Nehemiia 6:6 - O Mikanda Ikola

⁶ Mu mukanda muòsoneke, exi: Kia fumana muʼaxaxi ka athu a kʼivu, ni Jeseme ue ua ki zuela, kuma nʼeie ni akua Juda mua mu kana kubaluka, kiene ki mua mu tungila o kimbaka; exi ue dingi kuma eie uandala u di bhanga sobha iâ.

Nehemiia 6:6 ပူးပေါင်းရင်းမြစ်များ

Ejidala 4:12

Tuma ku kʼijiia, eie sobha, kuila jijudé ja tundu kokué, a bande kunu ia a tu sange etu mu Jeluzaleme. O mbonge ioio ia usuéia ni kuẋinuka, ene a mu i tunga dingi, imbaka iê a mu i tungulula ue, ni madisesa mê, a mu ma iudika dingi.

Ejidala 4:15

Nda u sote divulu dia malunda ma jitata jé, muenhomo-phe, i ua-nda kusanga-mu, sobha, ia-nda ku kuijidisa kuila mbonge ioio ia kuẋinuka tundé ukulu, iene mu ku bhekela uíndua ku jisobha ni jisengu, ni kuila mʼukulu mbonge ienhoio mua kexile muene kuximika; kiene kia bhangesele ku i sengulula, i ia bhuilè-ku kiá.

Nehemiia 2:19

Kia kivu Sambalate, mukua Holone, ni Tobiia, mukua mbele ku Amone, ni Ngeseme, mukua Alábia, a tu mona ulalu anga a tu bhanga kasekelelu, exi: Enu mua mu bhanga kima kiahi? Muandala mu kitukila sobha, kuambe?

Nehemiia 6:13

A mu bhana dikumba dia ku mu futila nʼa ngi kuatese uoma, ngiia ngi zubha ku ki bhanga, kia kubokona mu tembulu, ngala mu kituxi, ene nda a kala ni kia ku ngi fumanesa kiaiibha, kienhiki anga ene a mona kia ku ngi tatela na-kiu o milonga.

Nehemiia 6:5

Lua katanu Sambalate u ngi tumikisa kiá mubhikʼê ni mukanda ua jikuka ueza na-u bhu lukuaku luê.

Nehemiia 6:7

Eie ua tumikisa ni jipolofeta, nda a ku boke eie mu Jeluzaleme, exi: Iú muene sobha ia Juda. Hundu iii-phe, sobha ua-nda ku ivua; kala kiki, eie-phe izá kindala tu di kunde kumoxi.

Jelemiia 20:10

Mukonda nga mu kuívua ki ala kulongolola o mundu, o ku mbandu joso ku kuata uoma, exi: Tu ambelienu-kiu etu tua kà mu tungunune; katé ni iá u nga di bhana-nâ ala ku kinga o kubhendujuka kuami, exi sumba u kala ni bhua tolokela; bhene-phe kiá bhu tua-nda ku mu kuatela, tu mu bhuile mabhukubhuku.

Matesu 5:11

Mua zediua enu, kia mi xinga, kia mi zukutisa, kia mi âmba ima iaibha iavulu ia makutu, mukonda diami eme.

Luka 23:2

O kuenhoko anga a kuata ku mu tatela, exi: Muthu iú tua mu kuata ni kufunhisa o kifuẋi kia mundu uetu. Uala ku fudisa athu kubhana lubhaku lua Sézalu, uixi: Eme-muène ngi Kristu, ngi muenexi.

Nzuá 19:13

Pilatu kievu kiki, u tundisa Jezú bhu kanga, anga u xikama ku kialu kia kufundisila, bhu kididi a kʼixana exi Luua ia matadi, (o mu dimi dia Hebeleu, exi Ngabata.)

Loma 3:8

Ki tuidila-hi tuixi; Tu bhangienu iaiibha, mbé mu iaiibha hinu mu tunde iambote? Ni kidize, amoxi-mu ene ku ngi tatela kuila kiene muene ki nga mu zuelʼ okio. Enʼió-phe o kuêla kuâ hádia kuà kala kua kidi muene.

II Kolindo 6:8

Tu tambula ujitu, ni ku tu kambesa ujitu, mu ku tu lebhula, ni ku tu ximana. A tu bhanga kala tu akua makutu manhi tu akua kuzuela kidi;

I Phetele 3:16

Maji mu ki bhanga jinga ni kubelesela, ni uôma. Mu kale ni kitongoluelu kiazele kia mbote. Phala o ima iene ku mi tatelʼ oio, jisonhi hinu ja a kuate oso a lebhula o uendelu uenu ua mbote mua Kristu.