Nehemiia 6:16 - O Mikanda Ikola

¹⁶ Anga ki bhita kuma, o jinguma jetu joso, ki a kʼivu, uoma u a kuata, matumbu oso muene a tu kondolokele mu jimbandu, anga a bhuila ku mixima iâ-ene muene; mbata a tetuluka kuma Nzambi ietu muene ua bhange o kikalakalu kiki.

Nehemiia 6:16 ပူးပေါင်းရင်းမြစ်များ

Nehemiia 2:10

Sambalate, mukua Holone ni Tobiia, mukua mbele ku Amone, ki a ibhila muene kiavulu kuívua kuila kueza muthu mu kusota mbote ia anʼa Izalaiele.

Nehemiia 4:1

Anga ki bhita-phe kuila, kia kʼivu Sambalate, kuma etu o kutunga kua kuata muene, u fuluka ni njinda, anga u thathamana kiavulu muene; anga u kuata kuxinga akua Juda.

Nehemiia 4:7

Anga ki bhita-phe kuma, kia kʼivu Sambalate ni Tobiia, ni akua Alábia, ni akua Amone, ni akua Ajidode, kuila o imbaka ia Jeluzaleme ia suína ni ku i iudika, o misula a mateka ku i xita kiá, a thathamana kiavulu.

Nehemiia 6:17

Mu izuuʼomo-phe ue, jingana jimoxi-mu ja Juda, a soneka jinga mikanda iavulu, i a kexi mu tumikisa kua Tobiia; ni mikanda ue iavulu ia Tobiia ia kexi mu kuiza kó kuâ-ene.

Jisálamu 109:27

Mbé a ki mone kuma lukuaku lué luene lua kalakala; nʼa kʼijiie kuma eie u Jihova ua ki bhange.

Jisálamu 126:2

Mu kanu bhenhobho mua tu izala ni jingolela, dimi di kuata mu kuimba; katé ni mu matumbu a ki ambe, exi: Athu iá Jihova ua a bhange ima ia madiuanu!

Jisálamu 129:5

Ene oso a zembe Ziione, a a kuatese jisonhi; a a bhese lusolo, a vutuke kua tundu.

Jisálamu 147:2

Jihova u tungisa dingi Jeluzaleme; hé u bhongolola akua Izalaiele a di muangene.

Makatukilu 14:25

Anga u mbonjomona o malola ku makalu mâ, katé aia ni ku a kukila bhoxi, akua Ijitu anga a zuela, exi: Tu lengienu o pholo ia Izalaiele; kuma Jihova uala ku a bhangela, iú u a mu bhondeleka akua Ijitu.

Jelemiia 33:9

Mbonge iii ia kà kituka dijina diami dia kusanguluka, ni diximanu, ni fuma, mu kaxi ka miji ioso kulu-dia-mundu, oso evua mbote ioso ni kutululuka kuoso ku nganda ku mu bhana.

Dialuilu 23:23

Kua Jakobo uanga ki u tena-ku! Kua Izalaiele né a zambula, lémbue! Mu tumbula Jakobo ni Izalaiele, ela muene: Nzambi kukalakala kuahi!

Jipoxolo 5:38

Kala kiki-phe, nga mi ambela: Ambudisenu mala kiiadi iá, kana ku a bhanga kima. Ehenu-u, aiâ. Kuma o kulonga kueniuku, mba o kukalakalʼ uku, se kua tundu ku athu, hinu ku di bhuila.

Josuué 2:11

Tuedi tuívua ngó ima ioso iii, miẋima ia tu botomoka, kana-ku dingi diiala u tena kukola muxima bhu pholo ienu; kuma Jihova Nzambi ienu, muene Nzambi ni ku diulu ku thandu, ni mu ngongo bhoxi.

Josuué 2:9

anga u ambela mala, uixi: Eme ngejiia kuma, Jihova ua mi bhana muene ixi ienhiʼii, tua bhuuama kiá ni uoma uenu, akuaʼxi ene oso a botomoka bhu pholo ienu.

Josuué 5:1

Mu kubhanga izuua, jisobha joso ja Mamodi ku sámbua dia Njolodá ku luiji ni jisobha ja ákua Kanana, a zukama ku kalunga, kia zubha kuívua kioso Jihova kia kukutisa menha a Njolodá bhu pholo ia anʼa Izalaiele, katé ki tua zaúka kiambote, miẋima iâ ia botomoka, uiala ki u moneka dingi ua kubhânga ni anʼa Izalaiele.