Nehemiia 7:3 - O Mikanda Ikola

³ Anga nga a tangela, ngixi: Mabhitu ma Jeluzaleme kʼa ma jikule jinge katé muanha ua tu; o mu ngoloxi kioso ki mu imana-bhu mu kulangidila, mu jika mabhitu, anga mu ta-ku mithathu; anga mu bhaka-ku alangidi a tungu mumu mu Jeluzaleme, kala muthu bhu kithangana kiê kia ku langidila, ulangidila ku pholo ia inzo iê kuene.

Nehemiia 7:3 ပူးပေါင်းရင်းမြစ်များ

Nehemiia 13:19

Anga ki bhita-phe kuma, o mabhitu ma Jeluzaleme kia bhana kiá o kilembeketa, kuila o sabhalu kiluua i bhixila, ngi tuma o kujika mabhitu; anga ngi tumina kuila ka ma jikule katé sabhalu ia bhiti; anga ngi ta o minzangala iami imoxi-mu bhu mielu, mbé kuila kana kimbamba kioso-kioso ki bokona mu kizuua kia sabhalu.

Nehemiia 3:23

A kaiela-ku mu kuiudika Bejamí ni Hasube, ku pholo ia inzo iâ; u a kaiela Azadiia, monʼa Mahaséia, dia monʼa Ananiia, ua iudika ue bhu mbanduʼa inzo iê.

Nehemiia 7:2

eme anga ngi xinda, phangʼiami Hanane, ni Hananiia, dikota dia mbonge, ngixi a kale ku pholo mu Jeluzaleme, mukonda dia muene kukala diiala dia uthu ni ujitu, mukua uoma ua Nzambi, akuá avulu dingi ndenge.

Nehemiia 7:4

O sanzala ia, tambula ixi mu kukula, kuma ia kexi ia dikota kinéne, athu-phe kʼa kidi a kexile-mu; ni jinzo kiluua a zubha ue ku ji tunga dingi jene joso.

Jisálamu 127:1

Jihova se ua kambe kutunga dibhata, a tala ngó hadi oso a di tunga; Jihova se ua kambe kulanga mbonge, mulangidi né ua tono, lémbue.

Jisálamu 147:13

Mukonda muene ua kolesa dingi o jitalanga ja mabhitu mé; anʼé moxi dié ua a bhana kuzediua.

Matesu 10:16

Talenu, nga mi tundisa kala mu jimbudi mua di lungu ni jimbinji. Muila-phe ni kudimuka kala mu jinhoka, ni kutobha kala mu mêmbe.