Nehemiia 2:5 - O Mikanda Ikola

⁵ anga ngi tangela sobha, ngixi: Sobha se kiene kia ku uabhela, se o kiandala mubhikʼé ki uabha bhu pholo ié, nga ku bhingi kuila u ngi tumikisa ku Juda, mu sanzala ia jimbila ja jitata jami, nga ka i tunge dingi luamukuá.

Nehemiia 2:5 ပူးပေါင်းရင်းမြစ်များ

II Samuuele 14:22

Jouabe bhenhobho anga u bhetamena pholo bhoxi hé u diunda, u sakidila muenexi. Anga Jouabe u zuela, uixi: Lelu, ngi mubhikʼé, ngejiia kuma nga sange ngalasa mu mesu mé, kùku, ngana iami, kuma eie u muenexi ua kumbidila kioso ki nga ku bhingi, eme mubhikʼé.

Ejidala 5:17

O kiki-phe, se sobha ka ki mono ku ibha, a sote hanji mu mabhakelu ma sobha ia Babilónia, se ni kidi kiene ngonge ia sobha Silu iíi momo, ia ku tungisa inzu iii ia Nzambi iala mu Jeluzaleme. Ni ku ima iosuʼiii, sobha a tuʼambele, tuijiie ue kioso kia mesena muene.

Nehemiia 2:4

Anga sobha u ngʼambela, uixi: Kiki phe kima kiahi ki u ngi bhinga; eme bhenhobho ngi sambela Nzambi ia diulu,

Nehemiia 2:6

Bhenhobho sobha u ngʼambela, ni Na Mvuale hanji kia xikama bhu mbandu iê, uixi: Njila ié i nanga izuua ikuẋi, kumbi kuii di u vutuka? Anga sobha ki mu uabhela ku ngi tumikisa, kioso ki nga mu tangela o kithangana kia kuvutuka.

Estere 1:19

Se kia uabhela muenexi ku ki bhanga, a tubhule ngonge, a i sonekese mu jindunda ja akua Pélesa ni akua Mediia, phala ki i xikine dingi ku i alulula, kuila Váxiti kua muenexi Asuuelu keza-ku dingi, o ungana uê muenexi a u bhane kiá mukuâ uengi u kala muthu uambote uoso ua mu tundu muene mu kuuabha.

Estere 5:8

Se nga sange ngalasa ku mesu mé u muenexi, se uambe ku ngi bhana kioso ki ngi bhinga, kioso ki ngi sola, o kuila muenexi eze dingi luamukuá ni Hamane ku fesa i ngi iudika mungu, ngʼijiie kiua kuzuela, ngana, kioso ki ua ngʼibhula, nda bhange kioso ki ua ngi tumu.

Estere 7:3

Bhenhobho na mvuale Estere uixi: Se nga sange ngalasa ku mesu mé, ngana u muenexi, se kia ku uabhela ku ki bhanga, a ngi bhane o muenhu uami, uene u nga bhingi; ni muenhu ua muiji uami, uene u nga solo.

Estere 8:5

Anga u zuela, uixi: Se kia ku uabhela, eie u muenexi, se nga sange ngalasa ku mesu mé, se ua ki mono kiene kia tokala, eme muene se nga ku uabhela, a tume kusoneka phala kulungulula mikanda ia bhangesa Hamane, monʼa Hamedata, mukua Akaki, ia kuila jijudé joso a ji buidise mu jisengu joso ja muenexi.

Jisabhu 3:4

Bhene-phe ua-nda kumena o kiadi ni diximanu ku mesu ma Nzambi ni ku athu.

Daniiele 9:25

Eie tuma-phe ku kʼijiia: tunde bhu tubhukila o ngonge phala kubhetula dingi Jeluzaleme ni ku mu tunga, katé bhua kéjiia Mexiia, o Mʼona Ngana, bhuala sambuadi dia semana, ni makuinhi asamanu ni kiiadi kia jisemana; a kà tunga dingi o jinzunga ni imbaka, maji a kà ji tungila mu thembu ia hadi ni mbùnda.

Matesu 23:27

Lamba dienu, mu alongi a Kitumu ni enu mu jifalizeu, mu akua mangonha! Kuma mua difangana jimbila jókunge hàla jí jazele. Ku kanga mu ji mona jauabha, moxi manhi muezala ifuba ia athu áfua, ni dixidilu dioso.

Lute 2:13

Lute anga u mu ambela, uixi: Ngi bonge kisangu-sangu ku mesu mé, ngana iami, mukonda ua ngi bhuisa hele, ngi kahatu ké; kuma ua ngi zuelesa ni henda, sumbala o ilumba ié iamukuá eme ki ngi di fika-nâ.