Nehemiia 4:6 - O Mikanda Ikola

⁶ Kienhiki tu kuata kutunga o kimbaka, anga ki takana kiene kioso katé kaxaxi kê; mukonda muẋima ua kifuxi ua bhetamena o kukalakala.

Nehemiia 4:6 ပူးပေါင်းရင်းမြစ်များ

I Malunda 29:14

Mukonda eme-eme nanhi, o mundu uami ue à nanhi, ni tu kale ni kutena kua ku ku bhana ni vondadi o ima ia difu kiki? Mukonda o ima ioso i tunda kokué, etu ue tua i bhana bhu lukuaku luê.

I Malunda 29:3

O ku mbandu iami ememuène, mu vondadi iami, phala inzo ia Nzambi iami, nga bhana o ulu ni phalata, i ngala na-iu ia ndumba, katu-ku o ima ioso i nga iudika kiá phala o inzo ikóla ia dibhezelu.

II Malunda 29:36

Ánga Ezekiia ni kifuẋi kioso a sanguluka mukonda o Nzambi muene-muène ua bhangesa o kifuxi kiê o ku di iudika kiambote, mbata o kikalakalu kiki a ki bhange lusolo.

Nehemiia 4:5

Kikuma kiâ ku ki vungine, o kituxi kiâ ku ki jimune bhu pholo ié, mbata ene a ku kuatesa njinda bhu pholo ia akua kutunga.

Nehemiia 4:7

Anga ki bhita-phe kuma, kia kʼivu Sambalate ni Tobiia, ni akua Alábia, ni akua Amone, ni akua Ajidode, kuila o imbaka ia Jeluzaleme ia suína ni ku i iudika, o misula a mateka ku i xita kiá, a thathamana kiavulu.

Nehemiia 6:15

Kimbaka anga kibhua o ku ki tunga mu makuinhi atanu a izuua ni izuua iiadi ku mbeji ia elulu, kuila o mbeji ia kuata makuinhi aiadi a kizuua nʼitanu.

Jisálamu 110:3

Makuenze mé ma kà di bheka muene mu vondadi iâ, bhu kizuua ki u katula o kilômbo; ni kukemba kuazele, anʼé a kà tomboloka kala dimume dia lelu mu kimene.

Jisálamu 122:3

Jeluzaleme, ua tungiua kiambote; mbanza iê iòtunge ni uhete,

Ajeu 1:14

Jihova anga u phaphumuna o muẋima ua Zolobabele monʼa Selatiiele, nguvulu ia Juda, ni muẋima ua Josuué, monʼa Jozadake, nganga ia dikota, ni muẋima ua mundu uoso, anga eza a kalakala ku inzu ia Jihova dia Ifuẋi, Nzambi iâ.

Filipe 2:13

Kuma Nzambi muène u kalakala moxi dienu, mu ku mi solesa ni ku mi bhangesa kutumaka kioso kia mu kala mu vondadi iê iambote.

Jihebeleu 13:21

O Nzambi ia paze a mi bhane ioso ia uabha i mua bhindamena phala mu tene kubhanga o vondadi iê. O muène, mukonda dia Ngana Jezú Kristu, a bhange ioso ia mu uabhela mu miẋima ietu. O Kristu a mu fumanese kuoso, tunde kiki, katé ku hádia ni hádia. Amén.