Nehemiia 8:8 - O Mikanda Ikola

⁸ Anga a tanga mu divulu dia kitumu kia Nzambi, ni mbimbi ia lomboloka kiambote; a tanga-mu, hé a lombolola o njimbu iê, a ki bhangela kuila, mbé ki a tanga, ki lomboloke.

Nehemiia 8:8 ပူးပေါင်းရင်းမြစ်များ

II Jisobha 23:2

O sobha anga u banda, uia mʼonzo ia Jihova, kumoxi ni athu oso mua Juda ni iá a tunga mu Jeluzaleme, ni jinganga ni misesedi ni mundu uoso, tundé ku jindenge katé ku makota; anga u tangela muene mu matui ma athu oso o maka oso ala mu divulu dia kikutu, diʼòbonge mʼonzo ia Ngana.

Ejidala 4:18

O mukanda u mua tu tumikisa, a u tange ni kulomboloka kuoso bhu pholo iami muene.

Nehemiia 8:12

Bhenhobho o kifuxi kioso hé aia mu kúdia, ni kúnua, ni ku di tumikisa mákudia, ni kubhanga jifesa jonène; mukonda maka ma a longesa mʼa tetulukila kiambote.

Nehemiia 8:7

Ni Jesuua, ni Bani, ni Selebiia, ni Jamine, Akube, Sabetai, Hodiia, Mahaseia, Kelita, Azadiia, Jozabade, Hanane. Pelaia, ni akua Levi, a kuata kulonga o kifuxi kia mundu kuijiia o kitumu; anga kifuxi kioso emana muene, kana muthu u tunda-bhu.

Nehemiia 8:9

Anga Nehemiia (kuma muene ua kexile nguvulu) ni nganga Ejidala, dia musoneki, ni akua Leví, a kexi mu longa o kifuxi ni ku a lombolouela o maka, hé a tangela o kifuxi kioso, exi: Kiki kizuua kiòlumbile Ngana dia Nzambi ienu, ki mu luuale mba mu dila. Mukonda kifuxi kioso, mu kuívua maka ma kitumu, a kexe mu kudila.

Nehemiia 9:3

Anga kizuua a ki uana mu mbandu jiuana. Ene ki a balumuka bhu kididi bhuemana, a tanga mu divulu dia kitumu kia Ngana Nzambi iâ mu mbandu ia kauana ia kizuua, mbandu ia kauana iamukuá anga a di fisala ni kutukulula o ituxi iâ, ni kubheza Ngana dia Nzambi iâ.

Izekiiele 46:10

Kioso ene kia bokona, o kilamba ue u bokuena muʼaxaxe-kâ; o kioso ene kia tunda, muene u tunda ue.

Habakuke 2:2

Bhenhobho-phe, Ngana ua ngʼitaia, uixi: Kisunji ki ua mono, soneka na-kiu; u ki seta muene ki lomboloke kiambote ku mabaia, phala a tene ku ki tanga, né hanji ku muthu ua mu lenga lusolo.

Luka 24:27

Anga ua andekela ku madivulu a Mozé, hé u bhita mu madivulu a jipolofeta joso, ni ku a jimbuila ima ioso iòsoneke mu Mikanda Ikôla ia Nzambi, ia mu tokalele muène.

Luka 24:32

Anga a di ambela mudiâ, exi: Manhi kiene o miẋima ki ia kexile mu ku tu lema moxi, muène kia kexi ku tu zuelesa mu njila, ni ku tu jimbuila o maka mòsoneke mu Mikanda ia Ngana?!

Luka 24:45

Bhenhobho anga u a jikula o ilunji, mu kutetulukila o kuívua kiambote o Madivulu a Ngana, uixi:

Jipoxolo 28:23

Kia mu bhana kizuua kia tokala o kudimona dingi, avulu muene a mu sanga mʼonzo mua tula. Muène anga u a lomboluela maka, u bhana umbangi ua Utuminu ua Nzambi. U sota ku a xikanesa ni maka ma tundu mu Kitumu kia Mozé ni mu madivulu ma Jipolofeta, tunde kimene katé ngoloxi, kuila Jezú muene Kristu.