Nehemiia 6:13 - O Mikanda Ikola

¹³ A mu bhana dikumba dia ku mu futila nʼa ngi kuatese uoma, ngiia ngi zubha ku ki bhanga, kia kubokona mu tembulu, ngala mu kituxi, ene nda a kala ni kia ku ngi fumanesa kiaiibha, kienhiki anga ene a mona kia ku ngi tatela na-kiu o milonga.

Nehemiia 6:13 ပူးပေါင်းရင်းမြစ်များ

Nehemiia 6:12

Anga ngi tetuluka kuma ki Nzambi ua mu tumu; muzambu uê ua ku ngi bhanga phulu, mbata ni Tobiia ni Sambalate ene a mu futile.

Nehemiia 6:6

Mu mukanda muòsoneke, exi: Kia fumana muʼaxaxi ka athu a kʼivu, ni Jeseme ue ua ki zuela, kuma nʼeie ni akua Juda mua mu kana kubaluka, kiene ki mua mu tungila o kimbaka; exi ue dingi kuma eie uandala u di bhanga sobha iâ.

Jisabhu 22:1

Kota kukala ni dijina dia uabha o fenge, kuindi o kusola nzungule ia jimbongo; muthu o ku ku ximana ue kota, kuindi kúvua o umvuama ua phalata ni ulu.

Jisabhu 29:5

Muthu uoso u kuata kuhanza mukuâ, phala ngó ku mu kuata kafua-pholo, kiókio ua mu zalela uanda mu njila.

Ndongixi 7:1

Kota o kufumana kiambote ni uthu, kuindi unguendu ua uabha o dizumba; o kizuua ue kia kúfua kota, o kia kuvuala muthu ndenge.

Izaía 51:7

Enu, muejiia kioso ki kala o kuiuka, ngʼivienu, enu mu athu mua zalela o ngonge iami mu miẋima ienu; o kizembu kia mundu ki ki mi kuate uoma, o kia mi xinga, ki mu a suue.

Izaía 57:11

Mukuahi ua ku kuatele uôma mba hele? Kia ku bhekela ku-ta o makutu, nʼukambe ku ngi lembalala, né ngó ku ngi ta mu muẋima ué? O kudixibha kuami tundé okulu, kiene-ze ki ua kambela ku ngi xila, ki kiene?

Jelemiia 1:17

Eie-phe ndoko u di kute phonda mu mbunda, nda u balumuke u a tangele ioso i ngi ku tuma: kana ngó ku kala ni kekenha bhu pholo iâ, kuma eme nga kà bhangesa kuila eie kukala ni uoma bhu pholo iâ.

Jelemiia 18:18

Bhenhobho ene exi; Izenu tu di kunde kioso ki tu bhanga mu kununguna Jelemiia; kuma-phe o ngonge ia nganga mba kaiula ka ngambi, mba kizuelu kia musesedi ki iene kufula: izenu tu mu kuame ni dimi, maka mê oso-oso, kana dingi kua evua.

Jelemiia 20:10

Mukonda nga mu kuívua ki ala kulongolola o mundu, o ku mbandu joso ku kuata uoma, exi: Tu ambelienu-kiu etu tua kà mu tungunune; katé ni iá u nga di bhana-nâ ala ku kinga o kubhendujuka kuami, exi sumba u kala ni bhua tolokela; bhene-phe kiá bhu tua-nda ku mu kuatela, tu mu bhuile mabhukubhuku.

Izekiiele 2:6

Eie-phe, u monʼa muthu, kana ku a kuatela uôma, mba u kala ni uôma ua ioso ia zuela; né-mbe hanji o izuelu iâ i di-bhanga muxitu ua minha ni jisongo phala eie, eie anga u tunga ni jimvuanga, kana kukala ni uôma ua izuelu iâ, mba u teketa ki u mona o jipholo jâ, kuma ene ala dibhata dia ẋinuka.

Matesu 10:28

Ki mu kale ni uôma ua iá a jibha ngó o mukutu, maji o muenhu ka u tena ku u tambula. Inda Nzambi mu kuatedienu uôma, kuma ió uasoko-bho kubuikisa ni muenhu ni mukutu mu ifernu.

Matesu 22:15

Jifalizeu anga jiia, ji di longesa kioso kia mu kuatela mu kuzuela kuê.

Matesu 26:59

Kiki jinganga ja makota, ni ene oso kiá bhu kionge, a sota umbangi ua makutu ua kuêlesa Jezú ni a mu jibhe,

Jipoxolo 6:13

Anga a sota athu phala ku mu tatela, hé a tubhula jimbangi ja makutu, exi; Ialʼú ua jijila kuta maka ma kuẋonguena kididʼ iki kiangene, (o Tembulu ietu ikôla) ni Kitumu kia Mozé.

II Kolindo 11:12

Kioso-phe ki nga bhange, kiene hanji ki ngi bhanga jinga, phala o Jipoxolo jeniojo, nga a katule o kudihanza, kua kuila kuma a mu bhanga kikalakalu kia soko ni kietu.

I Timote 5:14

Mukonda dia kiki, nginda-phe atudi oso kiluua a kuka, a sakane, a kale ni ana, ongeke mabhata mâ, phala o nguma jetu ka a bhane bhuma bhua tu tela môndo ni ku tu zuela kiaiibha.

II Timote 1:7

Kuma o Nzumbi ia Nzambi ka tu bhana muẋima ua kuteketa. Maji o Nzumbi ua tu izalesa ni undanda, ni henda, ni muẋima ua kusunga kilunji.

Tito 2:8

Maka mé, ma kale ma mbote, ka tena ku mʼêla, phala ió uoso u-lua phata, sonhi ji mu kuate, kuma ka tu mono ni kima kioso ki a tena ku tu âmba.

Tiiaku 4:17

Uila kiki, muthu uoso uejiia o kubhanga mbote, nʼa kambe ku i bhanga, kiene o kituxi kiê.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.