Nehemiia 4:2 - O Mikanda Ikola

² Anga u zuela bhu pholo ia phange jê ni ia kilômbo kia masoladi a Samádia, uixi: Kima kiahi kia mu bhanga o asonde a akua Juda iâ? A-nda ku a ehela-ku muene? A-ndu tena muene kusatela? O kikalakalu a-ndu ki zubha mu kizuua kimoxi ngoho? O matadi mʼoha mu túbhia, a-nda balumuka dingi nʼeza ni muenhu ku maxita ma uthôkua?

Nehemiia 4:2 ပူးပေါင်းရင်းမြစ်များ

Ejidala 4:4

Kienhokio-phe kiá, akuaʼxi aia ni ku bhangesa akua Juda kubotomoka o maku mu kutunga, mbata ka ehela dingi kutululuka kioso kia kala mu kutunga.

Nehemiia 12:27

O mu kulumbila imbaka anga a sota akua Levi a kexile mu ididi ioso, nda eze-nâ mu kulumbila o imbaka ni kusanguluka, ni kuximana, ni kuimba, ni kuxika tungoma, ni tukoxi, ni jimbánza.

Nehemiia 12:43

Mu kizuuʼokio anga a bhakula jisata ja makota, hé a kala ni kusanguluka; mukonda Nzambi ua a sangulukisile ni kusanguluka kua ndumba; katé ni ahatu ni anandenge a sanguluka, kia bhangesa kuila o kusanguluka kua Jeluzaleme a kuívua katé ni ku makanga.

Nehemiia 4:10

Bhenhobho akua Juda, exi: Jingamba ja iokojoka kiá, ni fufutila iene iavulu, etu kimbaka ki tua-ndu tena ku ki tunga.

Nehemiia 6:15

Kimbaka anga kibhua o ku ki tunga mu makuinhi atanu a izuua ni izuua iiadi ku mbeji ia elulu, kuila o mbeji ia kuata makuinhi aiadi a kizuua nʼitanu.

Jisálamu 83:4

Exi: Zenu! Tuienu tua kà a buidise, phala ka kale dingi muiji; o dijina dia Izalaiele di bhue-ku kulu dia mundu.

Jelemiia 26:18

Mikeia dia mukua Molaxita ua zambuile mu izuua ia Ezekiia, sobha ia Juda, anga u tangela mundu uoso ua Juda, uixi: Jihova dia Ifuẋi uambe kiki: Ziione a kà mu dima kala mukáu, Jeluzaleme ua kà kituka ndunji ja matadi, o ditala dia inzu iii dia kà di bhanga kala dilundu mu ditutu.

Jelemiia 33:24

Eie kuene mu mona kiene mu zuela mundu iú, exi: Miji i iadi ia solele Jihova, kiki ua iehelela? Anga a sebulula athuʼami kala nuka a kexile athu bhu pholo iâ.

Daniiele 9:25

Eie tuma-phe ku kʼijiia: tunde bhu tubhukila o ngonge phala kubhetula dingi Jeluzaleme ni ku mu tunga, katé bhua kéjiia Mexiia, o Mʼona Ngana, bhuala sambuadi dia semana, ni makuinhi asamanu ni kiiadi kia jisemana; a kà tunga dingi o jinzunga ni imbaka, maji a kà ji tungila mu thembu ia hadi ni mbùnda.

Habakuke 3:2

Jihova ngevu, maka mé mu uazuela, o uoma iu ua ngi kuata! Kikalakalu kié u Jihova, bhana-kiu dingi muenhu ku mivu ioso, o i uazuela enda ni ku i ijidisa dingi ku mivu ni mivu; kioso ki u thathamana jinga lembalala, Ngana, o kulenduka kué!

Zakadiia 12:8

Bhu kumbiʼodio Jihova ua kà ongeka iá a tunga mu Jeluzaleme; o uoso ua tolo nguzu mu kaxi kâ, bhu kumbi dieneʼodio ua kà kala mukua ni Davidi; o dibhata dia Davidi dia kèla kala Nzambi, mukuá ni anju ia Jihova bhu pholo iâ.

Zakadiia 4:10

Mukonda, nahi muene u sebulula o kizuua kia dimatekenu dia tuma tua tolo. Mbata enʼió a kà sanguluka mu ku mona o pulumu bhu lukuaku lua Zolobabele; o sambuadi dia mesu diodio, diene o sambuadi dia mesu a Jihova ene mu ku tonginina mu ngongo ioso.

I Kolindo 1:27

Maji o Nzambi-phe ua soluʼê kiokio kia mu kuixana o mundu mu ngongʼ umu kuila uoua, phala kukuatesa na-kiu jisonhi ku athu oso ala jinjimu. Phala ue kukuatesa o jisonhi ku mazonda, Nzambi ua soloʼê kiokio athu mu ngongo kia mono kuila kubhuila.