Nehemiia 9:1 - O Mikanda Ikola

¹ Anga anʼa Izalaiele a di bhongolola mu kizuua kia makuinhi aiadi nʼiuana ni kujila ni makuba ma zuata, ni mavu ma di takela mu mítue.

Nehemiia 9:1 ပူးပေါင်းရင်းမြစ်များ

II Samuuele 1:2

mu kizuua kia katatu bhu tula muthu ua tundu mu kilômbo kia Saúlo, ni izuatu iê ia tandujuka ni mavu a di kuu mu mútue; o kia zubha kubhiẋila bhua Davidi, u di takuila mu mavu anga u diunda.

II Malunda 20:3

Bheneʼobho Jozafate uoma ua mu kuata, hé u di ta mu kusota Jihova, anga u tuma o kujila, mu Juda ioso.

II Malunda 7:10

O mu kizuua kia makuinhi aiadi ni kitatu, ku mbeji ia kasambuadi, kiene Solomá kieha kiua o kituxi ku vutuka ku mabhata mâ, a sanguluka, o muẋima ua tana, mukonda dia mbote ia bhange Jihova kua Davidi, ni kua Solomá, ni ku mundu uê ua Izalaiele.

Ejidala 8:21

Bhenhobho anga ngi kola-bhu hanji o mujile ua kujila bhu mbanduʼa honga ia ngiji ia Ahava, mbé o kutoloka bhu pholo ia Nzambi ietu, nda tu mu bhinge njila ia kambe íbhidi phala etu ni anʼetu ni imbamba ioso ia tu tokala.

Ejidala 8:23

Etu-phe, anga tu jila, hé tu bhinga kienhiki kua Nzambi ietu, muene anga henda i mu kuata mukonda dia misambu ietu.

Nehemiia 8:2

Anga Ejidala, dia nganga, u bheka o Divulu dia kitumu bhu pholo ia kionge, kia mala ni kia ahatu, ni kia oso a tetulukila kuívua, mu kizuua kia dianga kia mbeji ia kasambuadi.

Estere 4:16

Ndeie, ua kà bhongolole o jijudé joso ala mu mbonge ia Suzana, mu jejuuale mukonda diami, mu fule kúdia ni kúnua mu izuua itatu, ni mu muanha ni mu usuku. Eme uami ni ilumba iami tu jejuuala kiene kimoxi, o ki ki bhua ku ki bhanga kiene kiua ki ngi bhixila kua muenexi, sumbala kima a ki kidika ku ki bhanga; se ki ngi bhinga kubuila-phe, kuabhu, ngi kana kubuila.

Estere 4:3

Ni ku jisengu joso, kia tula o kitumu kia muenexʼiki ni ngonge iê, ku kala kudila kuavulu ku jijudé, a ta ndômbe, a fula kúdia hé akala mu jila, kisoxi ki vula, a ta mbûndu, amoximu avulu muene a zeka mu kidinhaji ni utôkua.

Jobe 2:12

Ene kia zambula mesu mu kanga phala ku mu tala, ia a mono kuma a lémbua ku mu ijiia, a te jingololo ni kudila. Bhenhobho kala muthu u tandula thanga iê hé u di takuila fufuta mu mútue, bhulu.

Izaía 22:12

O Jihova phe, Jihova dia Ilômbo Ieta, mu kizuua kiná ua kà mʼixanena kudila, ni kuta jingololo, ni dikongelu dia mítue, ni kuzuata jisaku.

Jouele 2:12

Né mu kindala kienhiki muene, Jihova uixi; Ni muẋima uenu uoso, Vutukenu kokuami; bhangenu-kiu muene ni kujila, ni kudila, ni mukondo.

Ijila 23:34

Anʼa Izalaiele a tangele kuamba: O mbeji ia sambuadi ienhoio, se iala kiá mu kuinhiu dia izuua nʼitanu, bhu kale kiá o fesa ia jifundu kua Jihova mu sambuadi dia izuua.

Ijila 23:39

Maji-phe, mu kizuua kiene kià kuinhi ni itanu ku mbeji ia kasambuadi, kioso ki mua-nda kuila o ibundu iaʼxi ienu ioso mua i bhongolola kiá, mu bhanga kiá o fesa ia Jihova mu sambuadi dia izuua; mu kizuua kia dianga ni mu kizuua kia kanake, mu kala ni dinhohenu dienu dikola.

Josuué 7:6

Josuué anga u tandula izuatu iê, u di bhala pholo bhoxi, bhu pholo ia álaka ia Jihova, katé mu ngoloxi, ni muene ni adiakimi a Izalaiele; anga a di kuua mavu mu mítue.

Dijingunuinu 11:3

Anga ngi tumikisa mbangi jami jiiadi, a zuata saku ia kidinhaji, hé a kala mu tanga o Njimbu ia Nzambi mu midi ia kizuua ni hama jiiadi ni makuinhi asamanu.

Afundixi 20:26

Bhenhobho ana oso a Izalaiele, mundu uoso, a banda ku Betele, a dila, a xikama bhu pholo ia Jihova, hé a jila kizuua kioso kienhókio, ki bhua kúdia ki bhua kunua katé mu ngoloxi; a bhana ni jisata ja kuoha ni jisata ja paze bhu pholo ia Jihova.

I Samuuele 4:12

Anga bhu kala diiala mukua muiji ua Bejamí, ua tundu ku ita, u bhixila ku Silo kizuua kienhokio, izuatu iê ua i tandujula, ua di te mavu mu mútue.

I Samuuele 7:6

Anga a bhongoloka bhu Mixipa, a teka menha, a ma lunduluila bhu pholo ia Jihova, a fula kúdia kizuua kienhókio, a fisala, exi: Tua te ituxi kua Jihova. Samuuele anga u kala mu fundisa anʼa Izalaiele bhu Mixipa.