Nehemiia 8:2 - O Mikanda Ikola

² Anga Ejidala, dia nganga, u bheka o Divulu dia kitumu bhu pholo ia kionge, kia mala ni kia ahatu, ni kia oso a tetulukila kuívua, mu kizuua kia dianga kia mbeji ia kasambuadi.

Nehemiia 8:2 ပူးပေါင်းရင်းမြစ်များ

Nehemiia 10:29

o a beta o uthu mudiʼâ, a di bande ue ku jiphange jâ ni kujiza kuoso, anga a diẋikina mu kubela ku mázui ni ku mulôko, kuila endela mu kitumu kia Nzambi, kia bhele mu ukunji ua Mozé, ngunza ia Nzambi; ni kuila a kuata anga a tumaka o ijila ioso ia Jihova Nzambi ietu, ni mabatuilu mê ni jingonge jê.

Nehemiia 13:1

Kizuuʼokio hé a tanga mu divulu dia Mozé, ku mátui ma kifuxi kia mundu uoso; anga a sanga kididi muòsoneke kuma akua Amone ni akua Mouabhe ka fuama kubokona dingi mu kionge kia Nzambi.

Nehemiia 8:18

Anga Ejidala muene u kuata kutanga mu divulu dia kitumu kia Nzambi, kizuua ni kizuua, tunde mu kizuua kia dianga katé kia sukidilaku; anga a bhitisa fesa iangene mu sambuadi dia izuua, kizuua kia kanake, anga a bhitisa fesa ia kuzumbuka, kala kia ki lekelela.

Nehemiia 8:9

Anga Nehemiia (kuma muene ua kexile nguvulu) ni nganga Ejidala, dia musoneki, ni akua Leví, a kexi mu longa o kifuxi ni ku a lombolouela o maka, hé a tangela o kifuxi kioso, exi: Kiki kizuua kiòlumbile Ngana dia Nzambi ienu, ki mu luuale mba mu dila. Mukonda kifuxi kioso, mu kuívua maka ma kitumu, a kexe mu kudila.

Nehemiia 9:1

Anga anʼa Izalaiele a di bhongolola mu kizuua kia makuinhi aiadi nʼiuana ni kujila ni makuba ma zuata, ni mavu ma di takela mu mítue.

Izaía 28:9

O kiki-phe unjimu a u longa nanhi? Kima kia dʼivisa kiá, kia tokala ku kʼijidisa dingi mukuahi? Ió uoso uasumuka kiá ku lete, inga uoso a mu thathumuna ku mele a mamʼâ?

Ijila 23:24

Anʼa Izalaiele a tangele, uixi: Bhu mbeji ia kasambuadi, mu kizuua kiê kiadianga, mu kala ni dinhohenu dia dikota, bhu kala muene kuxika jikoloneta, mu di sakese hanji ni ngalasa, bhu kale kionge kikôla.

Malakiia 2:7

Mbata o mizumbu ia jinganga iene i bhaka o unjimu, o ngonge ia kidi athu a i sotela mu kanu diê; mukonda o nganga muene o mukunji ua Jihova dia Ilombo Ieta.

Dialuilu 29:1

O mu mbeji ia kasambuadi, kizuua kiê kia kamoxi, mu kala ni kionge; ki mu bhange kikalakalu kioso-kioso; ki kala kizuua kienu kia kuxika jikoloneta;

Jipoxolo 15:21

Kuma o Kitumu kia Mozé tunde ʼxahulu sai mu mbonge joso akua kutanga ulongelu uê mu malombe, jisábhalu joso.

Matendelelu 17:18

O kia-ndu zubha ue kutulama kiá ku kiandu kia usobha mu utuminu uê, u kopiiala kitumu kiki mu divulu phala muene, u katula mu divulu dia kitumu kiala na-kiu o jinganga ja akua-Levi.

Josuué 8:35

Josuué ka xi-ku kizuelu kia kima, ku ima ioso ia tendelela Mozé, nʼa kambe ku ki tanga bhu mesuʼa kionge kioso kia Izalaiele, ni ahatu iá bhobho, ni anandenge, ni jinzuángiza, o idijila eza kutunga muʼaxaxi kâ.