Nehemiia 6:1 - O Mikanda Ikola

¹ Anga ki bhita-phe dingi kuila, kia kʼivu Sambalate, ni Tobiia, ni Jeseme, dia mukua Alábia, ni jinguma jetu jamukuá joso, kuma kimbaka kioso nga ki tungu, o kuene kana-ku dingi musula ua xalela-ku, sumbala katé kithanganʼokio, o mielu ki tua i tele luua mabhitu.

Nehemiia 6:1 ပူးပေါင်းရင်းမြစ်များ

Nehemiia 13:4

Katungu kaka kuila kiluua ka bhita, nganga, Eiiiasibe, ua kexi mu tumina mu xilu dia inzo ia Nzambi ietu, ua tele undandu ni Tobiia;

Nehemiia 2:10

Sambalate, mukua Holone ni Tobiia, mukua mbele ku Amone, ki a ibhila muene kiavulu kuívua kuila kueza muthu mu kusota mbote ia anʼa Izalaiele.

Nehemiia 2:19

Kia kivu Sambalate, mukua Holone, ni Tobiia, mukua mbele ku Amone, ni Ngeseme, mukua Alábia, a tu mona ulalu anga a tu bhanga kasekelelu, exi: Enu mua mu bhanga kima kiahi? Muandala mu kitukila sobha, kuambe?

Nehemiia 3:1

Anga nganga ia dikota, Eiiiasibe u balumuka, ni muene ni phange jê, o jinganga, anga a tunga o Muelu ua Jimbudi, a u lumbila, anga a u ta o mabhitu mê; a lumbila katé ni mbonge ia Meiah, ni mbonge ia kathondo, Hananele.

Nehemiia 3:3

Anʼa Senaha anga a tunga uâ o Muelu ua Mbiji, a uimika miẋi, anga a u ta mabhitu mê ni makumba mê ni milangaji iê.

Nehemiia 3:6

Anga Joiada, monʼa Peseia, ni Mesulame, monʼa Besudiia, a iudika o Muelu Uokulu; a uimika miẋi, anga a u ta o mabhitu mê ni makumba mê ni milangaji iê.

Nehemiia 4:1

Anga ki bhita-phe kuila, kia kʼivu Sambalate, kuma etu o kutunga kua kuata muene, u fuluka ni njinda, anga u thathamana kiavulu muene; anga u kuata kuxinga akua Juda.

Nehemiia 7:1

Anga ki bhita dingi kuila, kioso kimbaka kia zubha o ku ki tunga, eme ue nga zubha kiá kuta-ku o mabhitu; anga a sola alangidi a mielu ni jingimba akua kuimba ni akua Levi;

Daniiele 9:25

Eie tuma-phe ku kʼijiia: tunde bhu tubhukila o ngonge phala kubhetula dingi Jeluzaleme ni ku mu tunga, katé bhua kéjiia Mexiia, o Mʼona Ngana, bhuala sambuadi dia semana, ni makuinhi asamanu ni kiiadi kia jisemana; a kà tunga dingi o jinzunga ni imbaka, maji a kà ji tungila mu thembu ia hadi ni mbùnda.