Nehemiia 2:8 - O Mikanda Ikola

⁸ A ngi bhane ne mukanda ua Asafe, o kimbadi ua mu langa o míkáu ia sobha, phala a ngi bhane miẋi ia kuiudika na-iu o mabhitu ma dizemba dia sobha, ni kimbaka kia sanzala, ni ma inzo mu nga kà bokona. Sobha anga u ngi bhana-iu, kala kia ngi xindi o lukuaku lua mbote lua Nzambi lua ngi tudile ku thandu.

Nehemiia 2:8 ပူးပေါင်းရင်းမြစ်များ

Dimatekenu 32:28

Uixi dingi: Dijina dié ki di kala dingi Jakobo, di kala kia Izalaiele; kuma ua bhânge ni Nzambi, ua bhânge ni athu, ene oso ua a lende.

Ejidala 5:5

Né kienhokio-phe, mesu ma Nzambi ma kexile ku thandu dia ikulakaji ia Juda, katé ki ki ẋikinine ku a fudisa ku bhanga kikalakalu, katé kia bhixila maka eneʼá kua Ndala, anga muene u vutula kizuelu mu mukanda ku ima ienhiʼii.

Ejidala 6:22

O fesa ia jimbolo jʼòsusu, anga a i bhanga mu sambuadi dia kizuua, ni kusanguluka, mbata Nzambi ua lungulula muẋima ua sobha ia Asídia iú ua u te ku mbandu iâ ene, phala ku a suinisa maku mu kikalakalu kia inzu ia Nzambi, muene Nzambi ia Izalaiele.

Ejidala 6:8

Ku mbandu iami ue, nga bhana ngonge, kioso ki mua-nda kubhanga ni ikulakaji ienʼii ia jijudé, phala a tene ku tunga dingi lua mukuá inzu iii ia Nzambi, kuila: Ku jimbongo ja sobha, jojo ji tunda mu malubhaku ku disámbua diodio, dia ngiji, ende ni kufutila muene ku pholo ima ioso i bhindamena athu iá, phala o kikalakalu ki ki kale ni kifudisu.

Ejidala 7:6

Ejidale muenhú anga u banda, ua tundu ku Babilónia. Muene anga u kala musoneki ua di longo kiavulu mu kitumu kia Mozé kia bhele Jihova, Nzambi ia Izalaiele. Muene-phe ue, mukonda dia lukuaku lua mbote, lua Jihova Nzambi iê, lua mu kexile ku thandu diê, sobha ua mu bhana ioso muene ia mu bhingile.

Ejidala 7:9

Mbata ku kizuua kia dianga kia mbeji ia dianga kiene muene kia katuka ni kubanda mu kutunda mu Babilónia; iu ua bhixila mu Jeluzaleme mu kizuua kia dianga kia mbeji ia katatu, kala kia mu xindi lukuaku lua mbote, lua Nzambi iê, lua mu kala ku thandu diê.

Nehemiia 7:2

eme anga ngi xinda, phangʼiami Hanane, ni Hananiia, dikota dia mbonge, ngixi a kale ku pholo mu Jeluzaleme, mukonda dia muene kukala diiala dia uthu ni ujitu, mukua uoma ua Nzambi, akuá avulu dingi ndenge.

Jisabhu 21:1

Muẋima ua sobha, bhu lukuaku lua Jihova, mukuâ ni milombo ia menha; kuoso kua solo muene, kuene kua u lungisa.

Ndongixi 2:5

Nga didimina jindombe ni mabakala a itulu; mixi i bhana o ibundu, kana-bhu ua kambe-mu mu mábhia eneʼá.

Ndongixi 2:6

Nga bhange ue ni izanga ia menha, mbé kutekela na-iu o ditutu dia mixi ia mu kula.

Izaía 66:14

Kiki mua-nda kubuingita kala mafe a kindemvuna; bhenhobho lukuaku lua Jihova luà fumanena ku jiselevende jê, muene ua kà thathamena o jinguma jê.

Daniiele 1:9

Kienhiki Ngana Nzambi ua bongesa Daniiele kiadi ni henda bhu pholo ia kota dia jingolambole.

Jipoxolo 26:22

Kia ngi kudila Nzambi-phe, nga kolokota katé mu kizuua kia lelu, ni kubhana umbangi uê ku makota ni ku jindenge. Ki ngene mu zuela kima-phe kia kambele Mozé ni jipolofeta ku ki zuela kuila hinu kʼ iza.

Jipoxolo 7:10

Hé u mu kudila mu malamba mê moso. O Zuze kia tukuluka kua Falaó, Nzambi u mu muesa ujitu ni unjimu bhu pholo ia Falaó sobha ia Ijitu. O Falaó anga u mu bhanga nguvulu ia Ijitu, ni ia ku tumina dibhata diê dioso.

II Kolindo 8:16

Tua sakidila-phe kiavulu Nzambi ua mi tela o muanu uene umoxi ni etu mu muẋima ua Tito phala ku mi kuatekesa.