kexi mu ku a tatesa.

Nehemiia 9:31

Maji eie-phe mu kuvula o henda, ku a jimi mbutu mba u a ehelela; mbata eie u Nzambi ua uabhela kuloloka ni ku kuatela henda.

Jisálamu 106:45

U xinganeka o kikutu kiê, hé u diela mukonda dia jihenda jê javulu.

Jisálamu 136:16

Uendesa o mundu uê mu kikangalakata; kuma kulenduka kuê ki kuene kúbhua.

Makatukilu 40:36

Anga a kala mu kuila se dituta dia zangumuka ku balaka, anʼâ Izalaiele a kuta, a katuka, enda mu njila jâ joso;

Makatukilu 40:38

Mukonda o dituta dia Jihova dia nanga jinga ku thandu dia balaka mu muanha, o mu usuku di kituka túbhia ku mesu ma dibhata dioso dia Izalaiele, mu jinjila jâ joso.

Izaía 44:21

Eie Jakobo ni Izalaiele, lembalala ima ienhiʼii, mbata eie u selevende iami; eme-muène nga kʼumba, eie Izalaiele tata, u selevende iami; eme ki nga-nda ku ku jimba, kana.

Kuditenda 3:22

Kuma o jihenda ja Jihova jene-ze ja bhiti-bhu, etu tua kambe kujima o mbutu; mbata jihenda jê ki jene ni dizubhilu.

Izekiiele 20:14

O ki nga bhange-phe, nga ki bhangela ngoho o henda i nga kuatela o dijina diami, phala ka di sebulule ku mesu a miji ioso a mono kioso eme ki nga a tundisa mu Ijitu.

Izekiiele 20:17

Né hanji-phe kienhokio, o diesu diami dia a loloka muene, phala ki ngʼa jimise o mbutu, mba ngʼa jikinisina mu ixi ia kisèkele.

Izekiiele 20:22

Maji nga sukamesa o lukuaku luami, nga ki bhangela o henda ia dijina diami, phala ki di bonge malebhu bhu mesuʼa akua jixi, a muene kioso ki nga a tundisa.

Daniiele 9:18

Nzambi iami, bheteka mátui kunu, uívue; tona mesu, u mone kubhondalala kuetu, u tonginine ue o mbanza iatokala mu dijina dié. Mbata o ki tuala kusamba kiki bhu pholo ié, ki tua dielela o kulunga kuetu, maji tua dielela mu kulenduluka kué eie ku uene na-ku kua nzungule.

Daniiele 9:9

Maji eie Jihova, Nzambi ietu, momué muene ku kuatela henda ni kuloloka; oko etu tua mu kitukila muene!

Malakiia 3:6

Mbata eme, eme Jihova, ki ngaʼaluluka; mukonda dia kienhiki, enu mu anʼa Jakobo, ki muà ka buika enuʼoso, kana.

Dialuilu 14:14

akua-xi mumu a-nda ku a tangela-kiu. A kʼivu kiá kuma eie, Jihova, ua tungu muʼaxaxi ka kifuẋi kienhiki, a kʼivu ue kuma, eie Jihova, uala ku a tukulukila pholo ni pholo, dituta diê diemana ku thandu diâ, u mukua ku a tuamenena mu philadi ia dituta mu muanha, ni philadi ia túbhia mu usuku.

Matendelelu 8:2

Xinganeka phala u kale mu lembalala njila ioso ia mi bhitisa Jihova Nzambi ienu, mu makuinhi auana a mivu osoʼâ mu kikangalakata, phala a mi bateke, nda a mi lole, mbé o kuijiia kioso kia mi kala ku miẋima moxi, mba mu xikina kutumaka ijiia iê, mba kana.

I Samuuele 12:22

Mbata Jihova ka ẋikina ku ambudisa mundu uê, mukonda dia dijina diê dikola, mukonda Jihova kia mu uabhela o ku mi bhanga mu mundu uê-muene.