Nehemiia 13:26 - O Mikanda Ikola

²⁶ Manhi o Solomá, o sobha ia Izalaiele, mu kusakana kuenhuku ki muene mua tele kituxi, suke muʼaxaxe ka ifuẋi ia athu avulu kana-mu sobha ia di fuile-nê, ni mu ku mu zola kuala Nzambi iê, ni mu ku mu bhanga kukala sobha ia Izalaiele ioso kuala Nzambi? Ku thandu diê-phe anga ahatu a akua matumbu a mu tesa kituxi.

Nehemiia 13:26 ပူးပေါင်းရင်းမြစ်များ

I Jisobha 21:25

Kana-ku-phe muthu ua sokela ni Akabe, mu ku di sumbisa mu kubhanga kiaiibha ku mesu ma Ngana kala muene, mukonda dia mukajʼê Jezabele, ua kexile ku mu funhisa jinga kubhanga kiaiibha.

I Jisobha 3:12

talesa, ngi ku bhanga kioso ki ua zuela: Ngi ku bhana o muẋima ua kuijiia kinéne ni kutongoloka katé kibhinga eie ku moneka luiadi, ni ku iá oso a ku bhingana, ki bhuà kala mukuenu u soka-nê.

I Jisobha 3:13

Ni iii i ua kambe ku i bhinga, ngi ku bhana-iu ue, ni jimbongo ni kijingo, katé ku jisobha joso ki ku kala mukuenu u soka-nê, izuua ié ioso ia muenhu ué.

I Jisobha 4:1

Kienhiki, Sobha Salomá anga u kala mú tumina Izalaiele ioso.

II Malunda 1:12

o unjimu ni kuijiia a ku bhana-u; nga-nda ku kubhana ni umvuama, ni jimbongo, ni kijingu, kia bhingi kuila kana-ku sobha ua kexile na-kiu kuema dié, o ku pholo ue kana muthu dingi ua kà kala na-kiu.

II Malunda 9:22

Kienʼiki sobha Solomá anga u tunda jisobha joso mungongo, mu umvuama ni mu kuijiia.

Jisabhu 31:3

Ahatu-ze ku a handamene, kana ku a zangela o nguzu ia unzangala ué, mauendelu mê kana ku ma lungisa ku ahatu ió ene mu kutexikisa o jisobha.

Ndongixi 7:26

Eme nga bongo-mo kima kia beta o kulula kúfua ndenge; kienhiki: O muhatu uedi, o muẋima uê ua di bhange kala uanda ni mabhebhe, o maku mê edi kala mikolo ia kabhila. Uoso ngó ua iuka bhu pholo ia Nzambi, muene ngó ua kà bhulaka kokuê, maji o ió uejidila kiá o ituxi, a kà mu kuta kuala muhatu muenhó,