Nehemiia 2:6 - O Mikanda Ikola

⁶ Bhenhobho sobha u ngʼambela, ni Na Mvuale hanji kia xikama bhu mbandu iê, uixi: Njila ié i nanga izuua ikuẋi, kumbi kuii di u vutuka? Anga sobha ki mu uabhela ku ngi tumikisa, kioso ki nga mu tangela o kithangana kia kuvutuka.

Nehemiia 2:6 ပူးပေါင်းရင်းမြစ်များ

Nehemiia 1:11

Ngana, tata, mátui mé-phe, ma jikukile o musambu ua mubhikʼé, kumoxi ni musambu ua abhikʼé ala kuinda kuxila o dijina dié; mubhikʼé, lelu, anga u mu zediuisa, nʼu mu bhana o kiadi bhu pholo ia muthu iú. Bhenhobho-phe eme ngala ngi mukuati a nganza ia sobha.

Nehemiia 13:6

Kia bhiti-phe ima ioso iii, eme mu Jeluzaleme ki ngʼala-mu; mukonda ku muvu ua makuinhʼatatu nʼiiadi ua Artaxerxe, sobha ia Babilonia, eme ngendele kua sobha muene mu di kunda-nê; o kia bhiti-phe tuizuua, sobha ua ngeha-ke, eme nga vutuka dingi mu Jeluzaleme.

Nehemiia 2:4

Anga sobha u ngʼambela, uixi: Kiki phe kima kiahi ki u ngi bhinga; eme bhenhobho ngi sambela Nzambi ia diulu,

Nehemiia 2:5

anga ngi tangela sobha, ngixi: Sobha se kiene kia ku uabhela, se o kiandala mubhikʼé ki uabha bhu pholo ié, nga ku bhingi kuila u ngi tumikisa ku Juda, mu sanzala ia jimbila ja jitata jami, nga ka i tunge dingi luamukuá.

Nehemiia 5:14

Eme ue tunde kiá bhu kizuua sobha kia ngi xindi kukala nguvulu mu ixi ia Juda, ku muvu ua makuinhʼaiadi, katé ku muvu ua makuinhʼatatu nʼiiadi ua sobha Artaxexe, kuinhi dia mivu nʼiiadi iosuʼiii, né eme, né o phange jami, ki tua dile kúdia kua unguvulu.

Izaía 58:12

Oso a tokala ku mbutu ié, ene a kà tunga ididi ia budika mʼukulu; eie ua-nda kubhetula o madisesa ku muiji ni muiji; anga a kà ku luka exi, Mutungi-a-ibhela ia budika, kilolo kia ku jikula ikoka phala ixi ia kutunga ni kusoma.

Izaía 61:4

Ene a kà tunga jingùndu jòkulu, a kà bhetula dingi ididi ia diangele kusenguluka, madiembu a sekala a kà a bhangulula dingi, ni jingùndu jòkulu jòsengulule ku muiji ni muiji.

Izaía 65:24

Anga kia kà bhita, kuila ene kiluua a zubha kuixana, eme nga kʼètaia kiá; kuila ene kiluua ngó a zubha kuzuela, eme ngevuʼami kiá.

Daniiele 9:25

Eie tuma-phe ku kʼijiia: tunde bhu tubhukila o ngonge phala kubhetula dingi Jeluzaleme ni ku mu tunga, katé bhua kéjiia Mexiia, o Mʼona Ngana, bhuala sambuadi dia semana, ni makuinhi asamanu ni kiiadi kia jisemana; a kà tunga dingi o jinzunga ni imbaka, maji a kà ji tungila mu thembu ia hadi ni mbùnda.