Nehemiia 2:4 - O Mikanda Ikola

⁴ Anga sobha u ngʼambela, uixi: Kiki phe kima kiahi ki u ngi bhinga; eme bhenhobho ngi sambela Nzambi ia diulu,

Nehemiia 2:4 ပူးပေါင်းရင်းမြစ်များ

II Samuuele 15:31

Anga bhu kala muthu u jimbuila Davidi, uixi: Ahitofele ua di te ue mu kikutu ni Abisalone. Davidi anga u zuela, uixi: Eie u Jihova, Nzambi iami nga ku diondo, kitukisa jiphangu ja Ahitofele, ji kale uoua.

I Jisobha 3:5

Bhu Ngibiione bhenhobho Jihova anga u tukulukila Solomá, ku nzoji, mu usuku. Nzambi anga u mu ambela, uixi: Bhinga kioso ki uandala ki ngi ku bhana.

Nehemiia 1:11

Ngana, tata, mátui mé-phe, ma jikukile o musambu ua mubhikʼé, kumoxi ni musambu ua abhikʼé ala kuinda kuxila o dijina dié; mubhikʼé, lelu, anga u mu zediuisa, nʼu mu bhana o kiadi bhu pholo ia muthu iú. Bhenhobho-phe eme ngala ngi mukuati a nganza ia sobha.

Nehemiia 1:4

Anga ki bhita kuma, eme mu kuívua o maka iá, nga xikama hanji anga ngi dila, anga ngi bhita izuua muene ni dilamba; anga ngi kuata kujila ni kusamba bhu pholo ia Nzambi ia diulu.

Nehemiia 1:5

Ngixi; Ngana tata, u Nzambi ia diulu, Nzambi ia dikota, u kuatesa uoma! Uene mu bhaka o kikutu ni kulendukila ió oso a kuzola anga a bhaka o ijila ié;

Nehemiia 2:20

Bhenhobho nga a kumbulula, ngixi: Nzambi ia diulu muene ua-nda ku tu kuatekesa; etu tu abhikʼê tu balumuka ngoho ni tu tungu; maji enu-phe mu Jeluzaleme kana-mu mbandu ienu, mba undundu, mba kima kiengi kia xa o Makulu.

Nehemiia 2:5

anga ngi tangela sobha, ngixi: Sobha se kiene kia ku uabhela, se o kiandala mubhikʼé ki uabha bhu pholo ié, nga ku bhingi kuila u ngi tumikisa ku Juda, mu sanzala ia jimbila ja jitata jami, nga ka i tunge dingi luamukuá.

Estere 5:3

Muenexi anga u mu ambela, uixi: Kiebhi-ze na mvuale, Estere? Ihi ki u ngi bhinga? Zuela, ngi ku bhane-kiu, né kia ngi bhingi kuila o utuminu uami tu u uanetu ngó.

Estere 5:6

Muenexi anga u ambela Estere bhu fesa ia vinhu, uixi: Kima kiahi ki u ngi bhinga? Zuela, ngi ku bhane-kiu; kioso ki u sola tu ki bhanga, né ki bhinga o utuminu tu uanetu ngó.

Estere 7:2

Muenexi anga u ambela Estere, kizuua kia kaiadi ku fesa ia vinhu, uixi: Kima kiahi ki u ngi bhinga, na mvuale Estere? Zuela, ngi ku bhane-kiu; kioso ki u sola tu ki bhanga muene, né ki bhinga kuila o utuminu uami tu uanʼetu ngó.

Jisálamu 136:26

Mbàmba, sakidilenu Nzambi ia diulu; kuma kulenduka kuê ki kuene kúbhua.

Jisabhu 3:6

Mu suue muene ngó mu mauendelu mé moso, muene a iukise o njila jé joso.

Marku 10:51

Jezú iu ua mu kumbulula, uixi: Ua mesena ngi ku bhanga kiebhi? Kuala o kifofo: Mesene, ngi bhane dingi o kumona.

Jipoxolo 23:19

Komanande anga u mu kuata mu lukuaku, u sondoloka-nê bhu mbandu, hé u mu ibhula ku ubheka, uixi: Maka mahi u uandala ku ngi kundila?

Filipe 4:6

Ki mu kale ni hele ia kima, ki mu ile bhidibhidi, maji ima ioso-phe iiza-ku, mu ila ni kusamba ni kudionda, kumoxi ni kusakidila, mu ende ni kubhinga kua Nzambi ioso i mua mesena.