Nehemiia 8:3 - O Mikanda Ikola

³ Muene anga u tangamu, ku pholo ia muhenda, ualela bhua lulama ni Muelu ua Menha, tunde mu kimene kia tundu o dikumbi, katé mu kaẋi ka kizuua ku mediia, bhu pholo ia mala ni ahatu, ni athu a tetuluka; anga o mátui ma kifuxi kioso ma jikukila kuívua o divulu dia kitumu.

Nehemiia 8:3 ပူးပေါင်းရင်းမြစ်များ

Nehemiia 10:29

o a beta o uthu mudiʼâ, a di bande ue ku jiphange jâ ni kujiza kuoso, anga a diẋikina mu kubela ku mázui ni ku mulôko, kuila endela mu kitumu kia Nzambi, kia bhele mu ukunji ua Mozé, ngunza ia Nzambi; ni kuila a kuata anga a tumaka o ijila ioso ia Jihova Nzambi ietu, ni mabatuilu mê ni jingonge jê.

Nehemiia 13:1

Kizuuʼokio hé a tanga mu divulu dia Mozé, ku mátui ma kifuxi kia mundu uoso; anga a sanga kididi muòsoneke kuma akua Amone ni akua Mouabhe ka fuama kubokona dingi mu kionge kia Nzambi.

Nehemiia 8:1

Kia bhixila o mbeji ia kasambuadi, kuila anʼa Izalaiele a kala kiá mu sanzala jâ, kifuxi kioso hé ki bhongolokela bhu muhenda, kala muthu umoxi ngó, bhua lulama ni Muelu ua Menha; anga ambela Ejidala, dia musoneki, exi: A bheke o divulu dia kitumu kia Mozé, Ngana kia tumine Izalaiele.

Nehemiia 8:18

Anga Ejidala muene u kuata kutanga mu divulu dia kitumu kia Nzambi, kizuua ni kizuua, tunde mu kizuua kia dianga katé kia sukidilaku; anga a bhitisa fesa iangene mu sambuadi dia izuua, kizuua kia kanake, anga a bhitisa fesa ia kuzumbuka, kala kia ki lekelela.

Nehemiia 8:4

Anga o Ejidala, dia musoneki, uimana ku thandu dia kitala kia miẋi, kia tungile-bhu; anga a mu imanena bhu mbandu iê, ku lukualu luê lua kúdia, kuala Matitiia, ni Sema, ni Anaia, ni Udiia, ni Hilikiia, ni Mahaseia; ku lukuaku luê lua kiasu, Pedaia, ni Mizaiele, ni Melekiia, ni Hasume, ni Haxibadana, Zakadiia, ni Mezulame.

Nehemiia 8:5

Anga Ejidala u jikula o divulu bhu mesu ma kifuxi kioso, mbata muene ua kexi bhulu dia kifuxi kioso mukonda muene ua nzangamana-ku dingi; muene kuila u jikula o divulu, kifuxi kioso emana.

Marku 12:37

Davidi muene se ua mu edi Ngana, u kala-phe kiebhi monʼe? O mundu ua dikota anga a mu ivua ni ngalasa, o ima ioso ia kexi mu longa.

Luka 19:48

Maji ka mono kioso kia ki bhanga, mukonda o mundu uoso a mu nhenganana ni ku mu ívua.

Luka 8:18

Kala kiki, tumenu-phe ku kʼijiia kioso ki muívua! Mukonda uoso uala, muène a mu bhana; uoso ua kambe, a mu tambula katé ni kiki kia di fika o kukuata.

Jipoxolo 13:15

Kiabhu o kutanga mu Kitumu kia Mozé ni mu jipolofeta, makota ma dilombe a tuma kua ambela, exi: Enu mu akuetu, athu se muambe ku a tela maka ma kulonga, kindala zuelenu.

Jipoxolo 13:27

Kuma ió a tungu mu Jeluzaleme ni afundixiʼâ ka tongoloka kuma Jezú muene o Mubhuludi. O maka ue ma jipolofeta ki ma a tetulukila, sumbala ene ku ma tanga izuua ioso mu jisabhalu. Maji né kieniokio, mu kuelêsa Jezú mizambu ia jipolofeta a i kumbidila, sè ku kʼ ijiia.

Jipoxolo 15:21

Kuma o Kitumu kia Mozé tunde ʼxahulu sai mu mbonge joso akua kutanga ulongelu uê mu malombe, jisábhalu joso.

Jipoxolo 16:14

Ku ahatu a mu kuivua, anga bhu kala muhatu, dijina diê Lidia. Muenʼiú ngenji, mukua kufuna purpura ia kuteka, o ku bhata diê ku Tiiatila, mubhezi a Nzambi; muene anga u tu ivua. Muenʼiú Ngana ua mu jikula o muẋima mu kutambulula o maka ma tange Phaulu.

Jipoxolo 17:11

Enʼiâ a beta ujitu, ka soko ni akua Tesalonika, kuma a tambulula o maka ni kutetuluka kuoso. Izuua ioso anga a kala mù tekula mu Madivulu ma Nzambi se o ima iii kia mu i tanga Phaulu, kiene ki ia tokala.

Jipoxolo 20:11

O kia bande dingi ku thandu, ua bukula o mbolo, hé a-dia. Anga u kala dingi mu kuta-nâ maka thembu iavulu, katé kuma kuakie, iú ua katuka kiua.

Jipoxolo 20:7

Mu kizuua kia Sabhalu ku kiemba, anga tu bhongoloka mu kubukula o mbolo kumoxi ni jiphange. Bhenhobho Paulu u a tela maka, anga u sungina ni kuzuela katé mu kaxi ka usuku, mukonda kimene kiê uanda kukatuka.

Jipoxolo 28:23

Kia mu bhana kizuua kia tokala o kudimona dingi, avulu muene a mu sanga mʼonzo mua tula. Muène anga u a lomboluela maka, u bhana umbangi ua Utuminu ua Nzambi. U sota ku a xikanesa ni maka ma tundu mu Kitumu kia Mozé ni mu madivulu ma Jipolofeta, tunde kimene katé ngoloxi, kuila Jezú muene Kristu.

Matendelelu 31:9

Mozé anga usoneka kitumu kiki, u ki bhana ku jinganga, anʼa Levi, oso akexe kunhata o álaka ia kikutu kia Jihova, ni ku adiakimi oso a Izalaiele.

I Tesalonika 2:13

Mukonda dia kiki ue, tuene mù sakidila jinga Nzambi, sé ngó kufula. Kuma o thembu ia mi sange o Maka metu ma Ukunji koko, maka mene ma Nzambi, enu mua evu, mua a tambulula, kana kuma maka a muthu maji kuma ene o Maka ma Nzambi, mu kidi. Mukonda o Nzambi uala ku mi kalakala moxi dienu oso mua xikana.

Josuué 8:35

Josuué ka xi-ku kizuelu kia kima, ku ima ioso ia tendelela Mozé, nʼa kambe ku ki tanga bhu mesuʼa kionge kioso kia Izalaiele, ni ahatu iá bhobho, ni anandenge, ni jinzuángiza, o idijila eza kutunga muʼaxaxi kâ.

Dijingunuinu 2:29

Kala kiki, uoso uala ni dítui, évue kioso o Nzumbi ia Nzambi kia jimbuila o Jingeleja!

Dijingunuinu 3:22

Kala kiki, uoso uala ni dítui, évue kioso o Nzumbi ia Nzambi kia jimbuila o Jingeleja!