Nehemiia 8:1 - O Mikanda Ikola

¹ Kia bhixila o mbeji ia kasambuadi, kuila anʼa Izalaiele a kala kiá mu sanzala jâ, kifuxi kioso hé ki bhongolokela bhu muhenda, kala muthu umoxi ngó, bhua lulama ni Muelu ua Menha; anga ambela Ejidala, dia musoneki, exi: A bheke o divulu dia kitumu kia Mozé, Ngana kia tumine Izalaiele.

Nehemiia 8:1 ပူးပေါင်းရင်းမြစ်များ

II Jisobha 23:2

O sobha anga u banda, uia mʼonzo ia Jihova, kumoxi ni athu oso mua Juda ni iá a tunga mu Jeluzaleme, ni jinganga ni misesedi ni mundu uoso, tundé ku jindenge katé ku makota; anga u tangela muene mu matui ma athu oso o maka oso ala mu divulu dia kikutu, diʼòbonge mʼonzo ia Ngana.

II Malunda 34:15

Hilikiia anga u kumbulula, uambela Safane, o musoneki, uixi: Divulu dia kitumu nga di bongela mʼonzo ia Jihova. Anga Hilikiia u tambuisa o Divulu kua Safane.

II Malunda 34:30

Athu oso mua Juda kumoxi ni iá a tungu mu Jeluzaleme, ni jinganga ni jilevita ni kifuẋi kioso tundé ku muadiakime katé ku mona-ndenge, ene oso, sobha u banda, uia-nâ mʼonzo ia Jihova, anga u tangela muene mu mátui ma ene oso o maka moso ma divulu dia kikutu, diodio dia bongele mʼonzo ia Jihova.

Ejidala 7:1

Kia zubha kubhita ima iii, mu utuminu ua Artaxexe, sobha ia Pélesa, Ejidala monʼa Selaia, monʼa Azadiia, monʼa Ilikiia,

Ejidala 7:10

Kuma Ejidala ua di iudikile muẋima uê, phala ku kuata kitumu kia Jihova ni ku kiʼaluka, mbé o ku longa jinga jingonge ni mabatuilu ma Nzambi iê, mua Izalaiele.

Ejidala 7:11

Iú-phe, uene o mukanda uʼòkatule ku mukanda ua sobha Artaxexe, ua bhana kua nganga Ejidala, musoneki ua maka ma ijila ni jingonge ja Jihova kua Izalaiele. Mukanda uambe kiki:

Ejidala 7:6

Ejidale muenhú anga u banda, ua tundu ku Babilónia. Muene anga u kala musoneki ua di longo kiavulu mu kitumu kia Mozé kia bhele Jihova, Nzambi ia Izalaiele. Muene-phe ue, mukonda dia lukuaku lua mbote, lua Jihova Nzambi iê, lua mu kexile ku thandu diê, sobha ua mu bhana ioso muene ia mu bhingile.

Nehemiia 12:26

Mu izuua ia Joiakime, monʼa Jesuua, dia monʼa Jozadake, mala iá ene a kexile-ku; ene ue a kexile-ku mu izuua ia Nehemiia, dia nguvulu, ni mu izuua ia nganga Ejidala, dia musoneki.

Nehemiia 12:37

Muene kia tuamenena kienhiki, mu kubhiẋila bhu Muelu ua Ndunga, a banda ku maxikata ma sanzala ia Davidi mu kubanda ku mulundu, bhua kanduka o lumbu, mbé kutulukila ku inzo ia Davidi, katé bhu Muelu ua Menha, ku mbandu ia thunda.

Nehemiia 3:26

Ateki a menha-phe ni aẋangi a jihuinhi ja Tembulu, a kexile mu Ofèle, a kalakala uâ hé a sukila ku pholo ia Muelu ua Menha ni kutunga, ku mbandu ia mutundila-kumbi, anga a zumbukila mbonge ia matala ia di leka.

Nehemiia 8:16

Kifuxi kioso-phe, hé a tunda, anga a bheka o jithangu joso, anga a tunga jifundu jâ, amoxi ku thandu dia jinzo jâ, ni ku dima dia jinzo jâ, ni mu malumbu ma inzo ia Nzambi, ni bhu kitanda kia muelu ua Menha, ni bhu kitanda kia Muelu ua Efalaime.

Nehemiia 8:3

Muene anga u tangamu, ku pholo ia muhenda, ualela bhua lulama ni Muelu ua Menha, tunde mu kimene kia tundu o dikumbi, katé mu kaẋi ka kizuua ku mediia, bhu pholo ia mala ni ahatu, ni athu a tetuluka; anga o mátui ma kifuxi kioso ma jikukila kuívua o divulu dia kitumu.

Izaía 8:20

Inda tuila: Ku Kitumu ni ku Umbangi; ene se nguauá kuzuela kala kiambe o kizuelu kiki, o mukengeji ua kimene ka kà u mona.

Ijila 9:5

Bhenhobho anga a bheka kioso kia tumu Mozé bhu muelu ua balaka ia kutakanena; anga kilômbo kioso ki zukama, hé emana bhu pholo ia Jihova.

Malakiia 4:4

Lembalala jinge-nu o ngonge ia Mozé selevende iami, i nga mu tendelela bhu Holebe phala akua Izalaiele oso, kuma iene o itumu ni mabatuilu.

Matesu 13:52

Kuala muène: Uila kiki, mesene ioso u longa o Kitumu, hé u di bhanga xibulu ia Utuminu ua Diulu, u difangana ni tata ua tambula konda ia dibhata, u katula mu dilundilu diê ima ióbhe ni iókulu.

Matesu 23:13

Enu-phe lamba dienu, mu akua kulonga kitumu ni enu mu jifalizeu, mu akua mangonha! Mukonda ku Utuminu ua diulu mua jika-ku ku pholo ia athu, enʼ uenu kubokona nguenu; ni iá andekene kubokona, ki mu a ehela. [

Matesu 23:2

O jimesene ja Kitumu ni jifalizeu a xikama bhu kibhuna kia kulombolola o Kitumu kia Mozé.

Matesu 23:34

Kienhiki, talesenu, ngi mi tumikisa jipolofeta ni jinjimu ni jimesene ja kulonga. Enu-phe amoxi-mu mua-nda ku a jibha, amukuá mua-nda ku a phaphela ku makulusu, amoxi mua-nda ku a beta mu malombe menu, ni ku a kaia ku mabhata-mabhata.

Matendelelu 31:11

kioso ki bhongoloka jinga Izalaiele ioso bhu pholo ia Jihova Nzambi iê, bhuʼikididi kia dibhata dia tungula muene, bhenhobho utanga Kitumuʼiki bhu pholo ia Izalaiele ioso, ku mátui mâ.

Afundixi 20:1

Kienhokio ana Oso a Izalaiele hé a tunda, kilombo kioso anga ki bhongoloka kala muthu umoxi ngó, tundé ku Dani katé ku Bele-seba, ni ixi ia Ngiliiade kumoxi, a bhongoloka kua Jihova bhu Mixipa.

Afundixi 20:8

Mundu uoso anga a balumuka kala muthu umoxi ngó, exi: Ki bhu kale muthu uia ku balaka iê, ki bhu kale muthu u vutuka ku bhata diê.