Nehemiia 2:14 - O Mikanda Ikola

¹⁴ Anga ngi bhita o Muelu ua Fixi, ni bhu Mumba ua sobha; anga ngi lémbua o kididi bhu bhitila o kabalu ku nga xikama.

Nehemiia 2:14 ပူးပေါင်းရင်းမြစ်များ

II Jisobha 18:17

Sumbala kiene, maji o sobha ia Asídia hanji a tumikisa Talatana, ni Labesadi, ni Labesaki, hé a tunda bhu Lakiji ni kifuẋi kia dikota kia masoladi, aia kua sobha Ezekiia, mu Jeluzaleme; anga a banda, eza mu Jeluzaleme; o ene kia bande ia eza kua muene, emana bhu mulombo ua dijiia dia dikota dia lulama ku njila ia mukáu ua musukuidi.

II Jisobha 20:20

Tala-phe, o ima dingi ia bhiti naiu Ezekiia, ni kusuina kue kuoso, ni kioso ki a bhange o dizouelu ni mulombo ni kioso kia sungila o menha mu mbanza, mbé ka i soneka mu divulu dia malunda ma jisobha ja Juda?

II Malunda 32:30

Ezekiia muene anga u xitila otho ia dikota ia ngiji ia Jihone, o menha mê anga u ma lungulula, hé a kungulukila kʼoxi ku mbandu ia mufilakumbi ia mbonge ia Davidi; mbata Ezekiia ua zediuile mu ima ioso ia kexile mu kubhanga.

Nehemiia 12:37

Muene kia tuamenena kienhiki, mu kubhiẋila bhu Muelu ua Ndunga, a banda ku maxikata ma sanzala ia Davidi mu kubanda ku mulundu, bhua kanduka o lumbu, mbé kutulukila ku inzo ia Davidi, katé bhu Muelu ua Menha, ku mbandu ia thunda.

Nehemiia 3:15

Anga Salume, monʼa a Kole-hose, dikota dia sengu ia Mispa, u iudika o Muelu ua Ngunga; u u tunga, anga u u ta o mabhitu ni makumba mê ni milangaji iê hé u iudika ue o kimbaka kia batela ia Sela, bhua zukama ni kadíbhia ka sobha, anga u bhixila muene ku maxita ma kulumuka mu kutunda mu sanzala ia Davidi.

Nehemiia 3:16

Ua mu kaiela mu kutunga Nehemiia, monʼa Azebuke, dikota dia kaxaxi ka akua Bete-Zule, u bhixila katé ku pholo ia jimbila ja Davidi, uiza bhu Mumba uòkalakale kiambote ku maku, anga u suka ku inzo ia Mazonda.

Ndongixi 2:6

Nga bhange ue ni izanga ia menha, mbé kutekela na-iu o ditutu dia mixi ia mu kula.