Nehemiia 8:5 - O Mikanda Ikola

⁵ Anga Ejidala u jikula o divulu bhu mesu ma kifuxi kioso, mbata muene ua kexi bhulu dia kifuxi kioso mukonda muene ua nzangamana-ku dingi; muene kuila u jikula o divulu, kifuxi kioso emana.

Nehemiia 8:5 ပူးပေါင်းရင်းမြစ်များ

I Jisobha 8:12

Bhenhobho Solomá u zuela, uixi: Bhabha Ngana uambe kuma nangu dié di kala mu kitombe kiedi buí. Sumbala muene ua bhange o dikumbi ku diulu.

I Jisobha 8:14

Bhenhobho u lungulula o pholo iê ku mundu uemana, anga u benzela kionge kioso kia Izalaiele; kuma o kionge kioso kia Izalaiele kiemanene.

Nehemiia 8:3

Muene anga u tangamu, ku pholo ia muhenda, ualela bhua lulama ni Muelu ua Menha, tunde mu kimene kia tundu o dikumbi, katé mu kaẋi ka kizuua ku mediia, bhu pholo ia mala ni ahatu, ni athu a tetuluka; anga o mátui ma kifuxi kioso ma jikukila kuívua o divulu dia kitumu.

Nehemiia 8:4

Anga o Ejidala, dia musoneki, uimana ku thandu dia kitala kia miẋi, kia tungile-bhu; anga a mu imanena bhu mbandu iê, ku lukualu luê lua kúdia, kuala Matitiia, ni Sema, ni Anaia, ni Udiia, ni Hilikiia, ni Mahaseia; ku lukuaku luê lua kiasu, Pedaia, ni Mizaiele, ni Melekiia, ni Hasume, ni Haxibadana, Zakadiia, ni Mezulame.

Afundixi 3:20

Ehudi anga u bokona muoso muala sobha; u mu sanga ua xikama u bheka uê mu tambula mulenge mu sala ku thandu. Ehudi anga u zuela, uixi: Ngala ni njimbu ia ku ku tudila ia tundu kua Nzambi.