Nehemiia 9:17 - O Mikanda Ikola

¹⁷ Anga a dituna muene ku kuívua, o madiuanu mé u ua a bhangela, ku a xinganeka kana; anga a kolokotesa o xingu iâ mu kuxikana, o mu huka kuâ anga a zangula mutumini hé a mu ta ku pholo iâ, mu kusota kuvutukila mu ubhika uâ mu Ijitu; Maji eie-phe, eie u Nzambi ia muloloki, ia kutululuka ni henda, ua kokoloka mu kutema, uene ni unéne mu kubhanga o mbote, ku a ehelela.

Nehemiia 9:17 ပူးပေါင်းရင်းမြစ်များ

I Jisobha 6:13

Nga kà tunga muʼaxaxe ka anʼa Izalaiele, o mundu uami ua Izalaiele ki nga kà xikina dingi ku ehelela, lémbua.

I Jisobha 8:57

O Ngana dia Nzambi ietu a kale ni etu, kala kia kexile ni ji-tata jetu; ka tuehelele, kana, ka tu xe.

II Malunda 36:13

O kia di te-ku dingi, ua bhukumukina sobha Nabukodonozolo, ua mu lokesele kua Nzambi; maji ua thathamana o xingu iê; anga muẋima uê u huka kinéne katé ua lémbua o kudiela phala kulungulukila kua Jihova, Nzambi ia Izalaiele.

Ejidala 9:9

Mukonda etu tu abhika, maji mu ubhika uetu, eie u Nzambi ietu, ku tu ehelela; inda ua zale jihenda jé ku thandu dietu, etu tua bongo kiadi bhu pholo ia jisobha ja Pélesa, mbé o ku tu bhana dingi muenhu phala kubalumuna dingi o inzu ia Nzambi ietu ni kutunga dingi jingùndu jê, mbé a tu bhane kimbaka kia ku kondamena.

Nehemiia 9:31

Maji eie-phe mu kuvula o henda, ku a jimi mbutu mba u a ehelela; mbata eie u Nzambi ua uabhela kuloloka ni ku kuatela henda.

Jisálamu 106:13

Kindala-phe o ikalakalu iê ia a jimbiʼê kiá; nguauâ dingi kubhinga o kaiula kê.

Jisálamu 106:7

Jitata jetu ka tongolola kiambote, o madiuanu mé, mʼoxi ia Egito; ka xinganeka dingi o nzungule ia jihenda jé, maji a ku kuata phata, bhu ndundu ia kalunga, xi, bhene bhu Kalunga Kakusuka.

Jisálamu 130:4

Maji eie-phe, u Ngana, u mukua kuloloka, phala athu ende jinge ni ku ku xila.

Jisálamu 78:10

Kukuata o kikutu kia Nzambi, a ki lémbua, a di tunu kuenda mu ngonge iê.

Jisálamu 78:11

Imbamba ia bhanga jinga muene, ka i te dingi muẋima, ni isuma iê ioso ia edikiza, ka i lembalala dingi.

Jisálamu 78:38

Muene-phe mu kulenduka kuê, u a loloka o kubhukumuka kuâ, ka ẋikina ku a buikisa; u ki bhanga, u tona, kia kusosolola o njinda iê, né ua vunzuka ni kutema kuê, ka zubha.

Jisálamu 86:15

Maji Eie-phe, Ngana, u Nzambi ia jihenda, uezala ni kiadi, ua kokoloka o kutema, eie ua vula o kulenduka ni kidi.

Jisálamu 86:5

Kuma, eie Ngana, u muthu uambote, u lenguluka kuloloka, uene mu lendukila kiavulu oso a dikola ko kué.

Makatukilu 32:9

Jihova anga u ambela dingi Mozé, uixi: Mundu iú nga u mono kiá, ua thathamana jixingu.

Jisabhu 1:24

Maji-phe o ki ngʼedi ngʼixana, enu-phe mua di tunu kuitaia; nga sunununa o lukuaku luami, ki bhuala ua ngi batekela,

Jelemiia 18:15

Kienhiki o mundu uami ene ku ngi jimba muene, hé a kuata kuohela uasu ua dizumba ku lusebu; ia a tu bhangesa ku di bhukana mu jinjila jâ ni mu ikoka ia xahulu, phala nʼendele mu ikoka iengi ki iòsengulule;

Jelemiia 19:15

Jihova dia Ilombo leta, Nzambi ia Izalaiele, uambe kiki: Tala-ze, mbanza iii ni jimbonge jê joso nga-nda ku a bhekela o hadi ioso muene i nga a kanenʼoio, kuma a hinanesa o jixingu jâ phala a lémbue kuívua o maka mami.

Jelemiia 7:26

Maji ene nguâ ku ngi bhana mátui, mba kubheteka o mátui, maji o jixingu jâ a ji hinanesa, ima ia bhange ia beta kuzangiua o ia bhangele jitata jâ ndenge.

Izekiiele 5:6

Maji muene-phe o mabatuilu mami ua ma lungulula mu ufusa, miji ioso ndenge, ni jingonge jami ue ua beta ku ji lungulula o jixi ja mu kala mu jimbandu ndenge; mukonda a tènde mabatuilu mami, nguâ kuenda mu ijila iami.

Daniiele 9:9

Maji eie Jihova, Nzambi ietu, momué muene ku kuatela henda ni kuloloka; oko etu tua mu kitukila muene!

Jouele 2:13

Bhu kididi kia kutandula o izuatu ienu, tandulenu muẋima uenu, mu vutuke ku Jihova, Nzambi ienu; mukonda muene mukua henda, ua lenduka, ka thathamana lusolo, ukôla mu kubhanga o mbote, anga u diela se u bhanga kia iibha mu kubazela kuê.

Ijila 26:44

O kia di té-ku, né-mbé-phe hanji kuene kua di texilʼoko, mʼoxi ia jinguma jâ muala, Eme ue ki ngi tena ku a ẋimbuka, ki ngi tena ku di kuma-nâ, anga ene oso ngʼa jimisa o mbutu, hé ngi selula o kikutu kiami ki nga tele ni ene, mukonda Eme-muene ngi Jihova Nzambi iâ.

Nahumu 1:3

O Ngana ua kokoloka kutema, maji o nguzu iê iavulu; ka xikina o muêdi ku mu lungisa; O Ngana njila iê ia kuendela i bhita mu kibhungu ni kitembu kia kita-phephe; o matuta ene o fufutila ia inama iê.

Dialuilu 14:11

Jihova anga u ambela Mozé, uixi: Mbambe bhebhi bhu suka kifuẋi kiki, ni ku ngi tènda? Katé bhebhi ni kukamba ku ngi xikana, ku thandu dia isuma ioso i nga kalakala muʼaxaxi kâ?

Dialuilu 14:41

Mozé-phe u a ambela, uixi: Phalahi mu tondala dingi kitumu kia Jihova? Kuia ki ku xikina dingi.

Dialuilu 16:14

Mu ixi izunzumuka lete ni uemba, nêngó bhuòfele kua tu bheka-mu, mba u tu bhana kulundula mikáu ni mábhia a mivide, lémbue; manhi o athu iá eie ua-nda ku a ẋakula o mesu? Etu-phe, koko ki tua-nda kubanda-ku.

Jipoxolo 7:39

Muenʼiú-phe jitata jetu ka ẋikinine ku di tuma-nê, maji a mu tènde a-nga ku miẋima iâ enda a vutuka ku Ijitu.

Loma 9:15

Mbata muene ua tangelele Mozé, uixi: Eme ngi lendukila uoso ngandala ku mu lendukila, ngi kuatela henda uoso ngandala ku mu kuatela henda.

Jihebeleu 12:25

Uila kiki, di langienu, ki mu ditune kuivua ió uoso u zuela. Kuma enió a ditunine kuivua uoso ua tudilile o Njimbu ia Ngana mu ngongo, kà tenene kubhuluka. Kala kiki, etu uetu tua kà bhulukila bhebhi, se tua mu bhana dikunda uoso ua tu dimuna ku diulu!

I Samuuele 12:22

Mbata Jihova ka ẋikina ku ambudisa mundu uê, mukonda dia dijina diê dikola, mukonda Jihova kia mu uabhela o ku mi bhanga mu mundu uê-muene.