Nehemiia 4:17 - O Mikanda Ikola

¹⁷ Mu kutanga akua kutunga kimbaka, ni jingamba ambata jinga o imbamba, ni akua ku i zangula, ela jinga kala muthu lukuaku lua kuata ku kikalakalu, o luamukuá lua kuata mata a kubhânga na-u.

Nehemiia 4:17 ပူးပေါင်းရင်းမြစ်များ

Nehemiia 4:13

Eme-phe anga ngi ta alangidi a suama bhoxi ku dima dia kimbaka ni ku matala bhulu; anga o kifuxi nga a uana-uana mu mabhata-mabhata a maneka ni mikuale iâ, ni ngumba jâ, ni honji jâ.

Nehemiia 4:16

Anga ki bhita ue kuila, tunde kiá bhu kizuuʼokio katé ku pholo kunu, ngiia kaxaxi ka minzangala iami a kuata ku kikalakalu, kaxaxi kamukuá a kala ni jingumba bhu maku, ni jingubu, ni jihonji, ni ibhakatu; anga atumini a kala jinga ku dima dia dibhata dioso dia Juda.

Nehemiia 4:18

O jipedelelu akua kutunga eza jinga a maneka kala muthu ni mukuale uê mu mbunda, anga a kuata o kutunga kienhiki; o muxiki a mbungu u kala nʼeme bhu mbandu.

Jisálamu 149:6

Jithathe ja kuximana jinga Nzambi ji kale bhu xingu iâ, o xibhata ia mazu aiadi a i kuate jinge bhu maku;

Mukumbi ua Mikumbi 3:8

ene oso a bhakata jixibhata, jimbâmba ja kúlua mu ita; edi muthu ni xibhata iê mu mbunda, muthu ni xibhata iê mu mbunda, mukonda dia ima i kuatesa uoma mu usuku.

Daniiele 9:25

Eie tuma-phe ku kʼijiia: tunde bhu tubhukila o ngonge phala kubhetula dingi Jeluzaleme ni ku mu tunga, katé bhua kéjiia Mexiia, o Mʼona Ngana, bhuala sambuadi dia semana, ni makuinhi asamanu ni kiiadi kia jisemana; a kà tunga dingi o jinzunga ni imbaka, maji a kà ji tungila mu thembu ia hadi ni mbùnda.

Jouele 2:8

U phopheka phangʼiê ku mu mono; muthu ni muthu mu kanjila kê; a kà di takuila ku xibhata imoxi hé a kà bula njila mu kaxi ka ita maji ku di kuama lémbue.

I Kolindo 16:13

Di langienu, mu di fikidile mu kuxikana. Bhangenu ukuenze, mu suine.

I Kolindo 16:9

Kuma kunu nga sange-ku kua ngi jikukila muelu ua dikota, ua nguzu ua kubhanga kikalakalu kiambote, suke o jinguma ue ja vulu-ku.

I Kolindo 9:12

Se ku kala akuetu ala ni ukota uenʼiú ua kukinga o ima iambote kokuenu, etu kifua ki tu beta kota? Sumbala-phe ukota uenʼ iú etu na-u, maji ki tu solo ku ki bhanga. Inda ima ioso tua soko na-iu, mbebhu o Njimbu Iambote ia Kristu kana ku i fudisa.

II Kolindo 6:7

ni mu maka ma kidi, ni mu nguzu ia Nzambi. Mu kumaneka tuala ni ivunga ietu ia kubatula mu kidi, kuene mu batula Nzambi, iene ia kuama na-iu o nguma ni kudibhangela.

Filipe 1:28

Kana kukala ni uôma ua jinguma. Maji múbhua jinga uôma, phala ki kale kijimbuete kia ku a edikiza kuila anda kutoloka; phala enu-phe, kiedikiza kuila muanda ku a tolola, mbata o kubhuluka kuenu ku tunda kua Nzambi.

II Timote 2:3

Kolokota o kutala hadi kumoxi ni eme-muène, kala u dikuenze diambote dia Kristu jezú.

II Timote 4:7

Ngalu ita iambote, dikanga dia ngi xindile nga di zubha, o kuxikana ki nga ku eha.