Nehemiia 6:9 - O Mikanda Ikola

⁹ Mbata ene oso a kexi mu kusota ku tu kuatesa uoma, exi: Andu katulaku o maku mâ, anga kikalakalu a lémbua ku ki bhanga. Kiki-phe, eie u Nzambi, suinisa o maku mami.

Nehemiia 6:9 ပူးပေါင်းရင်းမြစ်များ

II Malunda 15:7

Maji-phe suinenu muene, makuʼenu ka botomoke; mukonda o kikalakalu kienu kiala ni futu iê.

II Malunda 32:18

Anga a di kola muene ni dízui dia suina mu mbimbi ia akua Juda mu kuondolola akua Jeluzaleme, ala ku thandu dia kimbaka, phala o ku a kuatesa uoma ni ku a bhekela kiteketela, mbebhu ene o mbonge a i tambule.

Ejidala 1:6

Ene oso a tungile mu jimbandu, a a kuatekesa ni imbamba ia phalata, ni ulu, ni jimbongo, ni ibhaku ni ima dingi ia te muene kiavulu; ima ia mukuá ia bhana ene ku vondadi iâ, ioio ki iala-mu.

Nehemiia 6:14

Eie Nzambi iami, ni Tobiia ni Sambalate, a te muẋima ku ima iii i a bhange, ni Nouadia ue, o polofeta ia muhatu, ni jiplofeta nʼakuá oso a sotele ku ngi kuatesa uoma.

Jisálamu 138:3

Kizuua ki nga dikola, eie uetaia kiá; ua ngi bhana dingi huii ku muẋima moxi.

Jisálamu 56:3

Mu kithangana kioso-kioso-phe ki ngiza o uoma, ngi dielela ku lengela ko kué, u Sukè-ku.

Jisálamu 68:35

Eie, Ngana Nzambi, u kuata uoma ku kididi kié kia isuma ku uala! Nzambi ia Izalaiele muene u bhana mundu uê o nguzu ni kutena. EʼDiebhe! diebhe! Ngana Nzambi!

Jisálamu 71:1

Ko kué, u Jihova, ku nga lengela; ku ngehele kukakuka, sonhi ni ji ngi kuate.

Izaía 40:29

Muene ubhana huiii kua ió uazôndo, o ua kambe nguzu u mu bhana kusuína kuia ni ku di bandekeza.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Jelemiia 38:4

Makota hé ambela sobha, exi: Muthu iú a fue, kuma muene mu ku bhanga kiki, uala kubhuidisa o maku ma athu a fuama kúlua ita a subhuka hanji mu mbonge mumu, ni maku ma kifuẋi kioso mu ku a zuelela maka a di fu kiki; mukonda o muthu iú kala mu sota kutululuka kua kifuẋi kiki, maji phulu ngó.

Izekiiele 30:24

O maku a sobha ia Babilonha nga kà a suinisa dingi, anga nga kà ta o xibhata iami bhu lukuaku luê; maji-phe, o Falaó nga kà mu bukujula o maku, hé ua kà kala mu ku kumba bhu pholo ia sobha ia Babilónha kala kiia ni ku kumba o muthu a mu tubula.

Zakadiia 10:12

Eme anga nga kà a suinisina mua Jihova, a kèndela jinga mu dijina diê, Jihova muene ua ki tange.

II Kolindo 12:9

Muène-phe ua ngambela uixi: O kiadi kiami ki ku sokesa-na-u. Kuma nguzu iami i beta kota mu kutena mu ku bhuila kué. Uila kiki-phe, nga sanguluka, kimuua ngi di fiiala o kubhuila kuami, phala nguzu ia Kristu i kale ni kutena momuʼami.

Efezo 3:16

eme ngala kubhinga kua Nzambi phala a mi bhane kala kia fuama mu jimbongo ja unéne uê, o kukala ni nguzu dingi iavulu ia Nzumbi iê ku muthu uenu moxi.

Efezo 6:10

Ki tualʼ iki-phe, suinenu mua Ngana, ni mu kutena kua nguzu iê.

Filipe 4:13

Ima ioso nga soko na-iu mua Kristu ió mukua ku ngi bhana o kutena.

Jihebeleu 12:12

Uila kiki, Zangulenu maku menu ma botomoka, mu suinise ue o inama ienu ia bhuila.

I Phetele 5:10

O Nzambi-phe ia kiadi kioso, ua mʼixana mua Kristu ku fuma iê ia kalelà-ku, ki mua kà zubha kathangana ka kutala hadi, muène-muene u mi tenesa, u mi kuatesa, u mi suinisa.

I Samuuele 30:6

Davidi anga u tata kiavulu, kuma mundu a tele maka a ku mu bûba ni matadi, mukonda muẋima ua mundu uoso uala ni malamba, kala muthu uala mu kuxinganeka anʼê a mala ni a ahatu. Maji Davidi-phe u di kolesa muẋima mua Jihova Nzambi iê.