Nehemiia 7:1 - O Mikanda Ikola

¹ Anga ki bhita dingi kuila, kioso kimbaka kia zubha o ku ki tunga, eme ue nga zubha kiá kuta-ku o mabhitu; anga a sola alangidi a mielu ni jingimba akua kuimba ni akua Levi;

Nehemiia 7:1 ပူးပေါင်းရင်းမြစ်များ

II Jisobha 7:10

Anga eza-phe, hé a handekela akua kulanga o mabhitu ma mbonge, a a kundila-na-kiu, exi: Tuʼele mu kilômbo kia akua Sídia, tala, ni muthu ngó ki tu mu sange-mu, mba tuiva-mu mbimbi ia muthu; inda tua mono ngó jikabalu jʼókuike ni jibulu jʼókuike ue; o jibalaka kiene ki jʼalé, kiene.

II Malunda 31:2

Anga Ezekiia u ta o jinganga ni jilevita ku ibuka, kala kia tokala mu ibuka iâ, kala muthu ni ukunji uê; o jinganga ni jilevita phala o jisata ja kuoha, ni jisata ja uembu; ni kubhanga kioso kia tokala mu ukunji ni kuximana ni kuimbila bhu mabhitu ma ilômbo ia Jihova.

Ejidala 3:8

Kutula ku muvu ua kaiadi, ua kuiza kuâ ku inzu ia Nzambi, iala mu Jeluzaleme, ku mbeji ia kaiadi, Zolobabele monʼa Selatiiele, ni Jesuua monʼa Jozadake ni akuá dingi, jiphange jâ, jinganga ni jilevita akua muiji ua Levi, ni eneʼoso kiá a tundu ku ubhika eza mu Jeluzaleme, a mateka kikalakalu kia inzu ia Jihova, anga a sola ku jilevita akua muiji ua Levi, athu oso a tenesa kiá makuinhi a iadi a mivu mba a somboka-mu kiá, phala kuendesa kikalakalu kia onzo ia Jihova, kala kia fuama.

Nehemiia 10:39

Mukonda anʼa Izalaiele ni anʼa Leví a tokala a bheka o maujitu ma kubhuka ma jimbundu ni ma vinhu ni ma maji, mu maxilu ió; mbata muene muala o itutu ia kididi kikôla, muene muala ue o jinganga ja kuata o ukunji, ni alangidi a mielu, ni jingimba; kífua mu kubhanga kienhiki, o inzo ia Nzambi ietu ki tu a-nda ku i ehelela.

Nehemiia 11:3

O atumini a tundile mu jisengu, kuiza mu ku kala mu Jeluzaleme, enhá: Maji mu jisanzala ja Juda-phe kala muthu ua kexile mu ixi iê ia tambuile, mu ʼsanzala jâ, kífua akua Izalaiele, ni jinganga, akua Leví, ni ateki a menha ni aẋangi a jihuinhi, ni anʼakua mbèle ia Solomá:

Nehemiia 12:24

A kexi-phe atumini mu akua Leví enhá: Hasabiia, Selabiia, ni Jesuua, monʼa Kadimiiele; anga o jiphange jâ a kala ku pholo iâ mu kuimba o diximanu ni kusakidila, kala kia tumine Davidi, o muthu ua Nzambi; anga a kala mu kudibhinganesa ni kuditambuijila mu kuimba.

Nehemiia 6:1

Anga ki bhita-phe dingi kuila, kia kʼivu Sambalate, ni Tobiia, ni Jeseme, dia mukua Alábia, ni jinguma jetu jamukuá joso, kuma kimbaka kioso nga ki tungu, o kuene kana-ku dingi musula ua xalela-ku, sumbala katé kithanganʼokio, o mielu ki tua i tele luua mabhitu.

Nehemiia 6:15

Kimbaka anga kibhua o ku ki tunga mu makuinhi atanu a izuua ni izuua iiadi ku mbeji ia elulu, kuila o mbeji ia kuata makuinhi aiadi a kizuua nʼitanu.

Nehemiia 6:19

Mbote jê ja kexi mu kubhanga eza jinga ue ku ngi tangela-ju, anga aia a mu tudila ue o ima i nga kexi mu kuzuela; uila kiki, Tobiia hé u suína ni kusoneka o mikanda ié ia ku ngi kuatesa o uoma.