Nehemiia 2:13 - O Mikanda Ikola

¹³ Anga ngi tubhuka mʼusuku bhu Muelu ua Dikôlo, ku mbandu kualela o Fixi ia Mudikixi, ni ku Muelu ua Dixita, anga ngi tala imbaka ioso ia Jeluzaleme, ngi mona ia budijika, ni mabhitu mê, ma jikata, a mʼoha mu túbhia.

Nehemiia 2:13 ပူးပေါင်းရင်းမြစ်များ

II Malunda 26:9

Uziia ua tungile ue jinzu ja matala mu Jeluzaleme bhu muelu ua Thungi, ni bhu muelu ua Dikôlo, ni mu jihota, anga u ji kolesa kiambote.

Nehemiia 1:3

Anga ene a ngi tangela, exi; A xala koko, ku sengu, a kambele kuiza ku ubhika, ala mu hadi iavulu ni dilebhu; o kimbaka kia Jeluzaleme a ki bulu, o mabhitu mê a mʼoha mu túbhia.

Nehemiia 12:31

Bhenhobho nga sambelesa o ilamba ia Juda ku thandu dia kimbaka, anga ngi bhanga ibuka iiadi ia makota ia jingimba, o ibuka iendela ku munôno, kimoxi ku lukuaku lua kúdia ku thandu dia kimbaka, ku mbandu ia muelu ua Dixita.

Nehemiia 2:12

Anga ngi balumuka mʼusuku, eme ni athu ofele nga kexi-nâ, kana muthu nga mu tetuila kia ngi bhake Nzambi iami ku muẋima ku ki bhanga mu Jeluzaleme; ki nga kexile ue ni kiama kioso-kioso, kiama kikale o kiama ngó, ku nga sambelele, kuabhu!

Nehemiia 2:15

Bhenhobho ngi banda ni kuvuua kangiji mʼusuku, ni kutala o kimbaka; anga ngʼaluluka, ngi bokuena dingi bhu Muelu ua dikôlo, anga ngi tunda-ku.

Nehemiia 2:17

Bhenhobho-phe anga ngʼa tangela kiua, ngixi: Enu mua mono kiambote o uíndua mu tuala, kuma Jeluzaleme ua budijika, ni mabhitu mê ma jikata kuma a mʼoha mu túbhia; ndokuenu-phe tu tunge dingi imbaka ia Jeluzaleme, ki tu xikame kiki mu dilebhu.

Nehemiia 2:3

Anga ngʼambela sobha ngixi: Sobha lola muenhu ué ni ku hádia ni hádia! Abha eme ki ngi di suuata kiebhi o pholo, se o sanzala iala o kidindu kia jimbila ja jitata jami ia senguluka, ni mabhitu mê a mʼoha mu túbhia?

Jelemiia 5:10

Sambelenu ku imbaka iâ, mu a buidise: jithangu jê saunenu-ju, mbata ki ja Jihova.