Nehemiia 7:2 - O Mikanda Ikola

² eme anga ngi xinda, phangʼiami Hanane, ni Hananiia, dikota dia mbonge, ngixi a kale ku pholo mu Jeluzaleme, mukonda dia muene kukala diiala dia uthu ni ujitu, mukua uoma ua Nzambi, akuá avulu dingi ndenge.

Nehemiia 7:2 ပူးပေါင်းရင်းမြစ်များ

Dimatekenu 42:18

Zuze anga u a tangela, kizuua kia katatu, uixi: Bhangenu kienhiki, phala mu laie; kuma ngi mukua uoma ua Nzambi.

II Samuuele 23:3

Nzambi ia Izalaiele ua zuela ditadi dia Izalaiele muene ua ngʼambela: muthu u tumina athu mu uiukilu uê, ió u tumina mu uoma ua Nzambi,

I Jisobha 18:12

Hé ngiia ngi ta-ku dikunda, eie kunu Nzumbi ia Ngana ia kuambata anga i ku bheka kuma ki ngʼejiia-ku, o kioso ki ngi tudila Akabe njimbu, muene anga u kamba ku ku sanga, u ngi jibha. Nguami, kuma eme ngi mubhikʼé-phe, ngi mukua uoma ua Jihova tunde mu undenge uami.

I Jisobha 18:3

Anga Akabe uixana ngolambole iê Obadiia. Obadiia-phe muenhú ua kexile mukua uoma ua vulu ua Jihova.

Nehemiia 1:2

kuma phangʼiami umoxi, Hanani uiza, ni muene ni akuá a tundunâ mu Juda; anga eme nga ebhula o jijudé ja subhukile, a xalele kuiza ku ubhika, ni kikexilu kia Jeluzaleme.

Nehemiia 10:23

Hozeia, Hananiia, Hasube,

Nehemiia 13:13

Anga ngi zangula nganga Selemiia, ni musoneki Zadoke, ni Pedaia, uatokala mu akua Leví, hé ngʼa a baka mu kutambula konda ia inganja ni kubhaka o itadi ni mákudia; o kua ene ngi ta-ku Hanane, monʼa Zakule, dia monʼa Mathaniia phala kukala kibese kiâ, mukonda a kexile athu a kidi, akua kitongola; anga a tuika uâ ene o ku uanena o jiphange jâ.

Nehemiia 2:8

A ngi bhane ne mukanda ua Asafe, o kimbadi ua mu langa o míkáu ia sobha, phala a ngi bhane miẋi ia kuiudika na-iu o mabhitu ma dizemba dia sobha, ni kimbaka kia sanzala, ni ma inzo mu nga kà bokona. Sobha anga u ngi bhana-iu, kala kia ngi xindi o lukuaku lua mbote lua Nzambi lua ngi tudile ku thandu.

Nehemiia 5:15

Nguvulu ja dianga-phe, ja ngi diangelele eme, a kexi mu tatesa kifuxi, ni ku a tambula kúdia ni vinhu, anga ku thandu diê, a ta-ku ku futa makuinhiʼauana a xikulu ia itadi ia phalata; o minzangala iâ hanji ue a kuata kubhikisa o kifuxi; maji eme-phe ki kiene ki nga bhange, mukonda dia kuxila Nzambi.

Nehemiia 7:3

Anga nga a tangela, ngixi: Mabhitu ma Jeluzaleme kʼa ma jikule jinge katé muanha ua tu; o mu ngoloxi kioso ki mu imana-bhu mu kulangidila, mu jika mabhitu, anga mu ta-ku mithathu; anga mu bhaka-ku alangidi a tungu mumu mu Jeluzaleme, kala muthu bhu kithangana kiê kia ku langidila, ulangidila ku pholo ia inzo iê kuene.

Jobe 1:1

Kua kexile muthu, mu ixi ia Uze dijina diê a muʼixana Jobe. Muthu iú ua kexile kidi, muthu ua iuka, mukua uoma ua Nzambi; o ia ibha u i lenga.

Jisálamu 101:6

Mesu ami a kala jinga mu sota o jifiiele mu ngongo, ene u ngi kala-nâ; uoso uenda ni muẋima ua ujitu ió muene u ngi sedivila jinga.

Makatukilu 18:21

Sota mu mundu, oso athu a tena, ala ni kilunji, akua uoma ua Nzambi, akua kidi, ka ẋikina kúdia mangonha, u a tese ku pholo; iá a tambula konda ia jimidi, iá a tambula konda ia jihama, iá a tambula konda ia makuinhi atanu, o iá dikuinhi-dikuinhi;

Daniiele 6:4

Kienhiki ni mavunda ni ilamba akuata ku sota kithangana kia kukuata Daniiele ni kikuma ku utuminu uenhó, phala a mu kundûle; maji kikuma ni mulonga a ki tokoka; mbata muene uakexe fiiele, uendelu uê ki u moneka kisému, mba mulonga.

Dialuilu 12:7

Ki kiene-phe ki ngi bhanga ni mubhikʼami Mozé; muene muthu uaiuka mu dibhata diami dioso.

Matesu 24:45

Nanhi-phe selevendeʼoio ia fiiele, ia dimuka, ngana iê ua mu lekela kutambula konda ia dibhata diê, ku a uanena kúdia kuâ mu ola joso ja tokala?

Matesu 25:21

Kuala ngana iê: Kiauabha! Diebhe-ku selevende iambote, ia fiiele. Eie ua kexi fiiele mu imbamba iófele, ngi ku zangeleka ku imbamba iavulu. Bokona mu ngalasa ía ngana ié.

I Kolindo 4:2

Kunu-phe uoso a mu tuika o kikalakalu kiki, u bhinga u kala fiiele.

II Timote 2:2

Ima i uévua jinga ko-kuami bhu pholo ia jimbangi javulu, lûndisa-iu ku athu ala jifiiele, a tena ue kulonga akuâ.