Nehemiia 13:31 - O Mikanda Ikola

³¹ kiene ue kimoxi ki nga bhange ni akua maujitu ma jihuinhi mu ithangana ia tokala, ni maujitu ma ima ioso ia kutomona. Eie-phe, Nzambi iami, ngi te jinge o muẋima, mbé ku ngi kale ue o mbote iami.

Nehemiia 13:31 ပူးပေါင်းရင်းမြစ်များ

Nehemiia 10:34

Tua te ue jisorte muʼaxaxi ka jinganga, akua Leví, ni mu kifuẋi, phala kuijiia oso a bhana o jihuinhi ja kubheka mʼonzo ia Nzambi ietu, ku jinzo ja jitata jetu, mu ithangana i a xindi, ku muvu ni muvu, ia kuohela ku kalatódio ka Jihova, Nzambi ietu, kala ki a ki soneka mu kitumu.

Nehemiia 10:35

Ni kuila ue tu bheka mʼonzo ia Jihova o idima ia dianga ia mábhia metu ni ibundu ioso ia dianga ia miẋi ioso, ku muvu ni muvu;

Nehemiia 10:38

Ni kuila ue, o nganga, monʼa Alá, u kala kumoxi ni akua Leví kioso akua Leví kia kala mu tambula o kakuinhi, ni kioso akua Leví kia bhana ue o kakuinhi ka kakuinhi ka tambula ue ene, hé a ka bheka mʼonzo ia Nzambi ietu, mu maxilu ma inzo ia kubhakela o jimbongo ja Nzambi.

Nehemiia 13:14

Mukonda dia kiki eie u Nzambi iami, ku ngi jimbe; o mbote jami joso ji nga bhange ku inzo ia Nzambi iami, ni ku kikalakalu kiê, kana ku ji jimuna.

Nehemiia 13:22

Akua Leví ue nga a tangela ngixi mu di zelesa, anga muiza, mu langidile bhu mielu, nda mu kôlese o sabhalu. (Mu kiki ue eie, u Nzambi, iami, ngi te muẋima; anga u ngi loloka kala kiavulu o henda ié.)

Nehemiia 5:19

Ngi te-phe muẋima, eie u Nzambi iami, tata, u ngi bhange o mbote, ku ima ioso i nga bhange athu iá.

Jisálamu 106:4

Eme-phe, u Jihova, ngi xinganeke ni vondadi iambote kala ki uene kubhanga o mundu ué; ngi sange bhu ngala phala u ngi bhulule.

Jisálamu 25:7

Kana kuxinganeka kuzangata kuami kua undenge; mba u kaiela o itondalu iami, né nga ku bhukumukina, ngi kuatele henda mu kiadi kié, u Jihova.

Luka 23:42

Uixi dingi: Jezú, ngi lembalale, hádia ki uiza ku Usobha mu Utuminu ué.