Nehemiia 4:23 - O Mikanda Ikola

²³ Anga tuila nʼeme, ni jiphange jami, ni minzangala iami, ni mala a kexi ku ngi kaiela ni ku ngi langidila kana muthu u zula kizuatu kiê ku mukutu; o kuia mu teka menha muthu uambata mata mê.

Nehemiia 4:23 ပူးပေါင်းရင်းမြစ်များ

Nehemiia 4:22

Mu kithanganʼomo ue ngi tangela o kifuxi, ngixi: Muila jinga o muthu ni munzangala uê, mu kala jinga mu zekela mumu mu Jeluzaleme, sembele mʼusuku uoso mu tu langidila hanji, mu muanha mu kuata ku kikalakalu.

Nehemiia 5:1

Kudikola-phe anga kuvula kua mala ni akajʼâ, mukonda dia jiphange jâ, akua Juda.

Nehemiia 5:16

Inda mu kukalakala o kimbaka nga iudika-ku uami; nʼeme ni minzangala iami ioso, kana ixi ioso-ioso, i tua sumbu; o minzangala iami iene ioso muene a kalakala ku lumbu.

Nehemiia 7:2

eme anga ngi xinda, phangʼiami Hanane, ni Hananiia, dikota dia mbonge, ngixi a kale ku pholo mu Jeluzaleme, mukonda dia muene kukala diiala dia uthu ni ujitu, mukua uoma ua Nzambi, akuá avulu dingi ndenge.

Jouele 2:8

U phopheka phangʼiê ku mu mono; muthu ni muthu mu kanjila kê; a kà di takuila ku xibhata imoxi hé a kà bula njila mu kaxi ka ita maji ku di kuama lémbue.

I Kolindo 15:10

Maji dioso o ditala-phe di ngeza, nga di bhixila mu kiadi kia Nzambi, o kiadi kiê kia ngʼ idikiza ki kiaii ngó. Inda o jipoxolo ene oso nga a tundu mu kukalakala. Ki ngambe ue ngixi o kikalakalu kiosuʼ iki eme ngó nga ki bhange, maji o kiadi kia Nzambi kiene kia ngi bande.

Afundixi 5:11

Tangenu-kiu bhua kondama, kolenu o kikoue kia Jihova tangenu-kiu bhu matabhu bhuene mu tekela o menha, bhuene bhua kà tela o maka ma uzonda ua Jihova, mu kubhângela mabhata mê ma Izalaiele; mundu ua Jihova ua bhongoloka dingi, emba o kikoue kia Jihova bhu mielu ia imbaka!

Afundixi 9:48

Abimeleke anga u banda bhu thala ia mulundu ua Zalamone, ni muene ni mundu uoso aia-nê. Abimeleke muene uambata kisesu bhu maku, anga u ximba kisasa kia muẋi mu ditutu, u u zangula, u u ta bhu kisuxi kiê; anga u ambela mundu uoso uala-nê kumoxi, uixi: Lengulukenu! Kioso ki mua ngi mono eme kubhanga, enu uenu kiene ki mu bhanga.