Nehemiia 8:6 - O Mikanda Ikola

⁶ Anga Ejidala u ximana Ngana, o Nzambi ia munéne; anga kifuxi kioso etaia ni kuleka o maku mâ bhulu, exi: Amém! Amém! Anga a bhetama, hé a bheza Ngana, ni jipholo bhoxi.

Nehemiia 8:6 ပူးပေါင်းရင်းမြစ်များ

Dimatekenu 14:22

Mbalamu anga u ambela sobha ia Sodoma, uixi: Nga zangula lukuaku luami kua Jihova, Nzambi Suke-ku, uaʼvu o diulu ni ixi,

Dimatekenu 24:26

Diiala bhenʼobho bhetama mutue, anga u bheza Jihova.

I Malunda 16:36

Atane-ku! Jihova, Nzambi ia Izalaiele, ku jihama ja mivu ni mivu! Mundu uoso hé u zuela: Amém! Anga a tanesa Jihova.

I Malunda 29:10

Mukonda dia kiki, Davidi kia mu bhekela kuximana Nzambi bhu pholo ia kionge kioso, uixi: Tana-ku, eie u Jihova Nzambi ia tatʼ etu Jakobo, ku mivu ni minginda!

I Malunda 29:20

Bhenhobho Davidi uambela o kionge kioso, uixi: Kindala, Ximanenu Jihova Nzambi ienu. Bhenhobho o kionge kioso anga ki ximana Jihova Nza mbi ia jitata jâ, hé a bhetama, a fukama bhu pholo ia Jihova ni bhu pholo ia Sobha.

II Malunda 20:18

Bheneʼobho-phe o Jozafate u di bhala ni pholo bhoxi mu ku diunda; ni Juda ioso ue ni iá a tungu mu Jeluzaleme, anga a di takula bhoxi mu kubheza Jihova.

II Malunda 29:10

Kindala-phe mu muẋima mua mu ngi bhita kuila tu ta kikutu ni Jihova, Nzambi ia Izalaiele; phala o kutêma kua njinda iê ku tu somboke ni kuie kuengi.

II Malunda 29:30

Bheneʼobho sobha Ezekiia, kumoxi ni makota, ambela o jilevita kuila Jihova a mu ximane ni izuelu ia Davidi ni Asafo, o muzambuidi. Anga a mu ximana muene ni kusanguluka kuoso, a bhetama, a mu bheza.

II Malunda 6:4

Muene hé uamba, uixi: A tane-ku, Jihova, Nzambi ia Izalaiele, ua zuelela tatʼetu Davidi ni dikanu diê, hé u ki kumbidila muene ku maku mê, kuila:

Nehemiia 5:13

Eme uami ngi kukumuna homba iami, ngixi: Kienhiki Nzambi kia kukumuna muthu uoso mʼonzo iê ni ku kikalakalu kiê u fula kutumaka kizuelu kiki, u mu kukumuna kienhiki anga u xala hatu! Kuala kionge kioso: AMÉM! Anga a ximana Ngana; kifuxi kioso ka zuela dingi kima, anga a bhanga kala kiambe o kizuelu kiki.

Nehemiia 8:7

Ni Jesuua, ni Bani, ni Selebiia, ni Jamine, Akube, Sabetai, Hodiia, Mahaseia, Kelita, Azadiia, Jozabade, Hanane. Pelaia, ni akua Levi, a kuata kulonga o kifuxi kia mundu kuijiia o kitumu; anga kifuxi kioso emana muene, kana muthu u tunda-bhu.

Jisálamu 134:2

Lekenu o maku menu mu kididi kiê kiangene, muende ni kubenzela jinga Jihova.

Jisálamu 141:2

Musambu uami u bande ko kué, kala uasu ua dizumba; o makuʼami, kia sununuka, a kale kala sata ia ngoloxi.

Jisálamu 28:2

Ivua dízui diami dia kudionda, kioso ki ngi dikola kokué; ni kioso ki ngi sunununa maku mami, ni kulunga pholo ku kididi kié kikôla.

Jisálamu 41:13

A tane-ku! Jihova, Nzambi ia Izalaiele, tunde dia tunde, katé dià kalelà-ku! Amén, ni Amén!

Jisálamu 63:4

Kienhiki, ngi ku tumbula katé bhua suka o muenhu uami; ngi kala jinga mu leka o makuʼami mu dijina dié.

Jisálamu 95:3

Kuma o Jihova, kota dia Nzambi, Ngana ia dokota ua tundu o jinzambi joso.

Makatukilu 12:27

Enu mua kèla kuma: Sata iangene ia Jihova, kifua phasu iê, kia somboka o jinzo ja anʼa Izalaiele mu Ijitu, kizuua kia kuama akua Ijitu ene, o mabhata metu anga ua a bhana muenhu. O mundu bhenhobho hé a diunda a bheza.

Makatukilu 4:31

Kifuẋi anga a xikana; o kia zubha kuívua kuma Jihova ua suu anʼa Izalaiele iú ua mono o jiphaxi jâ, ene a bheteka o mítue, anga a bheza.

Jelemiia 28:6

Jelemiia, polofeta, anga uʼamba kiki, uixi: Amén! Jihova a bhange kienhokio! Jihova a kuatese o maka mê u ua tange eie, mu upolofeta, a tone dingi kubheka itutu ioso ia inzu ia Jihova, ni jihutile joso jʼendele ku ubhika mu Babilonha, nʼeze dingi bhu kididi kiki:

Kuditenda 3:41

Tu lekienu o miẋima ietu ni maku kua Nzambi ku diulu, hé tuamba kuila:

Ijila 9:24

Kuma bhu pholo ia Jihova bhua tundu túbhia tu tua jidisa o sata ioso ia kuoha ni banha iala ku kalatódio; o kifuẋi kioso kia ki mono, a dikola ni ngalasa, hé a di bhala jipholo bhoxi, mu kudiunda.

Matesu 26:39

Anga u sondoloka-bhu kòfele, u fukama, u ta pholo bhoxi, hé u samba, uixi: Tata iami, se ki xikina, dikáu dienhidi dia phaxi iíi, ngi katule-diu. Maji-phe ki ngi sola eme, kana, inda ki u sola eie.

Matesu 6:13

Ku tu ehele kudibhala mu kudianguka, maji tu kudile ku Dimonho; mbata ungana ué Eʼ muène, ni nguzu, ni fuma sè dizubhilu. Amén.

I Kolindo 14:16

O ki kala u sakidila Nzambi ngó ni nzumbi, ió uoso uala kiximba ua xikama-nê bhu kididi, uanda kuila kiebhi, Amén, ki a ku ivu ua sakidila, o muene ki ua zuela ki ki mu jimbulukila?

Efezo 1:3

Tu ximane Nzambi, Tata ia Ngana ietu Jezú Kristu! Mukonda ua tu benzela mua Kristu ni ku tu bhana o mabesá moso ma nzumbi, ku ididi ia diulu.

I Timote 2:8

Uila kiki, nga mesena kuila athu oso a di bhakula kua Ngana Nzambi, a sambe jinge ku ididi ioso, o mu kusamba a tena kuleka o maku mazele sè kizembu sè jimvunda.

I Phetele 1:3

Tu sakidilienu jinga Nzambi, Tata ia Ngana ietu Jezú Kristu! Mukonda muène mu kulenduka kuê kuavula kinéne, ua tu bhana dingi muenhu uobhe, kia fukununa Jezú Kristu mu madifundu. Kienʼiki o miẋima ietu iezala ni kudielela kua kidi.

Dijingunuinu 7:11

Bhenhobho ji-anju joso jemana, ja bhake o kiandu bhu kaxi, ni ikulakaji, ni iama iuana ia muenhu. Anga ji di bhala ni jipholo bhoxi bhu pholo ia kiandu, hé ji sambela Nzambi,