Nehemiia 5:9 - O Mikanda Ikola

⁹ Ngixi dingi: Ki mua mu bhanga kima kiambote! Kífua ki mua fuamene kuenda mu uoma ua Nzambi, mbé kuiengesa ku tu lebhula kuala jinguma jetu, o matumbu?

Nehemiia 5:9 ပူးပေါင်းရင်းမြစ်များ

Dimatekenu 20:11

Mbalahamu uixi: Mukonda nga fika ngixi bhu kididi kiki o uoma ua Nzambi kala na-u; ngixi-phe a-nda ku ngi jibha mukonda dia mukajiʼami.

Dimatekenu 42:18

Zuze anga u a tangela, kizuua kia katatu, uixi: Bhangenu kienhiki, phala mu laie; kuma ngi mukua uoma ua Nzambi.

II Samuuele 12:14

Suke kiene, maji mukonda-phe kima ki ua bhangʼiki, kia suinisa jinguma mu tanga kiaiibha kua Jihova, o mona ua mu vuala ua-nda kúfua muene, sé kufula,

Nehemiia 4:4

Ivua-ze, eie u Nzambi ietu, ki a kuata ku tu tènda, o kulebhula kuâ kua tu lebhula na-ku, ku lundumukine mu mútue uâ, hé u bhangese ene ku di bhanga mbole, mu ixi mu a-nda ku a sumbisa ku ubhika.

Nehemiia 5:10

Eme uami, uixi o jiphange jami ni minzangala iami, mu kubhana makongo a kuvualesa kitadi tua bhana kitadi ni tiliku. Maji tuehienu kiá o uenji iú.

Nehemiia 5:15

Nguvulu ja dianga-phe, ja ngi diangelele eme, a kexi mu tatesa kifuxi, ni ku a tambula kúdia ni vinhu, anga ku thandu diê, a ta-ku ku futa makuinhiʼauana a xikulu ia itadi ia phalata; o minzangala iâ hanji ue a kuata kubhikisa o kifuxi; maji eme-phe ki kiene ki nga bhange, mukonda dia kuxila Nzambi.

Jisálamu 90:11

Nanhi-phe ua te muẋima mu kuijiia kuila njinda ié i nema? o kuluuala kué nʼa ku kala ni uôma kala kia tokala?

Jisabhu 16:29

Kingualulu u zela mukuá, anga u mu bheka mu njila iaiibha.

Jisabhu 17:26

Muthu ua mbote, o ku mu bhanga kiaiibha, kikôla! O jingana ue ki kia a fuama kuhohesa muthu u bhanga kia iuka, mukonda dia kuiuka kuê.

Jisabhu 18:5

Ki kiauabha o kusuua kisuéia mu kufunda milonga, phala ku kundula o muthu ua iuka.

Jisabhu 19:2

O uximba-phe ue, ua kukamba o unjimu ku muẋima, ua iibha; o mukua ku sakamesa inama iê ni kuenda, ka nange kuzanga.

Jisabhu 24:23

Jiji ue jene o jisabhu ja jingijiie; exi: O kukala ni katungu ka athu bhu kibhuna kia kufundisa milonga, koko kuzanga.

Izekiiele 36:20

O kia zubha kubhiẋila ku miji kua di texila, o dijina diami di kôla a di kasanesa, mbata a kexi mu ku a zuela, exi: O iá ene o mundu ua Jihova, o mu ixi iâ a tundu-mu.

Ijila 25:36

Kana ku mu tambula avásu, ku sote ue ku di bhangela umoni ku mukutu uê-muene; inda kala ni uoma ua Nzambi ié, phale phangʼié ukadié-nê bhuamoxi.

Jipoxolo 9:31

Uila kiki o Ngeleja mu Judeia, ni mu Ngalileia, ni mu Samádia, anga i kala ku paze, i di tunga; i enda mu uôma ua Ngana, ni mu kutululuka kua Nzumbi Ikôla, anga i sokoloka.

Loma 2:24

Kala kia ki soneka mu Mikanda Ikôla, exi: Mukonda dienu, enu mu Jijudé, o dijina dia Nzambi a di xingi muʼaxaxe ka matumbu.

I Timote 5:14

Mukonda dia kiki, nginda-phe atudi oso kiluua a kuka, a sakane, a kale ni ana, ongeke mabhata mâ, phala o nguma jetu ka a bhane bhuma bhua tu tela môndo ni ku tu zuela kiaiibha.

Tito 2:5

Mbé a di longe ue kukuata kilunji, ni ku di bhaka ni kuzela. A kale ahatu ambote, akalakadi ku mabhata, alenduka, ni ku di tuma kiambote ni anumeʼâ, phala kana kuxingisa o Maka ma Nzambi.

I Phetele 2:12

Kalenu ni uendelu uenu uafuama, muʼaxaxi ka akua jixi jengi a kambe kuijiia Nzambi phala kioso kia a mi âmba, exi mua mu bhanga kiaiibha, mu kumona dingi o ikalakalu ienu iambote, hinu a kala mu ximana Nzambi, mu kizuua kiê kia ku a zungila.

I Samuuele 2:24

Kana tata, anʼami! Fuma iii i ngala ku mʼivua na-iu ki ia uabha; mundu uangene ua Jihova muala ku a tondalesa.