Nehemiia 2:3 - O Mikanda Ikola

³ Anga ngʼambela sobha ngixi: Sobha lola muenhu ué ni ku hádia ni hádia! Abha eme ki ngi di suuata kiebhi o pholo, se o sanzala iala o kidindu kia jimbila ja jitata jami ia senguluka, ni mabhitu mê a mʼoha mu túbhia?

Nehemiia 2:3 ပူးပေါင်းရင်းမြစ်များ

I Jisobha 1:31

Bete-seba bhenhobho anga u bhetama, u tula o pholo bhoxi, u diundila muenexi, uixi: Kùku Davidi, ngana iami, a kolelè-ku o muenhu.

II Jisobha 25:8

O ku tula bhu mbeji ia katanu, bhu kizuua kia kasambuadi ku mbeji, (o muvu uenʼiú-phe uene o muvu ua kuinhi nʼivua ua utuminu ua Nabukodonozolo, sobha ia Babilónia) kiene kieza Nebuzaladane, kabhitangu ka kilangidilu, mubhika ua sobha ia Babilónia, mu Jeluzaleme.

II Malunda 21:20

Muene kiandeka o kutumina, ua kexile hanji mu makuinhi a tatu a mivu ki kiiadi; iú ua tumina dinake dia mivu mu Jeluzaleme; iú uendelela, ka xisa ngùnzu ia kima kuema diê; a mu fundu mu sanzala ia Davidi, maji kana mu jimbila ja jisobha.

II Malunda 28:27

Akaji anga uzendalala ni jitata jê, anga a mu funda mu mbonge, mu Jeluzaleme, maji ka mu te mu jimbila ja jisobha ja Izalaiele. Anga Ezekiia, monʼê u hinga ungana bhu kididi kiê.

II Malunda 32:33

Anga Ezekiia u nhoha ni jitata jê, hé a mu funda mu mbila ia beta ditala mu jimbila ja anʼa Davidi; ni akua Juda oso ni ió a tungu mu Jeluzaleme anga mu kúfua kué a mu idikiza ujitu ua vulu; o monʼê Manasa anga u hinga bhu kididi kiê.

II Malunda 36:19

O inzu ia Jihova anga a i oha, o imbaka ia Jeluzaleme hé a i bula-bula; o jinzu jê joso ja matala a ji oha mu túbhia, ni itutu iê ioso ia makembu a i jikinisa ue.

Nehemiia 1:3

Anga ene a ngi tangela, exi; A xala koko, ku sengu, a kambele kuiza ku ubhika, ala mu hadi iavulu ni dilebhu; o kimbaka kia Jeluzaleme a ki bulu, o mabhitu mê a mʼoha mu túbhia.

Nehemiia 2:13

Anga ngi tubhuka mʼusuku bhu Muelu ua Dikôlo, ku mbandu kualela o Fixi ia Mudikixi, ni ku Muelu ua Dixita, anga ngi tala imbaka ioso ia Jeluzaleme, ngi mona ia budijika, ni mabhitu mê, ma jikata, a mʼoha mu túbhia.

Estere 8:6

Mukonda ki ngalʼiki, ngi tena kiebhi o kumona muiji uami a u bhanga o phulu ioso iii, ia a xindila? Ngi tena kiebhi o kumona ndandu jami joso, a buila?

Jisálamu 102:14

Mukonda, etu tu selevende jé, ni matadi mé ma tu kate, ni mavu mé henda ia tu kuata.

Jisálamu 102:15

Athu mu jixi kiene kia kà kala ni uoma ua dijina dia Jihova, o jisobha ja mu ngongo anga jenda ni ku ku bhana o fuma.

Jisálamu 137:6

Dimi di ngi naminine ku thanduʼa dikanu, se Jeluzaleme u kamba ku ngi kala kota, ima ioso ia ngi uabhela ndenge-èlele.

Jisálamu 38:7

Kuma mu mbunda mua ngʼizala ni misusu ia kutemanana; o mu jixitu jami ki muala ngó kima kia disanze.

Jelemiia 52:12

O bhu mbeji ia katanu, mu kizuua kia kakuinhi ku mbeji, (uenhu-phe uene o muvu ua kuinhi niʼvua, ua utuminu ua Nabukodonozolo, sobha ia Babilonha) kiene kieza Nebuzaladane, mu Jeluzaleme, kabhitangu ka kilangidilu, ua kexile mu kunanga bhu pholo ia sobha ia Babilonha.

Kuditenda 2:9

Imabhitu iê ia lundumuka bhoxi, ii ia di lâmbela koxiʼa mavu ku ia lundumukina; o jisabhi jê muene ua ji bukujula ni jitalanga jê; ni sobha iê ni ilamba iê, iá nanga kiá muʼaxaxi ka ifuẋi iengi, mua bhingi ki muene dingi kitumu mba kubazela; o muenhomo jipolofeta jê, ki ji kala dingi ni lumono lua Jihova, lémbue.

Daniiele 2:4

Akua Kaldeia-phe hé ambela sobha, mu dimi dia akua Sídia, exi: Muenexi, tunga, soma! O nzoji tanga-iu ku abhikʼé, nda etu tu mone-bhu o dijimbuluilu diê.

Daniiele 3:9

Hé azuela, a jimbuila sobha Nabukodonozolo, exi: Muenexi, tunga soma!

Daniiele 5:10

Na mvale dia mama-phe, kioso kievu o izuelu ia sobha ni ilâmba iê, u bokona mʼonzo ia fesa; na mvale anga uzuela, uixi: Muenexi, tunga soma ku izuua ioso! Ilunji ié ki i ku juuale kiókio, kana ue kudiangamana pholo.

Daniiele 6:21

Daniiele-phe uambela sobha, uixi: Eué, sobha, kola muenhu ki uabhe!

Daniiele 6:6

Bhenhobho ni mavunda ni ilâmba aia kua sobha, anga a mu ambela kiki: Muenexi Ndala, kola muenhu, ki uabhe!

Ijila 26:31

O jisanzala jenu nga kà ji sengulula, o ididi ienu ia kubhezela nga kà i solala, o dizumba dinuha kiamboteʼokio di mu ngi tela Eme, ki nga kà di suua dingi.