Nehemiia 3:32 - O Mikanda Ikola

³² Anga akua kuzunza o ulu ni phalata ni akua kutadika mauenji, a iudika uâ o dikaẋi dia kutunga ku xilu bhu thungi katé bhu Muelu ua Jimbudi.

Nehemiia 3:32 ပူးပေါင်းရင်းမြစ်များ

Nehemiia 12:39

anga a bhita bhu Muelu ua Ifalaiéme, a bhita bhu Muelu Uôkulu, a bhita bhu Muelu ua Mbiji ni bhu kathôndo ka Menha, hé a bhixila bhu Muelu ua Ibhaku; anga eza emana bhu Muelu ua Kaleia.

Nehemiia 3:1

Anga nganga ia dikota, Eiiiasibe u balumuka, ni muene ni phange jê, o jinganga, anga a tunga o Muelu ua Jimbudi, a u lumbila, anga a u ta o mabhitu mê; a lumbila katé ni mbonge ia Meiah, ni mbonge ia kathondo, Hananele.

Nehemiia 3:31

O Malkiia, monʼa muzunzi a ulu ni phalata, u mu kaiela mu kuiudika ku pholo ia ʼnzo anga u bhixila ku inzo ia ateki a menha ni aẋangi a jihuinhi ni akua kutadika mauenji, bhu kanga dia Muelu ua Mifekade, anga u suka ku xilu bhu thungi.

Nehemiia 3:8

Bhu mbandu iâ ua iudika-bhu Uziiele, monʼa Halaia, umoxi, ku azunzi a ulu; anga Hananiia, monʼa musumbisi a milongo u iudika ue bhu mbandu iê; anga Jeluzaleme a mu tungulula katé bhu Lumbu lua Zanze.

Nzuá 5:2

Mu Jeluzaleme-phe, bhu mbandu ia Dibhitu dia Jimbudi, bhuala dizanga, a dʼixana mu dimi dia Hebeleu, exi: Betesda mba Betezata. Dizanga dienhidi a di tungila itelembe itanu ia kubokuena.