Nehemiia 6:2 - O Mikanda Ikola

² Sambalate ni Jeseme a tuma ku ngi tangela, exi: Izá, tu takane kumoxi mu tusanzala, mu honga ia Ono phala tu di kunde hanji. Ene-phe a kanene ku ngi bhanga kiaiibha.

Nehemiia 6:2 ပူးပေါင်းရင်းမြစ်များ

II Samuuele 20:9

Jouabe anga uambela Amasa, uixi: Uala kiambote phangʼiami? Jouabe anga u kuata Amasa ku muezu ni lukuaku lua kúdia, mu ku mu bhana beju.

II Samuuele 3:27

Abinele-phe kia zubha ku vutuka bhu Hebolone, Jouabe u takananê bhu muelu ua kimbaka, anga u abhuka-nê bhu mbandu, kala phala kuzuela-nê maka bhu ubheka, bhenhobho anga u mu toma iene ia jimbanji, u fuila bhobho, mukonda dia ku mu vutuila o phonzo ia manhinga ma Azaiele ndengʼiê.

I Malunda 8:12

O ana a Elipahale enhá: Ebele, ni Misame, ni Samede. O muenhú muene uatungisa Ono ni Lode ni ididi ioso ia tusanzala tua utuminu uê.

Nehemiia 11:35

ni mu Lode, ni mu Ono, mu honga ia dikôlo dia akua ufunu.

Nehemiia 3:22

A mu kaiela muene mu kuiudika o jinganga ja tungile dinhana dia Njolodá.

Nehemiia 6:3

Eme-phe anga ngʼa tumikisa jiphunga, ngixi: Nga mu bhanga kikalakalu kia dikota, ki ngi tena ku kulumuka; ngi xia kiebhi o kikalakalu kiemana, eme hé ngʼiami mu kutakana ni enu?

Jisálamu 12:2

Kala muthu u tanga makutu kua mukuá; mizumbu iâ ia kutobhesa ngó akuʼá; a zuela ni miẋima iiadi.

Jisálamu 37:12

Mukua phulu u kanena ió mukua kidi; u mu kokotela muene ku mazu.

Jisálamu 37:32

Ua bhukumuka u batamena iú uaiuka, u sota muene ndunge ia ku mu jibha.

Ndongixi 4:4

Inda nga mono ue kuma o kukalakala kuoso ni kusakalala o maku mu ibhangelu, kuene ku bhekela ku muthu o luimbi lua mukuá uoso a zukama-nê. Kuma kienhiki ue kingoho ni lamba dia muẋima.

Jelemiia 41:2

Anga Ijimaiele, monʼa Netaniia, u balumuka, kumoxi ni kuinhi diê dia muthu dia kexi na-diu, anga a kuama Jedaliia, monʼa Haikane, monʼa Safane, ni xibhata, kienhiki anga a jibha ió a mu tele ku ukota ua xi, kuala sobha ia Babilonha.

Izekiiele 33:31

Ene anga eza kokué, kala o mundu ki uejidila kiá o kuiza, hé a xikama bhu pholo ié-eie, kala mundu uami, anga evua muene o maka oso u uà tela, maji ka xikina kuia ni ku a bhanga; mukonda a bhomba ni dikanu diâ, maji o muẋima uâ uala ku kaiela o unjenje uâ.