Nehemiia 2:1 - O Mikanda Ikola

¹ Anga ki bhita kuila, ku mbeji ia nisane, ku muvu ua makuinhiʼa iadi, ua sobha Artaxexe, kuma eme ngi bheka vinhu bhu pholo iê, eme anga ngi katula vinhu, anga ngʼi bhana sobha; hanji-phe kienhokio eme kiluua ngi kala ni ku di suuata bhu pholo iê.

Nehemiia 2:1 ပူးပေါင်းရင်းမြစ်များ

Dimatekenu 40:11

bhu maku-phe nga kuata kopho ia Falaó; anga ngi bhana o kopho kua muene Falaó.

Dimatekenu 40:21

Kopelu anga u mu ta dingi ku ufunu uê, u kala mu kubhana o kopho kua Falaó.

Ejidala 4:7

O mu izuua ia Artaxexe ue, Bijilame, ni Miteledati, ni Tabeiele ni akua dingi, akua kilunga kiâ, a sonekena Artaxexe, sobha ia Pélesa; mukanda a u soneka ni jiletala ja akua Sídia ni mu dízui dia akua Sídia.

Ejidala 7:1

Kia zubha kubhita ima iii, mu utuminu ua Artaxexe, sobha ia Pélesa, Ejidala monʼa Selaia, monʼa Azadiia, monʼa Ilikiia,

Ejidala 7:7

Mu muvu ua kasambuadi, ua sobha Artaxexe, amoxi-mu ku anʼa Izalaiele, a banda mu Jeluzaleme, ni anʼa jinganga, ni a jilevita, ni a jingimbidi, ni anʼa ajikuidi a mabhitu, ni a akua mbèle mu tembulu.

Nehemiia 1:1

Maka ma Nehemiia, monʼa Hakaliia. Anga ki bhita bhu mbeji ia kijileu, ku muvu ua makuinhiʼa iadi, eme kioso ki ngala mu mbonge ia Suzane,

Nehemiia 1:11

Ngana, tata, mátui mé-phe, ma jikukile o musambu ua mubhikʼé, kumoxi ni musambu ua abhikʼé ala kuinda kuxila o dijina dié; mubhikʼé, lelu, anga u mu zediuisa, nʼu mu bhana o kiadi bhu pholo ia muthu iú. Bhenhobho-phe eme ngala ngi mukuati a nganza ia sobha.

Estere 3:7

Bhu mbeje ia kamoxi, iene mbeje ia Nisane, ku muvu ua kuinhi ni kaiadi ua Asuuelu kukala ku ungana, a kuata kuta Pudi, kifua kuta josorte bhu pholo ia Hamane izuua ioso, kuiza kizuua kiene, kuiza mbeje kiene, katé bhu mbeje ia kuinhi ni kaiadi iene mbeje ia Adale.

Daniiele 9:25

Eie tuma-phe ku kʼijiia: tunde bhu tubhukila o ngonge phala kubhetula dingi Jeluzaleme ni ku mu tunga, katé bhua kéjiia Mexiia, o Mʼona Ngana, bhuala sambuadi dia semana, ni makuinhi asamanu ni kiiadi kia jisemana; a kà tunga dingi o jinzunga ni imbaka, maji a kà ji tungila mu thembu ia hadi ni mbùnda.