Nehemiia 9:13 - O Mikanda Ikola

¹³ Anga u tuluka ku mulundu ua Sinai, hé u a zuelesa tunde ku diulu; anga u a bhana mabatuilu ma iuku, ni itumu ia kidi, ni matendelelu ni ijila iambote.

Nehemiia 9:13 ပူးပေါင်းရင်းမြစ်များ

II Jisobha 17:37

Ni mabatuilu, ni jingonge, ni itumu, ni ijila ioso ia mi sonekena, ki bhinga mu kala ni muanu ua ku i aiuka izuua ioso; kana ku teketela jinzambi jengi.

Ejidala 7:6

Ejidale muenhú anga u banda, ua tundu ku Babilónia. Muene anga u kala musoneki ua di longo kiavulu mu kitumu kia Mozé kia bhele Jihova, Nzambi ia Izalaiele. Muene-phe ue, mukonda dia lukuaku lua mbote, lua Jihova Nzambi iê, lua mu kexile ku thandu diê, sobha ua mu bhana ioso muene ia mu bhingile.

Jisálamu 119:137

Eie, u Jihova, o muthu ua kuiuka, o kufundisa kué kuoso kua kidi.

Jisálamu 119:160

Tunde ku dimatekenu katé ku dizubhilu, maka mé kiene o kidi; kioso ki ua tetulula eie, muxinda bhu ndanji, ka ki lungulula dingi.

Jisálamu 119:4

Eie ua tu bhana o phangu ni ndongo phala tu kuate muanu mu ku i aiuka.

Makatukilu 16:23

Muene anga u a ambela, uixi: Kiene muene kia zuela Jihova; uixi: Mungu kizuua kiangene kia kunhoha, sabhalu ikola ia Jihova; kangenu ioso i mua mesena kukanga, lambenu ue ioso i mua mesena kulamba; o futa ioso i mu xia-ku, bhakenu-iu, phala enu mungu ki kúkia.

Makatukilu 19:11

Akale plondo phala kizuua kia katatu; kuma mu kizuua kia katatu Jihova ua-ndu tuluka ku mesu a mundu uoso ku thanduʼa mulundu ua Sinai.

Makatukilu 20:1

Nzambi anga u zuela maka mosoʼama, uixi:

Makatukilu 20:22

Jihova anga u ambela Mozé, uixi: Ambela anʼa Izalaiele, kuma: Enu mua ki mono muene kuila nga mi zuelesa tunde mu diulu mu ngala.

Izaía 64:1

Ó Ngana! Tamanu ua budile maúlu anga u tuluka, o milundu anga i di keleka mukonda dia pholo ié!

Izaía 64:3

Kala kiná ki ua kexe kubhanga madiuanu a bhingi kiluua tua a mona, ki tua a kingile, kioso ki ua tuluka jinga, milundu anga i di keleka mukonda dia pholo ié.

Habakuke 3:3

Nzambi uijiia ku Tamane, ió Ukôla uijiia ku mulundu ua Palane. (Selah) Fuma iê iezalesa o diulu, o ixi ue iezala ni diximanu diê.

Loma 7:16

O ima-phe ki nga i solo, se iene i ngi bhanga, kia lomboloka kuila o Kitumu nga ki xikana kuma kia uabha.

Matendelelu 33:2

Uixi: Jihova uatulukila ku Sinai, iú ua bandela ku Seíle; ua lekujukila ni ku mulundu ua Palane, ueza ni kuinhi dia midi dia jisandu ku madilu mê kua kexile o kitumu kiauama túbhia phala ene!

Matendelelu 4:33

Mba kua kexi kiá muiji ua athu ua tenene kuívua dízui dia Nzambi u zuelela mu milengu iuama, kala ki ua dʼivu eiʼki anga u kola muenhu?

Matendelelu 4:36

Muene-phe ku diulu kuene, kuene kuandekela ku ku ivisa o dízui diê, mbé o ku ku longa; o mu ngongo ua ku londekeza o túbhia tuê tua unéne, eie uevu o maka mê kioso muene kia zuelela mu kaẋi ka túbhia.

Matendelelu 4:8

Muiji uadikota uala-ku uebhi, uala ni jingonge ni mabatuilu ma iuka kiki, kala o kitumu ki ngala ku mi bhana leluʼiki?

Matendelelu 5:4

Tua di muena-kiu etu oso kia tu zuelesa Jihova pholo ni pholo mu kaẋi ka túbhia.