Nehemiia 3:15 - O Mikanda Ikola

¹⁵ Anga Salume, monʼa a Kole-hose, dikota dia sengu ia Mispa, u iudika o Muelu ua Ngunga; u u tunga, anga u u ta o mabhitu ni makumba mê ni milangaji iê hé u iudika ue o kimbaka kia batela ia Sela, bhua zukama ni kadíbhia ka sobha, anga u bhixila muene ku maxita ma kulumuka mu kutunda mu sanzala ia Davidi.

Nehemiia 3:15 ပူးပေါင်းရင်းမြစ်များ

II Samuuele 5:9

Davidi anga u tunga kiá mu mbonge ienhiʼii, hé u i luka uixi: Mbânza ia Davidi. Davidi anga u bhitisa-bhu lumbu tunde bhu Milo hé uia ni kutunga katé moxi.

II Jisobha 25:4

bhenhobho o mbanza a i bulu, o makuenze oso a ita, anga a lenga ni usuku mu njila ia lungu bhu dibhitu, bhu kaẋí ka imbaka iiadi bhua lulama ni kibakala kia itulu ia sobha, (sumbala akua Kaldeia a kondele o mbonge ioso mu kúlua na-iu) maji o sobha ua tundila mu njila ia dinhana

II Malunda 32:30

Ezekiia muene anga u xitila otho ia dikota ia ngiji ia Jihone, o menha mê anga u ma lungulula, hé a kungulukila kʼoxi ku mbandu ia mufilakumbi ia mbonge ia Davidi; mbata Ezekiia ua zediuile mu ima ioso ia kexile mu kubhanga.

Nehemiia 12:37

Muene kia tuamenena kienhiki, mu kubhiẋila bhu Muelu ua Ndunga, a banda ku maxikata ma sanzala ia Davidi mu kubanda ku mulundu, bhua kanduka o lumbu, mbé kutulukila ku inzo ia Davidi, katé bhu Muelu ua Menha, ku mbandu ia thunda.

Nehemiia 2:14

Anga ngi bhita o Muelu ua Fixi, ni bhu Mumba ua sobha; anga ngi lémbua o kididi bhu bhitila o kabalu ku nga xikama.

Nehemiia 2:17

Bhenhobho-phe anga ngʼa tangela kiua, ngixi: Enu mua mono kiambote o uíndua mu tuala, kuma Jeluzaleme ua budijika, ni mabhitu mê ma jikata kuma a mʼoha mu túbhia; ndokuenu-phe tu tunge dingi imbaka ia Jeluzaleme, ki tu xikame kiki mu dilebhu.

Nehemiia 3:12

Anga bhu mbandu iâ Salume, monʼa Loueje, dikota dia kaxaxi kamu kuá ka Jeluzaleme, ni muene ni anʼê a ahatu, ene a iudika-bhu.

Nehemiia 3:14

Anga Malkiia, monʼa Lekabe, dikota dia sengu ia Bete-Xeleme, iudika o Muelu ua Dixita; u u tunga, anga u u ta o mabhitu ni makumba mê ni milangaji iê.

Nehemiia 3:19

Bhu mbandu iê bhene bhua kalakala Ezele, monʼa Jesuua, dikota dia akua Mixpa, ua iudika kibatu kia mukuá, ku lumbu, bhua lulama ma kubanda bhu inzo ia kubhakela mata ma ita, bhu thungi iê.

Nehemiia 3:7

Anga bhu mbandu iâ eza mu iudika-bhu kuala Melatiia, mukua Ngibeione, ni Jadone, mukua Melone, athu ió akua Ngibeione ni Mispa, a tokalele ku utuminu ua nguvulu ia sámbua dia ngiji ia Ufalate.

Nehemiia 3:9

Anga Lefaia, monʼa Hule, dikota dia kaxaxi ka akua Jeluzaleme, u iudika ue bhu mbandu ia enhó.

Ndongixi 2:6

Nga bhange ue ni izanga ia menha, mbé kutekela na-iu o ditutu dia mixi ia mu kula.

Izaía 8:6

Kiedi mundu iú, menha ma Siloua mene ku kunguluka kilendu, a ditunu-u, ia a tana ni Lejime ni monʼa Lemadiia;

Jelemiia 40:6

Uenhú o uijilu ua Jelemiia kua Jedaliia, monʼa Haikane, bhu Mixpa, anga u tunga-nê mu kaxi ka kifuẋi kia athu a subhukile mu ixi ia Juda.

Luka 13:4

Mba o kuinhi dia muthuʼ odio ni nake, diafu ku sabhalalu ia Silôua, ki ia a lundumukina, mua fika kuma enhó a beta kutondala, akuá oso mu Jeluzaleme ndenge?

Nzuá 9:7

Anga u mu ambela, uixi: Ndé, ka di sukule mu dizanga dia Silôua. (Dijinʼ idi, mu ku di jimbulula diedi: A mu tumu). Muène anga uia-bhu, hé u di sukula. O mu kuiza, ua-lu mona kiá kiambote.

Afundixi 20:1

Kienhokio ana Oso a Izalaiele hé a tunda, kilombo kioso anga ki bhongoloka kala muthu umoxi ngó, tundé ku Dani katé ku Bele-seba, ni ixi ia Ngiliiade kumoxi, a bhongoloka kua Jihova bhu Mixipa.

Afundixi 20:3

Anʼa Bejamí anga a kiʼvua kuila anʼa Izalaiele a bande bhu Mixipa. Anʼa Izalaiele anga a zuela, exi: Tu tangedienu, mba kubhukumuka kuenhuku kua bhiti kiebhi?